ଭୁବନେଶ୍ୱର: ଟ୍ରାଫିକ୍ ଜାମ କାରଣୁର ଆମ୍ବୁଲାନ୍ସ ଭିତରେ ୫ ବର୍ଷର ଶିଶୁ ମୃତ୍ୟୁ ଘଟଣାକୁ ଗୁରୁତ୍ୱର ସହ ନେଇଛି ମହିଳା ଓ ଶିଶୁ ଆୟୋଗ । ଏନେଇ ଟ୍ରାଫିକ ଡିସିପିଙ୍କୁ ରିପୋର୍ଟ ତଲବ କରିଛନ୍ତି ମହିଳା ଓ ଶିଶୁ ଆୟୋଗ ଅଧ୍ୟକ୍ଷା ସଂଧ୍ୟାବତୀ ପ୍ରଧାନ । କେଉଁ ପରିସ୍ଥିତିରେ ଶିଶୁର ମୃତ୍ୟୁ ହେଲା, କ୍ୟାପିଟାଲ ହସ୍ପିଟାଲରୁ ନାଲ୍କୋ ଛକ ମଧ୍ୟରେ କେଉଁଠି ଆମ୍ବୁଲାନ୍ସ ଅଟକିଥିଲା ଓ କାହିଁକି ଅଟକିଥିଲା, ସେ ସମ୍ପର୍କରେ ସମ୍ପୂର୍ଣ୍ଣ ରିପୋର୍ଟ ଦେବାକୁ କୁହାଯାଇଛି । ଆମ୍ବୁଲାନ୍ସଗୁଡିକ ଯେଉଁପରି କେଉଁଠି ନ ଅଟକି ବିନା ବାଧାରେ ସିଧାସଳଖ ମେଡିକାଲରେ ପହଂଚିପାରି, ସେ ନେଇ ଟ୍ରାଫିକ୍ ପୋଲିସ ପକ୍ଷରୁ କ’ଣ ବ୍ୟବସ୍ଥା ହୋଇଛି ତାହା ମଧ୍ୟ ଜଣାଇବାକୁ କୁହାଯାଇଛି । ଏଥିସହ କ୍ୟାପିଟାଲ ହସ୍ପିଟାଲକୁ ମଧ୍ୟ ରିପୋର୍ଟ ତଲବ କରିଛନ୍ତି ଆୟୋଗ । ଜଣେ ଅତି ଗୁରୁତର ରୋଗୀକୁ ସ୍ଥାନାନ୍ତର ବେଳେ କି କି ପଦକ୍ଷେପ ନେଇଥିଲେ, ସେ ସମ୍ପର୍କରେ ହସ୍ପିଟାଲ କର୍ତ୍ତୃପକ୍ଷ ଜଣାନ୍ତୁ ବୋଲି ଆୟୋଗ କହିଛନ୍ତି ।
ଅନ୍ୟପଟେ ମୃତ ଶିଶୁର ପରିବାର ଲୋକଙ୍କ ଅଭିଯୋଗ ପରେ କଠୋର ହୋଇଛି କମିସନରେଟ୍ ଟ୍ରାଫିକ ପୋଲିସ । ଜେଣ ବରିଷ୍ଠ ପୋଲିସ ଅଧିକାରୀ କହିଛନ୍ତି, ଏଣିକି ସଂଶୋଧିତ ମୋଟର ଯାନ ଆଇନ୍ରେ ଥିବା ଆମ୍ବୁଲାନ୍ସ ସଂକ୍ରାନ୍ତ ଆଇନ୍କୁ କଡାକଡି ପାଳନ କରାଯିବ । ଏଥିଅନୁଯାୟୀ କେହି ଆମ୍ବୁଲାନ୍ସ କିମ୍ବା କୌଣସି ଜରୁରୀକାଳୀନ ସେବା ଗାଡିକୁ ରାସ୍ତା ନଛାଡିଲେ ୧୦ ହଜାର ଟଙ୍କା ଜରିମାନା ସହ ୬ ମାସ ଜେଲ୍ ଦଣ୍ଡରେ ଦଣ୍ଡିତ ହେବେ । ଯେଉଁ ବାଇକ୍ କିମ୍ବା କାର୍ ଚାଳକ ଆମ୍ବୁଲାନ୍ସକୁ ରାସ୍ତା ଛାଡୁ ନଥିବେ, ସେମାନଙ୍କ ଡ୍ରାଇଭିଂ ଲାଇସେନ୍ସ ମଧ୍ୟ ବାତିଲ କରାଯିବ । ଯେଉଁ ଛକରେ ସିସି କ୍ୟାମେରା ଲାଗିଥିବ ସେଠାରେ ଆମ୍ବୁଲାନ୍ସ ଭଳି ଜରୁରୀ କାଳୀନ ସେବା ଗାଡିକୁ କେହି ରାସ୍ତା ନ ଛାଡିବା ଦୃଶ୍ୟ ରେକର୍ଡିଂ ଭିଡିଓ ହସ୍ତଗତ ହେଲେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଟ୍ରାଫିକ୍ ପୋଲିସର ଜଣେ ବରିଷ୍ଠ ଅଧିକାରୀ କହଛନ୍ତି ।
BREAKING NEWS
- ଇଡି ରେଡ୍ ପରେ ପ୍ରତିକ୍ରିୟା ରଖିଲେ ରାଜ କୁନ୍ଦ୍ରା, ପୋଷ୍ଟ ସେୟାର କରି କହିଲେ ଏପରି କିଛି…
- ଭୋଟ ଦେଲେ ଦୁନିଆର ସବୁଠାରୁ ଛୋଟ ମହିଳା ଜ୍ୟୋତି
- ଏକାଠି ଅଭିନୟ କରିବେ ଶାହାରୁଖ-ସୁହାନା, ‘ଦ କିଙ୍ଗ’ରେ ନଜର ଆସିବେ ବାପ-ଝିଅ
- ହିନ୍ଦୀ ବେଲ୍ଟରେ ରେକର୍ଡ ଦରରେ ବିକ୍ରି ହେଲା ପୁଷ୍ପା ୨, କଲ୍କୀ ୨୮୯୮ ଏଡି
- ବିକିନି ପିନ୍ଧି ବସ୍ ରେ ଚଢିଲେ ମହିଳା, ଲୋକମାନେ ଦେଲେ ଏମିତି ପ୍ରତିକ୍ରିୟା
- ଏପ୍ରିଲ ୩୦ ରେ ନୌସେନା ମୁଖ୍ୟ ଭାବେ ଦାୟିତ୍ଵ ନେବେ ଉପ-ଆଡମିରାଲ ଦିନେଶ କୁମାର ତ୍ରିପାଠୀ
- ଇସ୍ରାଏଲ ଆରମ୍ଭ କଲା କି ଇରାନ ଉପରେ ଆକ୍ରମଣ !
- ଆଖି ବୁଜିଲା ଧଳା ବାଘୁଣୀ ସ୍ନେହା, ଗତକାଲିଠୁ ଥିଲା ଅସୁସ୍ଥ
- ୬୭ ବର୍ଷ ରେ ପାଦ ରଖିଲେ ରିଲାଏନ୍ସ ଇଣ୍ଡଷ୍ଟ୍ରିଜ୍ର ଚେୟାରମ୍ୟାନ୍
- ନବୀନ କଣ୍ଟାବାଞ୍ଜିର ପ୍ରାର୍ଥୀ, ତୁଟିବ କି ଲୋକଙ୍କ ଦୀର୍ଘ ବର୍ଷର ସମସ୍ୟା?