ଭଦ୍ରକ: ଭଦ୍ରକ ଜିଲ୍ଲା ଅନ୍ତର୍ଗତ ବନ୍ତ ଥାନା ନିକଟରେ ସୋମବାର ଦିନ ଜଣେ ଯୁବକଙ୍କୁ ମାଡ଼ ମାରିବା ଅଭିଯୋଗରେ ଜଣେ କନଷ୍ଟେବଳଙ୍କୁ ନିଲମ୍ବିତ କରାଯାଇଛି।
ଏହି ଘଟଣାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ଭଦ୍ରକ ଏସପି ରାଜେଶ ପଣ୍ଡିତ ତାଙ୍କୁ ନିଲମ୍ବନ ପାଇଁ ନିର୍ଦ୍ଦେଶ ଦେଇଛନ୍ତି।
A case was registered in Bonth PS for assaulting a Woman Constable during enforcement. Investigation is on. A constable has been placed under suspension for alleged use of excess force while detaining the accused. Enquiry is going on.
— Bhadrak Police (@SpBhadrak) May 25, 2020
ପ୍ରାପ୍ତ ସୂଚନାନୁଯାୟୀ, ଭଦ୍ରକ-ଆନନ୍ଦପୁର ରାଜ୍ୟ ରାଜପଥରେ ଥିବା ବନ୍ତ ଥାନା ନିକଟରେ ପ୍ରାୟ ପାଞ୍ଚ ଜଣ ପୋଲିସ ସମ୍ପୃକ୍ତ ବ୍ୟକ୍ତି ମାନେ ମାସ୍କ ନ ପିନ୍ଧିଥିବାରୁ ସେମାନଙ୍କୁ ମହିଳା ଥାନା ଆଇଆଇସିଙ୍କ ଉପସ୍ଥିତିରେ ମାଡ଼ ମାରିଥିଲେ। ପରେ ଗୁରୁତର ଆହତ ଯୁବକଙ୍କୁ ବନ୍ତସ୍ଥିତ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା।
ତେବେ ସେଠାରେ ଉପସ୍ଥିତ ଜଣେ ବ୍ୟକ୍ତି ଏହି ଘଟଣାକୁ ରେକର୍ଡ କରି ରାଜ୍ୟପାଳ, ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ, ମହାନିର୍ଦ୍ଦେଶକ ପୋଲିସ (ଡିଜିପି) ଏବଂ ଭଦ୍ରକ ଏସପିଙ୍କୁ ଟ୍ୟାଗ କରି ସୋସିଆଲ ମିଡିଆରେ ଭିଡିଓ ଅପଲୋଡ୍ କରିଥିଲେ।