ଭୁବନେଶ୍ୱର: ସାହିତ୍ୟିକ ଓ ନାଟ୍ୟକାର ରମେଶ ଚନ୍ଦ୍ର ପାଣିଗ୍ରାହୀ ଓଡିଶାର ଆଧୁନିକ ନାଟକ ପାଇଁ ‘ସାହିତ୍ୟ ଭାରତୀ ସମ୍ମାନ ୨୦୨୦’ରେ ସମ୍ମାନିତ ହେବେ । ଗଙ୍ଗାଧର ରଥ ଫାଉଣ୍ଡେସନ ଦ୍ୱାରା କୋଣାର୍କ ସୂର୍ଯ୍ୟ ମନ୍ଦିର ଥିବା ଏକ ରୋପ୍ୟ ପଦକ, ୧ ଲକ୍ଷ ଟଙ୍କାର ଅର୍ଥରାଶି ଓ ମାନପତ୍ର ପ୍ରଦାନ ଦିଆଯିବ ।
ଏହା ବ୍ୟତୀତ, ପ୍ରଖ୍ୟାତ କବି ଡଃ ହରପ୍ରସାଦ ପରିଚ୍ଛା ପଟ୍ଟନାୟକ ‘ଭାନୁଜୀ ରାଓ ସ୍ମାରକୀ ପୁରସ୍କାର’ ଓ ପ୍ରଖ୍ୟାତ କଥାକାର ବିଜୋୟିନୀ ଦାସଙ୍କୁ ‘ବୀଣାପାଣି ମହାନ୍ତି କଥା ସାହିତ୍ୟ’ ପୁରସ୍କାର ପ୍ରଦାନ କରାଯିବ । ସାହିତ୍ୟିକ ଦେବାଶିଷ ସମାନ୍ତରାୟ ଓ ସୁଶିଲ କୁମାର ବାଗଙ୍କୁ ‘ସୁବ୍ରତ ରଥ ସ୍ମାରକୀ ପୁରସ୍କାର’ ପ୍ରଦାନ କରାଯିବ ।
କେତେକ ପ୍ରାଣୀ ବିଜ୍ଞାନୀ, ସାମାଜସେବୀ, ସାହିତ୍ୟିକ ଓ ପ୍ରସିଦ୍ଧ ଓଡିଶୀ ନୃତ୍ୟାଙ୍ଗନା ପ୍ରିୟମ୍ବଦା ମହାନ୍ତି ହେଜମାଦିଙ୍କୁ ଓଡିଶୀ କ୍ଷେତ୍ରରେ ସଫଳତା ହାସଲ କରିଥିବା ପାଇଁ ପ୍ରତିଷ୍ଠାତାଙ୍କ ସ୍ମୃତିରେ ‘ଶ୍ରୀ ଗଙ୍ଗାଧର ରଥ ସ୍ମାରକୀ ସମ୍ମାନ’ ପ୍ରଦାନ କରାଯିବ ।
ମାର୍ଚ୍ଚ ୧୫ ତାରିଖରେ କଟକର କଳା ବିକାଶ କେନ୍ଦ୍ରରେ ପୁରସ୍କାର ପ୍ରଦାନ କରାଯିବ । ଏହି ସମାରୋହରେ ମୁଖ୍ୟ ଅତିଥି ରୂପେ ନୂଆଦିଲ୍ଲୀ କେନ୍ଦ୍ର ସାହିତ୍ୟ ଏକାଡେମୀର ଉପାଧ୍ୟକ୍ଷ ମାଧବ କୌଶିକ ଯୋଗ ଦେବେ ।