ବ୍ରହ୍ମପୁର: ବିଲଡର୍ କମ୍ପାନି ଖୋଲି ଜଣେ ସୁନା ବ୍ୟବସାୟୀଙ୍କୁ ୨ କୋଟି ଠକେଇ କରିବା ଅଭିଯୋଗରେ ବଡବଜାର ଥାନା ପୁଲିସ ବ୍ରହ୍ମପୁରର ଜଣେ ଡାକ୍ତରଙ୍କୁ ଗିରଫ କରିଛି। ଗିରଫ ଜଣକ ହେଲେ ମଳାଶୁଣିପେଟା ସାହିର ବାସିନ୍ଦା ଡାକ୍ତର ଡି. ଉତ୍ତମ କୁମାର। ୨୦୨୧ ଅକ୍ଟୋବର ୧ ତାରିଖରେ ବଡବଜାର ଥାନାରେ ରୁଜୁ ହୋଇଥିବା ମାମଲା ନଂ ୨୦୨/୨୧ ପ୍ରକାରେ ଶନିବାର ତାଙ୍କୁ ଗିରଫ ପରେ କୋର୍ଟ ଚାଲାଣ କରାଯାଇଛି।
ପୋଲିସ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଅଭିଯୁକ୍ତ ଡାକ୍ତର ଉତ୍ତମ ଓ ତାଙ୍କ ଅନ୍ୟ ଦୁଇ ସହଯୋଗୀ ଯଥା ମଳାଶୁଣିପେଟା ସାହିର ଡି. ଶିବାଜୀ ଓ ବାଲୁଗାଁର ସୁନୀଲ ସୁବୁଦ୍ଧି ମିଳିତଭାବେ ୨୦୧୦ରେ ୟୁଏମଏସ ନାମକ ଏକ ବିଲଡର୍ କମ୍ପାନି ଖୋଲିଥିଲେ। ଏହି କମ୍ପାନୀ ଜରିଆରେ ସେମାନେ ଆପାର୍ଟମେଣ୍ଟ ନିର୍ମାଣ କାର୍ଯ୍ୟ କରୁଥିଲେ। ୨୦୧୮ ମାର୍ଚ୍ଚ ୧ ତାରିଖେର ଅଭିଯୁକ୍ତ ଡାକ୍ତର ଓ ତାଙ୍କ ସହଯୋଗୀ ମିଳିତଭାବେ ବଡବଜାର ଗୌଡ ସାହିର ସୁନା ବ୍ୟବସାୟୀ କେ. ପ୍ରସାଦ ରାଓ ସୁବୁଦ୍ଧି ଓ ତାଙ୍କ ପତ୍ନୀ କେ. ଛାୟାବତୀଙ୍କ ନିକଟକୁ ଯାଇ ତାଙ୍କ କମ୍ପାନୀରେ ଟଙ୍କା ଜମା କରିବାକୁ କହିଥିଲେ। ଡା. ଉତ୍ତମ ସୁନା ବ୍ୟବସାୟୀଙ୍କ ଘରକୁ ଯାଇ ଚିଟଫଣ୍ଡ କମ୍ପାନୀର ବିଭିନ୍ନ ସ୍କିମ ବିଷୟରେ ବୁଝାଇଥିଲେ। ୫୦ ଲକ୍ଷ ଟଙ୍କା ଜମା କରିବାକୁ କହିଥିଲେ। ବ୍ରହ୍ମପୁର ଓ ଭୁବନେଶ୍ବରରେ ନିର୍ମାଣ କରାଯିବାକୁ ଥିବା ଆପାର୍ଟମେଣ୍ଟରେ ଟଙ୍କା ଲଗାଇବାକୁ କହିଥିଲେ। ମାସିକ ୩ ପ୍ରତିଶତ ସୁଧ ସହ ଭୁବନେଶ୍ବରରେ ଏକ ଫ୍ଲାଟ ଦେବାକୁ ପ୍ରତିଶୃତି ଦେଇଥିଲେ। ସୁନା ବ୍ୟବସାୟୀ ବିଭିନ୍ନ କିସ୍ତିରେ ଡା. ଉତ୍ତମଙ୍କୁ ୨ କୋଟି ଟଙ୍କା ଦେଇଥିଲେ। ଏ ନେଇ ଉଭୟ ପକ୍ଷ ମଧ୍ୟରେ ବୁଝାବଣା ପତ୍ର ସ୍ବାକ୍ଷରିତ ହୋଇଥିଲା। ହେଲେ ଅନେକ ମାସ ପରେ ମଧ୍ୟ ଡା. ଉତ୍ତମ କିମ୍ବା ତାଙ୍କ ସହଯୋଗୀମାନେ ସୁନା ବ୍ୟବସାୟୀଙ୍କୁ ସୁଧ ଟଙ୍କା କିମ୍ବା ଆପାର୍ଟମେଣ୍ଟ ପ୍ରଦାନ କରିନଥିଲେ। ଏହାପରେ ତାଙ୍କର ୨ କୋଟି ଟଙ୍କା ଫେରାଇଦେବାକୁ ସୁନା ବ୍ୟବସାୟୀ ଓ ତାଙ୍କ ପତ୍ନୀ ଅନୁରୋଧ କରିଥିଲେ। କିନ୍ତୁ ଏହି କଥାକୁ କର୍ଣ୍ଣପାତ ନକରି ବିଭିନ୍ନ ବାହାନା କରି ଦିନ ଗଡାଇ ଚାଲିଥିଲେ। ଶେଷରେ ବାଧ୍ୟହୋଇ ବଡବଜାର ଥାନାରେ ଏତଲା ଦେଇଥିଲେ। ହେଲେ ପୁଲିସ ସେହି ସମୟରେ କୌଣସି ପଦକ୍ଷେପ ନନେବାରୁ ସୁନା ବ୍ୟବସାୟୀଙ୍କ ପକ୍ଷରୁ ଅଦାଲତେର ୱାନସିସି ମାମଲା ଦାୟର କରାଯାଇଥିଲା। ଅଦାଲତଙ୍କ ନିର୍ଦେଶପ୍ରକାରେ ବଡବଜାର ଥାନା ପୋଲିସ ମାମଲାକୁ ଗୁରୁତର ସହ ନେଇ ତଦନ୍ତ କରିଥିଲା।
BREAKING NEWS
- ପ୍ୟାରିସ୍ ଅଲିମ୍ପିକ୍ସ ଉଦଘାଟନୀ ଉତ୍ସବରେ ଭାରତୀୟ ଦଳର ନେତୃତ୍ୱ ନେଲେ ପିଭି ସିନ୍ଧୁ ଓ ଶରତ କମଲ
- ସୁଦୃଶ୍ୟ ହେଲା ଲଘୁଚାପ, ୨୪ ଘଣ୍ଟା ମଧ୍ୟରେ ଉତ୍ତର ଓଡ଼ିଶା ଅତିକ୍ରମ କରିବ
- ୟୁଟ୍ୟୁବରଙ୍କ ଉପରେ କଟକଣା ଲଗାଇବା ପାଇଁ ବିଲ୍ ଆଣିବେ ମୋଦୀ ସରକାର
- ପ୍ରକାଶ ପାଇଲା ନିଟ୍-ୟୁଜି ଚୂଡ଼ାନ୍ତ ମେରିଟ୍ ଲିଷ୍ଟ, ୬୧ ବଦଳରେ ୧୭ ଜଣ ଟପ୍ପର
- ଅଗ୍ନିବୀରଙ୍କ ପାଇଁ ମୋହନ ସରକାରର ବଡ଼ ନିଷ୍ପତି, ଓଡ଼ିଶାରେ ମିଳିବ ବିଶେଷ ସୁବିଧା
- କଟକ ବିଜେଡିରେ କନ୍ଦଳ, ବାଙ୍କୀ ବିଧାୟକଙ୍କ ସମୀକ୍ଷା ସଭାକୁ କର୍ପୋରେଟରଙ୍କ ବିରୋଧ
- ସମଗ୍ର ପୃଥିବୀ ଗୋଟିଏ ପରିବାରର ବାର୍ତ୍ତା ପ୍ରଚାର କରିବ ‘ସାଇମୁନ୍ ସମ୍ମିଳନୀ’: ରାଜ୍ୟପାଳ
- ପ୍ୟାରିସ ଅଲିମ୍ପିକ୍ସ: ଅଂଶଗ୍ରହଣ କରୁଥିବା ଭାରତୀୟ ଆଥଲେଟଙ୍କ ସମ୍ପର୍କରେ ଏ ଟୁ ଜେଡ
- ପୂର୍ବତନ ପଞ୍ଜାବ ମୁଖ୍ୟମନ୍ତ୍ରୀଙ୍କ ଖଲିସ୍ତାନ ପ୍ରୀତି, ବିଚଳିତ କଂଗ୍ରେସ
- ପଶ୍ଚିମବଙ୍ଗରେ ତେଜିଲା ବିଭାଜନ ରାଜନୀତି