ବିଶାଖାପାଟଣା: ଦକ୍ଷିଣ ଆଫ୍ରିକା ବିପକ୍ଷରେ ପ୍ରଥମ ଟେଷ୍ଟମ୍ୟାଚର ପ୍ରଥମ ଇନିଂସରେ ବିରାଟ କୋହଲୀଙ୍କ ଟିମ୍ ଇଣ୍ଡିଆ ଉନ୍ନତ ବ୍ୟାଟିଂ ପ୍ରଦର୍ଶନ କରିଛି । ମ୍ୟାଚର ୧ମ ଦିବସରେ ଓପନିଂ ବ୍ୟାଟ୍ସମ୍ୟାନ ରୋହିତ ଶର୍ମାଙ୍କ ୧୭୬ ରନର ଶତକ ପରେ ମୟଙ୍କ ଅଗ୍ରୱାଲ ୧୭୧ ରନର ଏକ ଶତକୀୟ ଇନିଂସ ଖେଳି କ୍ରିଜରେ ଅପରାଜିତ ରହିଛନ୍ତି । ଭାରତ ଚା’ପାନ ବିରତି ପୂର୍ବରୁ ୨ୟ ଦିବସରେ ମାତ୍ର ୨ଟି ୱିକେଟ ହରାଇ କରିଛି ୩୫୮ ରନ ।
Hitman’s innings comes to an end. He departs after a brilliant knock of 176 ??@Paytm #INDvSA pic.twitter.com/jGasM8S9ET
— BCCI (@BCCI) October 3, 2019
ଦଳର ନିର୍ଭରଯୋଗ୍ୟ ବ୍ୟାଟ୍ସମ୍ୟାନ ଚେତେଶ୍ୱର ପୂଜାରା ୬ ରନ କରି ଆଉଟ ହୋଇଥିବା ବେଳେ ମୟଙ୍କ ୧୭୧ ଏବଂ କପ୍ତାନ କୋହଲୀ ୧୯ ରନ କରି ବ୍ୟାଟିଂ କରୁଛନ୍ତି ।
150 runs for @mayankcricket here in Vizag ??
Live – https://t.co/67i9pBSlAp #INDvSA pic.twitter.com/11syAs7wlH
— BCCI (@BCCI) October 3, 2019
ବିଶାଖାପାଟଣାର ୱାଇ ବି ରାଜଶେଖର ରେଡ୍ଡି କ୍ରିକେଟ ଷ୍ଟାଡ଼ିୟମରେ ଗତକାଲି ଆରମ୍ଭ ହୋଇଛି ଦକ୍ଷିଣ-ଭାରତ ମଧ୍ୟରେ ଶୃଙ୍ଖଳାର ୧ମ ଟେଷ୍ଟମ୍ୟାଚ । ୧ମ ଦିବସରେ ଦୁଇ ଭାରତୀୟ ଓପନର୍ ରୋହିତ ଶର୍ମା ଏବଂ ମୟଙ୍କ ଅଗ୍ରୱାଲ ସୁନ୍ଦର ବ୍ୟାଟିଂ ପ୍ରଦର୍ଶନ କରି ଯଥାକ୍ରମେ ୧୧୫ ଏବଂ ୮୪ ରନ କରି ଅପରାଜିତ ରହିଥିଲେ ।
ଆଜି ଖେଳ ଆରମ୍ଭରୁ ରୋହିତ ଆକ୍ରମଣାତ୍ମକ ଖେଳ ପ୍ରଦର୍ଶନ କରି ୬ଟି ଛକା ଏବଂ ୨୩ଟି ଆକର୍ଷଣୀୟ ଚୌକା ସହିତ କରିଛନ୍ତି ୧୭୬ ରନ । ସେ ମହାରାଜଙ୍କ ବଲରେ ଷ୍ଟମ୍ପ ଆଉଟ ହୋଇଛନ୍ତି । ଦଳର ଷ୍ଟ୍ରାଇକର୍ ମୟଙ୍କ ୩ଟି ଛକା ଏବଂ ୨୦ଟି ଚୌକା ସହିତ ୧୭୧ ରନ କରି ଅପରାଜିତ ରହିଛନ୍ତି ।