ମହାପ୍ରଭୁ ଶ୍ରୀଜଗନ୍ନାଥଙ୍କ ଦ୍ବାଦଶ ଯାତ୍ରା ମଧ୍ୟରେ ଦୋଳ, ଚନ୍ଦନ ଓ ରଥଯାତ୍ରା ଅନ୍ୟତମ । ଦୋଳରେ ଗୋବିନ୍ଦ, ଚନ୍ଦନରେ ମଧୁସୂଦନ ଓ ରଥରେ ବାମନ ରୂପେ ପ୍ରଭୁ ଭକ୍ତଙ୍କ ଦୁଃଖ ହରଣ କରନ୍ତି । ଆସନ୍ତୁ ଆମେ ଜାଣିବା ଚନ୍ଦନ ଯାତ୍ରା ବିଷୟରେ।
ଦୋଳେ ଚ ଦୋଳ ଗୋବିନ୍ଦ
ଚାପେ ଚ ମଧୁସୂଦନ
ରଥେତୁ ବାମନ ଦୃଷ୍ଟ୍ବା
ପୁର୍ନ ଜନ୍ମ ନବିଦ୍ଯତେ।।
ଚନ୍ଦନ ଯାତ୍ରା କୁ ବିଜେ କରୁଥିବା ଶ୍ରୀଜୀଉମାନେ ନରେନ୍ଦ୍ର ପୁଷ୍କରିଣୀ ଚକଡ଼ାରେ ପହଂଚିବା ପରେ ଶ୍ରୀ ଜୀଉମାନଙ୍କୁ ଦୁଇଟି ଚାପ ରେ ବିଜେ କରାଯାଇଥାଏ। ଏହି ଦୁଇଟି ଚାପ ହେଉଛି ନନ୍ଦା ଓ ଭଦ୍ରା ।
ଭଦ୍ରା ଚାପ:
ଦୁଇଟି ନୌକାକୁ ଯୋଡ଼ାଯାଇ ପକ୍ଷ ଯୁକ୍ତ ହଂସମୁଖ ଥାଇ ଚାପ ନିର୍ମିତ ହୋଇଥାଏ। ଉକ୍ତ ଚାପ ରେ ଦୁଇଟି ସିଂହାସନ ଆଗ ପଛ ହୋଇଥାଏ । ଆଗ ସିଂହାସନ ରେ ରାମ କୃଷ୍ଣ ଏବଂ ପଛ ସିଂହାସନ ରେ ପଞ୍ଚ ମହାଦେବ (ଶ୍ରୀଲୋକନାଥ, ଶ୍ରୀଜମ୍ବେଶ୍ୱର, ଶ୍ରୀନୀଳକଣ୍ଠେଶ୍ୱର, ଶ୍ରୀକପାଳମୋଚନ, ଶ୍ରୀମାର୍କଣ୍ଡେଶ୍ୱର) ବିଜେ ହୋଇଥାନ୍ତି। ଏହି ଚାପ ଟିରେ ଲାଲ ରଙ୍ଗର କନା ମଣ୍ଡଣୀ ହୋଇଥାଏ ।
ନନ୍ଦା ଚାପ:
ଏହି ଚାପ ର ମଣ୍ଡଣୀ ଧଳା କନା ରେ ହୋଇଥାଏ। ଏହି ଚାପରେ ଏକ ବଡ଼ ରୂପା ସିଂହାସନ ଥାଏ। ଏହା ଉପରେ ଶ୍ରୀ ମଦନମୋହନ , ଶ୍ରୀଦେବୀ ଓ ଭୂଦେବୀ ବିରାଜିତ ହୋଇ ନୌବିହାର କରିଥାନ୍ତି।
ଏହି ଦୁଇଟି ଚାପ ପୁରାତନ ଶୈଳୀରେ ନିର୍ମିତ ହୋଇ ଥାଏ ।
