ସାନ୍ ଫ୍ରାନ୍ସିସ୍କୋ: ସମସ୍ତ ସୋସିଆଲ୍ ମିଡିଆ ପ୍ଲାଟଫର୍ମରେ ସ୍ପଷ୍ଟ ଦେଖିବାକୁ ମିଳିଛି କରୋନା ମହାମାରୀ ପ୍ରଭାବ । ଶେଷରେ ବିଜ୍ଞାପନ ଦର ହ୍ରାସ କଲା ବିଶ୍ୱର ଅଗ୍ରଣୀ ସୋସିଆଲ୍ ମିଡିଆ ପ୍ଲାଟଫର୍ମ ଫେସବୁକ୍ ।
#Facebook has reportedly cut its advertisement rates by nearly 20 per cent in recent weeks as ad spending on its platform has taken a severe hit owing to the #COVID19 pandemic. #COVID19outbreak pic.twitter.com/VIAdl7hX8Q
— IANS Tweets (@ians_india) April 14, 2020
ୱାଲ୍ ଷ୍ଟ୍ରିଟ୍ ଜର୍ଣ୍ଣାଲ ରିପୋର୍ଟ ଅନୁଯାୟୀ ଫେବ୍ରୁଆରୀ ମାସ ତୁଳନାରେ ମାର୍ଚ୍ଚ ମାସରେ ଫେସବୁକ ୧୫ ରୁ ୨୦% ବିଜ୍ଞାପନ ଦର ହ୍ରାସ କରିଛି ।Wpromote ନାମକ ଡିଜିଟାଲ ମାର୍କଟିଂ ଏଜେନ୍ସି ବିଜ୍ଞାପନରେ ବର୍ଷକୁ ୧୩୦ ମିଲିଅନ ଡଲାର ଫେସବୁକରେ ଖର୍ଚ୍ଚ କରିଥାଏ । ଅନ୍ୟପଟେ 4C ନାମକ କମ୍ପାନୀ ବର୍ଷକୁ ଫେସବୁକରେ ବିଜ୍ଞାପନ ବାବଦକୁ ଖର୍ଚ୍ଚ କରିଥାଏ ୩୫୦ ମିଲିଅନ ଡଲାର । ଏହି ଦୁଇଟି କମ୍ପାନୀଙ୍କ ଅନୁଯାୟୀ ମାତ୍ର ଗୋଟିଏ ମାସରେ ଫେସବୁକ ୨୨ ରୁ ୨୫% ବିଜ୍ଞାପନ ଦର ହ୍ରାସ କରିଛି ।
ପୂର୍ବ ଅପେକ୍ଷା ଅଧିକ ଲୋକ ଲଗ୍ ଇନ୍ କରୁଥିଲେ ବି ଫେସ୍ବୁକ୍ ଏତେଟା ଲାଭବାନ ହୋଇପାରିନି । କୌଣସି କମର୍ସିଆଲ୍ କାମ ପାଇଁ ନୁହେଁ ବରଂ ମେସେଜ ପ୍ରେରଣ ପାଇଁ ଅଧିକରୁ ଅଧିକ ଲୋକ ଫେସ୍ବୁକ୍ ବ୍ୟବହାର କରୁଛନ୍ତି । କରୋନାଭାଇରସ୍ ଯୋଗୁଁ ସାରା ବିଶ୍ୱ ଅସ୍ତବ୍ୟସ୍ତ ଥିବାବେଳେ ବ୍ୟବସାୟକୁ ସନ୍ତୁଳିତ ରଖିବା ପାଇଁ ଫେସବୁକ ବିଜ୍ଞାପନ ଦର କମ କରିଛି ।