ନୂଆଦିଲ୍ଲୀ: ଆଜି ସକାଳେ କୋଲକାତା ଓ ଆଖପାଖ ଅଞ୍ଚଳରେ ଭୂମିକମ୍ପର ଝଟକା ଅନୁଭୂତ ହୋଇଛି। ଏହାପରେ ସେଠାରେ ଲୋକଙ୍କ ମଧ୍ୟରେ ଭୟର ମାହୋଲ ଖେଳିଯାଇଛି। ଅନେକ ସ୍ଥାନରେ ଅଟଳିକାଗୁଡ଼ିକ କିଛି ସେକେଣ୍ଡ ଧରି ହଲୁଥିବା ଦେଖାଯାଇଥିଲା ଏବଂ ଲୋକେ ଭୟଭୀତ ହୋଇ ଘରୁ ବାହାରକୁ ଦୌଡ଼ି ଆସିଥିଲେ। ଭୂମିକମ୍ପର କେନ୍ଦ୍ରବିନ୍ଦୁ ବାଂଲାଦେଶର ଟୁଙ୍ଗି ଅଞ୍ଚଳ ନିକଟରେ ଥିବା ଜଣାପଡ଼ିଛି, ଯେଉଁଠାରୁ ସକାଳ ପ୍ରାୟ ୧୦:୩୮ରେ ପ୍ରବଳ ଝଟକା ଅନୁଭୂତ ହୋଇଥିଲା।
ଝଟକା ପରେ ଲୋକଙ୍କ ମନରେ ବାରମ୍ବାର ଗୋଟିଏ ପ୍ରଶ୍ନ ଉଠୁଥିଲା – ଫୋନ୍ରେ ଭୂମିକମ୍ପ ଆଲର୍ଟ ଆସିଥିଲା କି? ବାସ୍ତବରେ ଆଜିକାଲି ସ୍ମାର୍ଟଫୋନ୍ଗୁଡ଼ିକ ସମୟରେ ଭୂମିକମ୍ପର ଚେତାବନୀ ପଠାଇଦିଅନ୍ତି, କିନ୍ତୁ ଏହା ସେତେବେଳେ ହେବ ଯଦି ଫୋନ୍ରେ ଏହି ଫିଚର ଅନ୍ କରାଯାଇଥାଏ। ସ୍ମାର୍ଟଫୋନ୍ କିପରି ଭୂମିକମ୍ପର ଚେତାବନୀ ଦେଇଥାଏ? ସ୍ମାର୍ଟଫୋନ୍ରେ ଥିବା ଛୋଟ ମୋସନ୍ ସେନ୍ସରଗୁଡ଼ିକ ସାମାନ୍ୟ କମ୍ପନକୁ ମଧ୍ୟ ଧରିପାରନ୍ତି। ଯେତେବେଳେ ଆଖପାଖର ଅନେକ ଫୋନ୍ ଏକାଠି ପ୍ରବଳ କମ୍ପନ ରେକର୍ଡ କରନ୍ତି, ସେହି ଡାଟା ତୁରନ୍ତ କେନ୍ଦ୍ରୀୟ ସର୍ଭରକୁ ପଠାଯାଏ। ସର୍ଭର ଏହାକୁ ଭୂମିକମ୍ପ ବୋଲି ଚିହ୍ନଟ କରି ଆଖପାଖର ଉପଭୋକ୍ତାମାନଙ୍କୁ ତୁରନ୍ତ ଆଲର୍ଟ ପଠାଇଦିଏ। ଏହି ଆଲର୍ଟ ଆସିବାକୁ କେବଳ କେତେକ ସେକେଣ୍ଡ ଲାଗେ, କିନ୍ତୁ ଏତିକି ସମୟ ମଧ୍ୟ କାହାକୁ ବି ନିରାପଦ ସ୍ଥାନକୁ ପହଞ୍ଚିବାର ସୁଯୋଗ ଦେଇଥାଏ।
ଆଣ୍ଡ୍ରଏଡ୍ ଫୋନ୍ରେ Earthquake Alerts କିପରି ଅନ୍ କରିବେ?
ପ୍ରଥମେ ଫୋନ୍ର ସେଟିଂସ୍ ଖୋଲନ୍ତୁ। ତା’ପରେ Safety & Emergency ରେ ଯାଆନ୍ତୁ। ସେଠାରେ Earthquake Alerts ଦେଖିବାକୁ ମିଳିବ, ଏହାକୁ ଅନ୍ କରିଦିଅନ୍ତୁ। ଏପରି କଲେ ଭୂମିକମ୍ପ ଆସିବା ପୂର୍ବରୁ ଆପଣଙ୍କ ଫୋନ୍ରେ ଆଲର୍ଟ ଆସିଯିବ।
ଆଇଫୋନ୍ରେ Emergency Alerts କିପରି ଅନ୍ କରିବେ?
Settings ଖୋଲନ୍ତୁ → Notifications ବାଛନ୍ତୁ → ତଳକୁ ସ୍କ୍ରୋଲ କରି Emergency Alerts କୁ ଅନ୍ କରିଦିଅନ୍ତୁ।MyShake App ରୁ ମିଳେ ଅତିରିକ୍ତ ଆଲର୍ଟ ଏହି ଆପ୍ ଆଣ୍ଡ୍ରଏଡ୍ ଓ ଆଇଫୋନ୍ ଦୁଇଟିରେ ମାଗଣାରେ ଉପଲବ୍ଧ। ଆପ୍ ଖୋଲି ପ୍ରଥମେ ସେଟଅପ୍ ସାରି ଲୋକେସନ୍ ଆକ୍ସେସ୍ ଦିଅନ୍ତୁ। ଏହା ୪.୫ ମ୍ୟାଗ୍ନିଚ୍ୟୁଡ୍ ଉପରେ ଥିବା ଭୂମିକମ୍ପର ଆଲର୍ଟ ପଠାଇଥାଏ।
ଗୁଗୁଲ୍ ଦୁଇ ପ୍ରକାରର ଆଲର୍ଟ ପଠାଇଥାଏ – Be Aware Alert: ହାଲୁକା ଝଟକା ପାଇଁ Take Action Alert: ପ୍ରବଳ ଝଟକାରେ ତୁରନ୍ତ ନିରାପଦ ସ୍ଥାନକୁ ଯିବାର ପରାମର୍ଶ
ଏହି ଫିଚର କାହିଁକି ଜରୁରି?
କୋଲକାତାର ଏହି ଭୂମିକମ୍ପ ପୁଣି ଥରେ ପ୍ରମାଣ କରିଦେଇଛି ଯେ ସ୍ମାର୍ଟଫୋନ୍ ଆଲର୍ଟ କେତେ ଗୁରୁତ୍ୱପୂର୍ଣ୍ଣ। ଭୂମିକମ୍ପର ଭବିଷ୍ୟବାଣୀ କରାଯାଇପାରେ ନାହିଁ, କିନ୍ତୁ ପ୍ରଥମ ଝଟକା ଲାଗିବା ସହିତ ଫୋନ୍ ଚେତାବନୀ ପଠାଇଦିଏ, ଯାହାଦ୍ୱାରା ଲୋକେ ନିରାପଦ ସ୍ଥାନକୁ ଯାଇପାରନ୍ତି। ତେଣୁ ଆଜିହିଁ ଆପଣଙ୍କ ଫୋନ୍ରେ ଏହି ଫିଚର ଅନ୍ କରି ନିଜକୁ ଓ ପରିବାରକୁ ସୁରକ୍ଷିତ ରଖନ୍ତୁ!
Comments are closed.