ଫ୍ଲିପ୍କାର୍ଟ ବିଗ୍ ବିଲିୟନ୍ ଡେ ସେଲ୍ ୧୬ରୁ ଆରମ୍ଭ; ଜାଣନ୍ତୁ କଣ ସବୁ ରହିଛି ଆକର୍ଷଣୀୟ ଅଫର୍
ନୂଆଦିଲ୍ଲୀ: ଫ୍ଲିପ୍କାର୍ଟ ପକ୍ଷରୁ ଖୁବ୍ ଶୀଘ୍ର ବିଗ୍ ବିଲିୟନ୍ ଡେ ସେଲ୍ ଆରମ୍ଭ ହେବାକୁ ଯାଉଛି। ଏହି ସେଲ୍ ଅକ୍ଟୋବର ୧୬ରୁ ୨୧ ପର୍ଯ୍ୟନ୍ତ ଚାଲିବ। କମ୍ପାନୀ ଗ୍ରାହକମାନଙ୍କ ପାଇଁ ବିଭିନ୍ନ ସାମଗ୍ରୀ ଉପରେ ଡିଲ୍, ରିହାତି ଏବଂ ଅଫର୍ ଆଣିବ।
ଏଥିରେ ଫ୍ଲିପ୍କାର୍ଟ ପ୍ଲସ୍ ସଦସ୍ୟମାନେ ଅକ୍ଟୋବର ୧୫ ତାରିଖ ରାତ୍ରି ୮ ସମୟରୁ କିଣାକିଣି ଆରମ୍ଭ କରିପାରିବେ ଏବଂ ଅନ୍ୟ ଗ୍ରାହକମାନଙ୍କ ପାଇଁ ଏହା ମଧ୍ୟରାତ୍ରିରୁ ଲାଗୁ ହେବ। ଉତ୍ପାଦ ଉପରେ ରିହାତି ବ୍ୟତୀତ ଏସ୍ବିଆଇ କାର୍ଡଧାରୀମାନେ ମଧ୍ୟ ୧୦ ପ୍ରତିଶତ ତତ୍କ୍ଷଣାତ୍ ରିହାତି ପାଇପାରିବେ।
ବିଗ୍ ବିଲିୟନ୍ ସେଲ୍ରେ ଇଲେକ୍ଟ୍ରୋନିକ୍ ଏବଂ ଆସେସୋରିଜ୍ ଉପରେ ୮୦ ପ୍ରତିଶତ ରିହାତି ପ୍ରଦାନ କରିବ କମ୍ପାନୀ। ସର୍ବାଧିକ ବିକ୍ରି ହେଉଥିବା ଲାପ୍ଟପ୍ ଉପରେ ସର୍ବାଧିକ ୬୦ ପ୍ରତିଶତ ମୂଲ୍ୟ ହ୍ରାସ ସହ ଟିଭି ଉପରେ ୭୫ ପ୍ରତିଶତ ଅଫର୍ ଆଣିବ କମ୍ପାନୀ।
ଆକର୍ଷଣୀୟ ଏକ୍ସଚେଞ୍ଜ ଅଫର୍ ସହିତ ବିନା ମୂଲ୍ୟରେ ଇଏମ୍ଆଇ ଭଳି ସୁବିଧା ରହିଛି। ଅନ୍ୟପକ୍ଷରେ ୱେଷ୍ଟର୍ଣ୍ଣ ୱେୟାର୍, ସ୍ପୋର୍ସ ସୁ ଏବଂ ଓମେନ୍ସ ଏଥିନିକ୍ ଉପରେ ୬୦ରୁ ୮୦ ପ୍ରତିଶତ ରିହାତି ମିଳିବ। ଏଥର ଉତ୍ସବ ଋତୁରେ ଏହିଭଳି ବିଭିନ୍ନ ସାମଗ୍ରୀ ଉପରେ ଆକର୍ଷଣୀୟ ଅଫର୍ ଆଣିଛି ଫ୍ଲିପ୍କାର୍ଟ।
Comments are closed.