ଭୁୁବନେଶ୍ୱର: ଓଡିଶା ବିଧାନସଭାର ଆଜି ଥିଲା ପ୍ରଥମ ଅଧିବେଶନ । ପ୍ରଥମ ଅଧିବେଶନ ପ୍ରଥମ ଦିନରୁ ହିଁ ଆରମ୍ଭ ହୋଇଛି ହଟ୍ଟଗୋଳ । ବିରୋଧି ଦଳ ନେତା ପ୍ରଦୀପ୍ତ ନାୟକଙ୍କୁ ନେଇ କଂଗ୍ରେସ ସଦସ୍ୟ ମାନେ ହଟ୍ଟଗୋଳ କରିଥିଲେ । ଗହକାର୍ଯ୍ୟରେ ବାଧା ସୃଷ୍ଟି ହେବା ଯୋଗୁଁ ଆସନ୍ତା କାଲି ଯାଏଁ ମୁଲତବୀ ରଖିଛନ୍ତି ବାଚସ୍ପତି ।
ରାଜ୍ୟପାଳ ପ୍ରଫେସର ଗଣେଶୀ ଲାଲ୍ ରାଜ୍ୟ ବିଧାନ ସଭାରେ ତାଙ୍କର ପାରମ୍ପରିକ ଅଭିଭାଷଣ ପ୍ରଦାନ ପରେ ବାଚସ୍ପତି ସୂର୍ଯ୍ୟ ନାରାୟଣ ପାତ୍ର ବିରୋଧି ବିଧାୟକ ଦଳ ନେତା ପ୍ରଦୀପ୍ତ ନାୟକଙ୍କୁ ନିଜର ଅଭିଭାଷଣ ରଖିବା ପାଇଁ ଅନୁମତି ଦେଇଥିଲେ ।
ଗୃହ କାର୍ଯ୍ୟ ଆରମ୍ଭରୁ ବାଚସ୍ପତି ସୂର୍ଯ୍ୟ ନାରାୟଣ ପାତ୍ର ବିରୋଧି ଦଳ ନେତାଙ୍କ ନାମ ବିଦ୍ଧିବଦ୍ଧ ଭାବେ ଘୋଷଣା କରିନଥିଲେ । ବିଜେପି ନେତା ପ୍ରଦୀପ୍ତ ନାୟକଙ୍କୁ ବିରୋଧି ଦଳ ନେତା ଭାବେ ସମ୍ବୋଧନ କରିବା ନେଇ କଂଗ୍ରେସ ପ୍ରତିବାଦ କରିଥିଲା । ବାଚସ୍ପତିଙ୍କ ନିକଟକୁ ଯାଇ ବିଜେଡି ଓ ବିଜେପି ଉଭୟ ଭାଇ ଭାଇ ବୋଲି କହି ହଟ୍ଟଗୋଳ କରିବା ସହ କଂଗ୍ରେସ ସଦସ୍ୟ ମାନେ ଗୃହ ଛାଡି ପଳାଇଛନ୍ତି ।
କଂଗ୍ରେସ ସଦସ୍ୟଙ୍କୁ ଶାନ୍ତ କରିବାରେ ବିଫଳ ହେବା ପରେ ବାଚସ୍ପତି ସୂର୍ଯ୍ୟ ପାତ୍ର ଗୃହକୁ କାଲି ଯାଏଁ ମୁଲତବୀ ରଖିଛନ୍ତି ।
ଗଣମାଧ୍ୟମକୁ ସୂଚନା ଦେଇ କଂଗ୍ରେସ ନେତା ନରସିଂହ ମିଶ୍ର କହିଛନ୍ତି ଯେ “ବିରୋଧି ଦଳ ନେତା ଘୋଷଣା କରିବାର ଏକ ସ୍ୱତନ୍ତ୍ର ପ୍ରକ୍ରିୟା ରହିଛି, ମାତ୍ର ବିଜେପି ଏହାକୁ ମାନି ନାହିଁ । କଂଗ୍ରେସ ଏହାର ପ୍ରତିବାଦ କରିବା ପରେ ମଧ୍ୟ ବାଚସ୍ପତି କିଛି ନଶୁଣିଲା ପରି ବସିରହିଲେ । ଯଦି ଆମ ବିରୋଧ ବାଚସ୍ପତି ଶୁଣିବେ ନାହିଁ ତେବେ ଭବିଷ୍ୟତରେ ଆମେ କଣ ପଦକ୍ଷପ ନେବୁ ତାହା ଆମେ ସ୍ଥିର କରିବୁ”।
ବାଚସ୍ପତି ଗୃହ ଚଳାଇବା ପାଇଁ ସମ୍ପୁର୍ଣ୍ଣ ଅଯୋଗ୍ୟ ବୋଲି ବରିଷ୍ଠ କଂଗ୍ରେସ ନେତା ସୁର ରାଉତରାୟ ମନ୍ତବ୍ୟ ଦେଇଛନ୍ତିା