ପୁଣି ଫେରିଲା କରୋନା ! ଆଜି ଏତେ ସଂକ୍ରମିତ ଚିହ୍ନଟ

ନୂଆଦିଲ୍ଲୀ: ପୁଣି ଫେରିଲା କରୋନା। ସିଙ୍ଗାପୁର ଓ ହଂକଂରେ ହଠାର୍ କୋଭିଡ-୧୯ ମାମଲାରେ ବଢ଼ିବାରେ ଲାଗିଛି। ଗତ କିଛି ସପ୍ତାହ ମଧ୍ୟରେ ଏହି ଦୁଇ ଦେଶରେ କରୋନା ସଂକ୍ରମଣର ମାମଲା ବୃଦ୍ଧି ପାଇଛି। ତେବେ ବଡ଼ କଥା ହେଉଛି ଯେ ଏହି ମାମଲାଗୁଡ଼ିକ ସେତେ ମାତ୍ରାରେ ବ୍ୟାପି ନାହିଁ। ଏହା ଜଣଙ୍କଠାରୁ ଜଣଙ୍କୁ ସଂକ୍ରମଣ ବ୍ୟାପିବାର ଆଶଙ୍କା ଥିବାରୁ ପୁଣିଥରେ କରୋନା ଭୟ ବଢ଼ାଇଛି।

ଏହି ଦୁଇ ଦେଶରେ ଘଟୁଥିବା ଘଟଣାକୁ ଦୃଷ୍ଟିରେ ରଖି ଭାରତ ସରକାର ତୁରନ୍ତ ସତର୍କତା ଅବଲମ୍ବନ କରି ଆବଶ୍ୟକୀୟ ପଦକ୍ଷେପ ଗ୍ରହଣ କରିଛନ୍ତି। ସୋମବାର ଏ ସମ୍ପର୍କରେ କେନ୍ଦ୍ରୀୟ ସ୍ୱାସ୍ଥ୍ୟ ମନ୍ତ୍ରଣାଳୟ ଏକ ଉଚ୍ଚସ୍ତରୀୟ ସମୀକ୍ଷା ବୈଠକ ଡାକିଥିଲେ। ଏହି ବୈଠକ ଡାଇରେକ୍ଟର ଜେନେରାଲ ଅଫ୍ ହେଲଥ ସର୍ଭିସେସ (DGHS)ଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା, ଯେଉଁଥିରେ ନ୍ୟାସନାଲ ସେଣ୍ଟର ଫର ଡିଜିଜ୍ କଣ୍ଟ୍ରୋଲ (NCDC), ଇମରଜେନ୍ସି ମେଡିକାଲ ରିଲିଫ (EMR), ଡିଜାଷ୍ଟର ମ୍ୟାନେଜମେଣ୍ଟ ସେଲ, ଇଣ୍ଡିଆନ କାଉନସିଲ ଅଫ୍ ମେଡିକାଲ ରିସର୍ଚ୍ଚ (ICMR) ଏବଂ କେନ୍ଦ୍ରୀୟ ସରକାରୀ ହସ୍ପିଟାଲର ବିଶେଷଜ୍ଞମାନେ ଅଂଶଗ୍ରହଣ କରିଥିଲେ।

ଭାରତରେ କୋଭିଡ ସ୍ଥିତି ନିୟନ୍ତ୍ରଣରେ ବୈଠକରେ ଦେଶରେ ବର୍ତ୍ତମାନର କୋଭିଡ-୧୯ ସ୍ଥିତିର ବିସ୍ତୃତ ସମୀକ୍ଷା କରାଯାଇଥିଲା। ବିଶେଷଜ୍ଞମାନେ ଜଣାଇଛନ୍ତି ଯେ ଭାରତରେ ବର୍ତ୍ତମାନ ସ୍ଥିତି ସମ୍ପୂର୍ଣ୍ଣ ନିୟନ୍ତ୍ରଣରେ ଅଛି। ୧୯ ମେ’ ପର୍ଯ୍ୟନ୍ତ ଦେଶରେ ମାତ୍ର ୨୫୭ଟି ସକ୍ରିୟ କୋଭିଡ ମାମଲା ରହିଛି, ଯାହା ଭାରତ ଭଳି ବିଶାଳ ଜନସଂଖ୍ୟା ବିଶିଷ୍ଟ ଦେଶ ପାଇଁ ଅତ୍ୟନ୍ତ କମ। ଏହି ମାମଲାଗୁଡ଼ିକ ମଧ୍ୟରୁ ଅଧିକାଂଶରେ ଲକ୍ଷଣ ଅତି ସାମାନ୍ୟ ଏବଂ କାହାରିକୁ ହସ୍ପିଟାଲରେ ଭର୍ତ୍ତି କରିବାର ଆବଶ୍ୟକତା ପଡ଼ିନାହିଁ।