ଭୁବନେଶ୍ୱର : ଜଏଣ୍ଟ ଏଣ୍ଟ୍ରାନ୍ସ ଏକଜାମିନେସନ ୨୦୧୮ (ଜେଇଇ) ଫଳାଫଳ ଘୋଷିତ ହୋଇଛି । ରୁରକି ଜୋନର ପ୍ରଣବ ଗୋୟଲ ସମଗ୍ର ଦେଶରେ ୧ମ ସ୍ଥାନ ହାସଲ କରିଥିବା ବେଳେ ଝିଅମାନଙ୍କ ମଧ୍ୟରେ ଦିଲ୍ଲୀ ଜୋନର ମିନାଲ ପାରେଖ ୬ଷ୍ଠ ସ୍ଥାନରେ ରହି ଆଗରେ ରହିଛନ୍ତି ।
ଓଡ଼ିଶାର ସାର୍ଥକ ବେହେରା ୮୨ତମ ସ୍ଥାନ ହାସଲ କରିପାରି ଓଡିଆଙ୍କ ମଧ୍ୟରେ ଟପ୍ପର ହୋଇଛନ୍ତି ।
ଏହି ଜେଇଇ ଆଡ଼ଭାନ୍ସଡ ୨୦୧୮ ପରୀକ୍ଷା ଆଇଆଇଟି କାନପୁର ଦ୍ୱାରା ଗତ ମେ ୨୦ ତାରିଖରେ ଅନୁଷ୍ଠିତ ହୋଇଥିଲା । ଯେଉଁ ପରିକ୍ଷାର୍ଥୀମାନେ ତାଙ୍କର ରେଜଲ୍ଟ ଜାଣିବାକୁ ଚାହୁଁଛନ୍ତି ତେବେ ସେମାନେ www.jeeadv.ac.in ଲଗଅନ୍ କରି ଫଳାଫଳ ଦେଖିପାରିବେ ।
ସମୁଦାୟ ୧୫୫୧୫୮ ଛାତ୍ରଛାତ୍ରୀ ପରୀକ୍ଷା ଦେଇଥିବା ବେଳେ ୧୮ ହଜାର ୧୩୮ ଜଣ ପରୀକ୍ଷାର୍ଥୀ ଉର୍ତ୍ତୀର୍ଣ୍ଣ ହେବାକୁ ଯୋଗ୍ୟ ବିବେଚିତ ହୋଇପାରିଛନ୍ତି ।
ସେହିପରି ଓଡ଼ିଶାରେ କଟକ, ଭୁବନେଶ୍ୱର, ରାଉରକେଲା ଓ ବ୍ରହ୍ମପୁରର ପରୀକ୍ଷାକେନ୍ଦ୍ରରେ ଛାତ୍ରଛାତ୍ରୀମାନେ ପରୀକ୍ଷା ଦେଇଥିଲେ ।
ସବୁଠାରୁ ଉଲ୍ଲେଖନୀୟ କଥା ହେଉଛି, ପ୍ରଥମଥର ଲାଗି ପରୀକ୍ଷାର୍ଥୀମାନେ ଅନଲାଇନ ମାଧ୍ୟମରେ ପରୀକ୍ଷା ଦେଇଥିଲେ ।