ବ୍ରହ୍ମପୁର: ବ୍ରହ୍ମପୁର ସହରରେ ଠାବ ହୋଇଛି ସେକ୍ସ ରାକେଟ୍। ବ୍ରହ୍ମପୁର ଏସ୍ପି ଡା. ସର୍ବଣା ବିବେକ ଏମ୍ ନିଜେ ଚଢ଼ଉ କରି ସେକ୍ସ ରାକେଟ୍କୁ ଧରିଛନ୍ତି। ନିଜେ ଗ୍ରାହାକ ବେଶରେ ଯାଇ ରାକେଟ୍ ଧରିଥିଲେ। ପୋଲିସ ଘଟଣାସ୍ଥଳରୁ ୧୦ଜଣ ଗ୍ରାହାକ ଏବଂ ୪ଜଣ ଯୁବତୀଙ୍କୁ ଥାନାକୁ ଆଣି ପଚରାଉଚରା କରୁଛି।
ମିଳିଥିବା ସୂଚନା ଅନୁଯାୟୀ, ସୋମବାର ରାତି ପ୍ରାୟ ୧୧ଟା ବେଳେ ଟାଟା ବେଞ୍ଜ ଛକସ୍ଥିତ ତୁଳସୀ ଗେଷ୍ଟ ହାଉସରେ ସେକ୍ସ ରାକେଟ୍ ଚାଲିଥିବା ନେଇ ଏସ୍ପି ସୂଚନା ପାଇଥିଲେ। ନିଜେ ବାଇକ୍ରେ ସେଠାରେ ପହଞ୍ଚିଥିଲେ। ନିଜେ ଗେଷ୍ଟ ହାଉସକୁ ଯାଇଥିଲେ। ସେକ୍ସ ରାକେଟ ଚାଲିଥିବା ନେଇ ବୈଦ୍ୟନାଥପୁର ଥାନା ଏବଂ ଗୋଷାଣିନୁଆଗାଁ ଥାନା ପୋଲିସକୁ ସୂଚନା ଦେଇଥିଲେ। ବୈଦ୍ୟନାଥପୁର ଥାନା ଆଇଆଇସି ରାମ କୁମାର ମୁର୍ମୁ ଏବଂ ଗୋଷାଣିନୁଆଗାଁ ଆଇଆଇସି ସ୍ମୃତିପ୍ରଭାବ ପ୍ରଧାନ ସଦଳବଳ ପହଞ୍ଚିଥିଲେ। ଗ୍ରାହାକ ଏବଂ ଯୁବତୀଙ୍କୁ ବୈଦ୍ୟନାଥପୁର ଥାନାକୁ ଅଣାଯାଇଛି। ସେମାନଙ୍କୁ ପଚରାଉଚରା ଚାଲିଥିବା ସୂଚନା ମିଳିଛି।
ଟାଟା ବେଞ୍ଜ ଛକରେ ଯେଉଁଠି ତୁଳସୀ ଗେଷ୍ଟ ହାଉସ୍ ରହିଛି, ତାହାର ତଳ ମହଲାରେ ଗୋଟିଏ ବାଇକ୍ ସୋ’ରୁମ୍ ରହିଛି। ଏହା ଏକ ଜନଗହଳିପୂର୍ଣ୍ଣ ଅଞ୍ଚଳ। ସହରର ପ୍ରମୁଖ ଟ୍ରାଫିକ ଛକ। ତଥାପି ଅନେକ ଦିନ ହେଲା ରାକେଟ ଚାଲିଥିଲା। ଅନ୍ୟପଟେ ବ୍ରହ୍ମପୁର ଏସ୍ପି ନିଜେ ଚଢ଼ଉ କରି ରାକେଟ୍କୁ ଧରିବାକୁ ନେଇ ନାନା ଚର୍ଚ୍ଚା ଚାଲିଛି। ବଡ଼ ଗୁଟ୍ଖା ରାକେଟ୍ ହେଉ ଅବା ଏମ୍କେସିଜି ମେଡ଼ିକାଲକୁ ଦଲାଲ୍ ଧରିବା ଦିଗରେ ମଧ୍ୟ ଏସ୍ପି ସର୍ବଣା ବିବେକ ଏମ୍ ପ୍ରଶଂସା ସାଉଁଟିଛନ୍ତି।
Comments are closed.