ନ୍ୟୁୟର୍କ: ଜାତିସଂଘରେ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ କାଶ୍ମୀରକୁ ନେଇ ଭାରତକୁ ଯୁଦ୍ଧର ଧମକ ଦେବାର ଗୋଟିଏ ଦିନ ପରେ ଭାରତ ଏହାର ପ୍ରତିକ୍ରିୟାରେ କଡ୍ଡା ଜବାବ ଦେଇଛି । ଜାତିସଂଘରେ ଭାରତୀୟ ରାଷ୍ଟ୍ରଦୂତ ବିଦିଶା ମୈତ୍ର କହିଛନ୍ତି, ପାକିସ୍ତାନ ପ୍ରଧାନମନ୍ତ୍ରୀ ଯାହାସବୁ କହିଛନ୍ତି ତାହା ହେଉଛି ଡ଼ାହା ମିଛକଥା ।
#WATCH Vidisha Maitra, First Secretary MEA exercises India’s right of reply to Pakistan PM Imran Khan’s speech says, “Can Pakistan PM confirm the fact it is home to 130 UN designated terrorists and 25 terrorist entities listed by the UN, as of today?” pic.twitter.com/vGFQH1MIql
— ANI (@ANI) September 28, 2019
ପାକିସ୍ତାନ ପ୍ରଧାନମନ୍ତ୍ରୀ ଜାତିସଂଘରେ ଯେପରି ମନ୍ତବ୍ୟ ପ୍ରଦାନ କରିଛନ୍ତି ତାହା କେବଳ ଦେଶ ଦେଶ ମଧ୍ୟରେ ହିଂସାକୁ ଉସୁକାଉବା ପରି । ଜାତିସଂଘରେ ଏପରି ମନ୍ତବ୍ୟ ପ୍ରଦାନ କରିବା ଉଚିତ ନୁହେଁ ବୋଲି ଭାରତୀୟ ରାଷ୍ଟ୍ରଦୂତ ଗଣମାଧ୍ୟମରେ ଏହା ପ୍ରକାଶ କରି ପାକିସ୍ତାନକୁ କଡ୍ଡା ଜବାବ ଦେଇଛନ୍ତି ।
ଏଠାରେ ଉଲ୍ଲେଖଯୋଗ୍ୟ, ଗତକାଲି ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ୍ ଜାତିସଂଘ ସାଧାରଣ ପରିଷଦରେ ଉଦବୋଧନ ଦେଇ କହିଥିଲେ, ପାରମ୍ପରିକ ଯୁଦ୍ଧରେ ଆମେ ହାରିଲେ ଆମେ ପରମାଣୁ ଯୁଦ୍ଧ କରିବୁ । ଯଦି ପରମାଣୁ ଯୁଦ୍ଧ ଆରମ୍ଭ ହୁଏ ତେବେ ଏହାଦ୍ୱାରା ସମଗ୍ର ବିଶ୍ୱ ପ୍ରଭାବିତ ହେବ ବୋଲି ଇମ୍ରାନ କହିଥିଲେ ।
ଖାଲିସେତିକି ନୁହେଁ, ଇମ୍ରାନ ଜାତିସଂଘର ସାଧାରଣ ପରିଷଦରେ ତାଙ୍କର ଅଭିଭାଷଣରେ କହିଥିଲେ, ଭାରତ ସରକାର ବଳପୂର୍ବକ ଭାବେ କାଶ୍ମୀରବାସୀଙ୍କୁ ବନ୍ଦୀ କରି ରଖିଛନ୍ତି । ଯଦି କର୍ଫ୍ୟୁ ହଟେ ତେବେ ସମଗ୍ର କାଶ୍ମୀରରେ ରକ୍ତର ସୂଅ ଛୁଟିବ ବୋଲି କହିଛନ୍ତି ।
Pak PM’s threat of nuclear devastation, not statesmanship: India
Read @ANI Story | https://t.co/tEdBd6KW3R pic.twitter.com/zEpIytyyDG
— ANI Digital (@ani_digital) September 28, 2019
ଏପରିକି ଇମ୍ରାନ ବିବାଦୀୟ ମନ୍ତବ୍ୟ ପ୍ରଦାନ କରି କହିଛନ୍ତି ଯେ, ଭାରତରେ ମୁସଲିମମାନଙ୍କ ସହିତ ଅନ୍ୟାୟ ହେଉଛି । ଏହି ଅନ୍ୟାୟ ବିରୋଧରେ ମୁସଲମାନମାନେ ଅସ୍ତ୍ର ଉଠାଉଛନ୍ତି ।
ଇମ୍ରାନ ଜାତିସଂଘରେ ଆହୁରି ମଧ୍ୟ କହିଛନ୍ତି ଯେ, ଭାରତରେ ଆରଏସଏସ ମୁସଲିମଙ୍କ ବିରୋଧରେ ଯୁଦ୍ଧର ଡ଼ାକରା ଦେଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆରଏସଏସର ଆଜୀବନ ସଦସ୍ୟ ବୋଲି ବିଷୋଦଗାର କରି କହିଛନ୍ତି ।
ଶନିବାର ଦିନ ଭାରତୀୟ ରାଷ୍ଟ୍ରଦୂତ ବିଦିଶା କହିଛନ୍ତି, ଆନ୍ତର୍ଜାତୀୟ ଆତଙ୍କବାଦୀମାନଙ୍କୁ ପାକିସ୍ତାନ ପେନସନ ପ୍ରଦାନ କରୁଛି । ଜାତିସଂଘ ଦ୍ୱାରା ଆତଙ୍କବାଦୀ ଘୋଷିତ ହୋଇଥିବା ୧୩୦ ଆତଙ୍କବାଦୀଙ୍କୁ ପାକିସ୍ତାନ ନିଜ ଦେଶରୁ ବାହାର କରିପାରିବ ତ? ଇମ୍ରାନ ୧୯୭୧ ନରସଂହାର କଥା କ’ଣ ଭୁଲି ଯାଉଛନ୍ତି କି ବୋଲି ବିଦିଶା ପାକିସ୍ତାନକୁ ପ୍ରଶ୍ନ ପଚାରିଛନ୍ତି ।