ନୂଆଦିଲ୍ଲୀ: ଆଜିକାଲି ପ୍ରତ୍ୟେକ କପୁଲ୍ ଚାହାନ୍ତି ଯେ ସେମାନଙ୍କର ସେହି ବଡ଼ ଦିନ ଠିକ୍ ବଲିଉଡ୍ ଫିଲ୍ମ ଭଳି ରାଜକୀୟ, ଆଲିଶାନ ଓ ହୃଦୟସ୍ପର୍ଶୀ ହେଉ। ଏହି କାରଣରୁ ୫-ଷ୍ଟାର୍ ହୋଟେଲ, ରାଜପ୍ରାସାଦ ଓ ଲଗ୍ଜରି ରିସର୍ଟରେ ବିବାହର ଚାହିଦା କେତେକ ଗୁଣ ବଢ଼ିଯାଇଛି। ତାଜ୍, ଓବେରୟ, ଲୀଲା କିମ୍ବା ଆଇଟିସି ଭଳି ନାମୀ ବ୍ରାଣ୍ଡେଡ୍ ହୋଟେଲରେ ବିବାହ କରିବାର କଥା ଆସିଲେ ସବୁଠାରୁ ପ୍ରଥମେ ମନକୁ ଆସୁଛି ଗୋଟିଏ ପ୍ରଶ୍ନ – ଏତେ ମହଙ୍ଗା ୫-ଷ୍ଟାର୍ ହୋଟେଲରେ ବିବାହ କରିବାକୁ କେତେ ଟଙ୍କା ଲାଗିବ? ଆସନ୍ତୁ ଜାଣିବା ୨୦୨୫ରେ ଭାରତର ସବୁଠାରୁ ମହଙ୍ଗା ୫-ଷ୍ଟାର୍ ହୋଟେଲରେ ବିବାହର ଖର୍ଚ୍ଚ କେତେ।
୫-ଷ୍ଟାର୍ ହୋଟେଲରେ ବିବାହ ଏତେ ମହଙ୍ଗା କାହିଁକି?
୫-ଷ୍ଟାର୍ ହୋଟେଲ କେବଳ ଭଲ ରୁମ୍ ନୁହେଁ – ରାଜା-ମହାରାଜା ଷ୍ଟାଇଲ୍ ଇଣ୍ଟିରିୟର, ଚମତ୍କାର ହଲ୍ ଓ ଆଉଟଡୋର ଲନ୍, ଭଲ ଖାଦ୍ୟ, ପ୍ରୋଫେସନାଲ୍ ମ୍ୟାନେଜମେଣ୍ଟ, ପ୍ରିମିୟମ୍ ଡେକୋରେସନ୍ ଓ ଅତିଥିଙ୍କ ପାଇଁ ରାଜକୀୟ ଅନୁଭବ ମିଶି ଏହାକୁ ଏ ଏକ ଅବିସ୍ମରଣୀୟ ଅଭିଜ୍ଞତାରେ ପରିଣତ କରିଦିଏ। ଖର୍ଚ୍ଚ ନିର୍ଭର କରୁଛି –
- ହୋଟେଲର ବ୍ରାଣ୍ଡ ଓ ଲୋକେସନ୍ ଉପରେ
- ଅତିଥିଙ୍କ ସଂଖ୍ୟା ଉପରେ
- ବିବାହର ଦିନ ସଂଖ୍ୟା (୧ ଦିନ ନା ୨-୩ ଦିନର ଗ୍ରାଣ୍ଡ ସେଲିବ୍ରେସନ୍)
- ସିଜନ୍ (ପିକ୍ ସିଜନ୍ରେ ଅଧିକ ମହଙ୍ଗା)
- ଥିମ୍ ଡେକୋରେସନ୍, ଡିଜାଇନର୍ ପୋଷାକ ଓ ବିଶେଷ ମନୋରଞ୍ଜନ ଉପରେ
ଭାରତର ସବୁଠାରୁ ମହଙ୍ଗା ୫-ଷ୍ଟାର୍ ଡେଷ୍ଟିନେସନ୍ ବିବାହର ଖର୍ଚ୍ଚ (୨୦୨୫ ଅନୁମାନିକ)
- ଓବେରୟ ଉଦୟବିଲାସ, ଉଦୟପୁର – ପିଛଲା ଝୀଲ କୂଳରେ ରାଜକୀୟ ମହଲ ଭଳି ଅନୁଭବ, ନୌବିହାର ସହ – ୮୦ ଲକ୍ଷରୁ ୧.୫ କୋଟି ଟଙ୍କା
- ତାଜ୍ ଫଲକନୁମା ପ୍ୟାଲେସ, ହାଇଦ୍ରାବାଦ – ନିଜାମୀ ଭବ୍ୟତା ଓ ଆଧୁନିକ ସୁବିଧା – ୯୦ ଲକ୍ଷରୁ ୨ କୋଟି ଟଙ୍କା
- ଲୀଲା ପ୍ୟାଲେସ, ଜୟପୁର/ଦିଲ୍ଲୀ – ମୋଗଲ ଗମ୍ୱୁଜ ଓ ହସ୍ତନିର୍ମିତ ରାଜକୀୟ ଆଳିଶାନତା – ୬୦ରୁ ୯୦ ଲକ୍ଷ ଟଙ୍କା
- ଆଇଟିସି ଗ୍ରାଣ୍ଡ ଭାରତ, ଗୁରୁଗ୍ରାମ – ଇଣ୍ଡୋ-ୟୁରୋପିୟନ୍ ଵାସ୍ତୁକଳା ଓ ସବୁଜ ଲନ୍ – ୫୦ରୁ ୮୦ ଲକ୍ଷ ଟଙ୍କା
- ଡବ୍ଲ୍ୟୁ ଡବ୍ଲ୍ୟୁ ଓ ଵେଷ୍ଟିନ୍, ଗୋଆ/ମୁମ୍ବାଇ – ସମୁଦ୍ର କୂଳରେ ଆଧୁନିକ ଆଳିଶାନତା – ୪୦ରୁ ୭୦ ଲକ୍ଷ ଟଙ୍କା
୨୦୨୫ରେ ଭାରତରେ ୫-ଷ୍ଟାର୍ ହୋଟେଲ ବିବାହର ହିସାବ
- ଛୋଟ ବିବାହ (୧୦୦-୧୫୦ ଅତିଥି) → ୩୦ରୁ ୫୦ ଲକ୍ଷ ଟଙ୍କା
- ମଧ୍ୟମ ବିବାହ (୨୦୦-୩୦୦ ଅତିଥି) → ୫୦ରୁ ୮୦ ଲକ୍ଷ ଟଙ୍କା
- ଗ୍ରାଣ୍ଡ ରାଜକୀୟ ବିବାହ (୪୦୦+ ଅତିଥି) → ୧ରୁ ୨ କୋଟି ଟଙ୍କା ପର୍ଯ୍ୟନ୍ତ
ତେଣୁ ଯଦି ଆପଣ ମଧ୍ୟ ସ୍ୱପ୍ନରେ ରାଜା-ରାଣୀ ଭଳି ବିବାହ କରିବାକୁ ଚାହୁଁଛନ୍ତି, ତେବେ ପଇସାର ହିସାବ ଆଗୁଆ କରି ନିଅନ୍ତୁ… କାରଣ ଏହି ରାଜକୀୟ ସ୍ୱପ୍ନ ପୂରା କରିବାକୁ ରାଜକୀୟ ବଜେଟ୍ ମଧ୍ୟ ଦରକାର!
