ଭୁବନେଶ୍ୱର: ଜୁନିୟର ହକି ବିଶ୍ୱକପ ଭୁବନେଶ୍ୱରରେ ୨୪ ନଭେମ୍ବରରୁ ଆରମ୍ଭ ହେବା । ଏହା ପୂର୍ବରୁ ହକି ଜ୍ୱରରେ ଆକ୍ରାନ୍ତ ହୋଇଗଲାଣି ରାଜଧାନୀ । ଟାଇଟଲ ଦାବୀଦାର ଭାବେ ବିବେଚନା କରାଯାଉଥିବା ବେଲଜିୟମ ଟିମ ଆଜି ଭୁବନେଶ୍ୱରରେ ପଂହଚିଛନ୍ତି । ଗ୍ରୁପ ଏ’ରେ ବେଲଜିୟମ ସହ ଚିଲି, ମାଲେସିଆ ଓ ଦକ୍ଷିଣ ଆଫ୍ରିକା ରହିଛନ୍ତି । ଭୁବନେଶ୍ୱର ବିମାନ ବନ୍ଦରରେ ପଂହଚିବା ପରେ ବେଲଜିୟମ କୋଚ ଜୋରେନ ବାର୍ଟ ଦଳର ଭଲ ପ୍ରଦର୍ଶନ ନେଇ ଦୃଢ଼ ଆଶା ବ୍ୟକ୍ତ କରିଥିଲେ । ପ୍ରଥମ ଥର ପାଇଁ ଆମେ ଏ ଭଳି ଏକ ବଡ ଷ୍ଟାଡିୟମରେ ଖେଳିବାକୁ ଯାଉଛି ବୋଲି ଅଧିନାୟକ ଡାୟଲନ ଇଙ୍ଗେଲବେର୍ଟ କହିଛନ୍ତି । ନଭେମ୍ବର ୨୪ରେ ଦକ୍ଷିଣ ଆଫ୍ରିକା ବିପକ୍ଷରେ ବେଲଜିୟମ ତାର ଅଭିଯାନ ଆରମ୍ଭ କରିବ । କ୍ରମାଗତ ତୃତୀୟ ଥର ପାଇଁ ଭାରତ ଏହି ମେଗା ଇଭେଂଟ ଆୟୋଜନ କରିବାକୁ ଯାଉଛି । ୨୦୧୩ରେ ନୂଆଦିଲ୍ଲୀରେ ଏବହ ୨୦୧୬ରେ ଲକ୍ଷ୍ନୌରେ ଏହା ଆୟୋଜିତ ହୋଇଥିଲା । ଓଭରାଲ ୧୬ଟିମ ଏଥିରେ ଅଂଶଗ୍ରହଣ କରୁଛନ୍ତି । ଭାରତ ଗ୍ରୁପ ବି’ରେ ସ୍ଥାନ ପାଇଛି । ଏହି ଗ୍ରୁପରେ କାନାଡା, ଫ୍ରାନ୍ସ ଓ ପୋଲାଣ୍ଡ ରହିଛନ୍ତି । ଗ୍ରୁପ ସି’ରେ ନେଦରଲାଣ୍ଡ, ସ୍ପେନ, କୋରିଆ ଓ ଆମେରିକା ରହିଥିବା ବେଳେ ଗ୍ରୁପ ଡି’ରେ ଜର୍ମାନୀ, ଆର୍ଜେଂଟିନା, ପାକିସ୍ତାନ ଓ ଇଜିପ୍ଟ ରହିଛନ୍ତି । ଡିସେମ୍ବର ୧ରୁ ନକଆଉଟ ଏବଂ ଡିସେମ୍ବର ୫ରେ ଫାଇନାଲ ମ୍ୟାଚ ଖେଳାଯିବ ।
BREAKING NEWS
- ଟିକେଟ୍ ନମିଳିବା ପରେ ରୁଦ୍ଧଦ୍ବାର ବୈଠକରେ ଅସନ୍ତୋଷ ଝାଡିଲେ କି ଚିରଞ୍ଜୀବ ବିଶ୍ବାଳ?
- କେଉଁ କାରଣ ପାଇଁ ବିଜେପି ଓଡ଼ିଶାରେ ଏକାକୀ ନିର୍ବାଚନ ଲଢିଲା?
- ଭୁବନେଶ୍ୱର ଲୋକସଭା: ବିଜେଡି ପାଇଁ ଅଡୁଆ କଂଗ୍ରେସର ଲୋକସଭା ପ୍ରାର୍ଥୀ?
- ମହାପ୍ରଭୁ ଶ୍ରୀବଳଦେବ ଜୀଉଙ୍କ ଆଶୀର୍ବାଦ ପରେ ପ୍ରଚାର ଆରମ୍ଭ କରିବେ କେନ୍ଦ୍ରାପଡା ଲୋକସଭା ପ୍ରାର୍ଥୀ ସିଦ୍ଧାର୍ଥ ସ୍ୱରୂପ
- କର୍ତ୍ତବ୍ୟରେ ଅବହେଳା ପାଇଁ ଅବକାରୀ ଅଧୀକ୍ଷକ ନିଲମ୍ବିତ
- ହୋମ ୱର୍କ କରିବା ପାଇଁ ଦୁବାଇରେ ଟ୍ୟୁସନ ସାରଙ୍କୁ ଛାତ୍ର ଦେଲା ୩୦୦୦ ଡଲାର
- ପ୍ରଥମ ଥର ପାଇଁ ଲିପାଇନ୍ସକୁ ବ୍ରାହ୍ମୋସ କ୍ଷେପଣାସ୍ତ୍ର ବିତରଣ କଲା ଭାରତ
- କଳାହାଣ୍ଡି ଜିଲ୍ଲାରେ ଖର୍ଚ୍ଚ ପର୍ଯ୍ୟବେକ୍ଷକଙ୍କ ଗସ୍ତ ଓ ନିର୍ବାଚନ ସମ୍ବନ୍ଧୀୟ ଖର୍ଚ୍ଚ ସମୀକ୍ଷା
- ଧୋନୀଙ୍କ ଶାଶୁ ଚଳାଉଛନ୍ତି ୮୦୦ କୋଟି ଟଙ୍କାର କମ୍ପାନୀ
- ମୁକ୍ତ, ଅବାଧ ଓ ନିରପେକ୍ଷ ନିର୍ବାଚନ ପାଇଁ ରାଜ୍ୟ ନିର୍ବାଚନ ଅଧିକାରୀଙ୍କୁ ଭେଟିଲା ବିଜେପି ପ୍ରତିନିଧିମଣ୍ଡଳୀ