ବ୍ରହ୍ମପୁର: ଦୁର୍ଗମ ଅଞ୍ଚଳରେ ଆଜି ମଧ୍ୟ ଲୋକଙ୍କ ଦୁଃଖ କହିଲେ ନସରେ। କେଉଁଠି ପହଂଚିବାକୁ ଭଲ ରାସ୍ତାଟିଏ ନାହିଁ ତ’ କେଉଁଠି ପିଇବାକୁ ପାଣି ଟୋପାଏ ମିଳୁନି। କେଉଁଠି ଆଲୁଅ ବ୍ୟବସ୍ଥା ନାହିଁ। ଆଉ କେଉଁଠି ସ୍ୱାସ୍ଥ୍ୟ, ଶିକ୍ଷା, ସବୁକ୍ଷେତ୍ରରେ ଅବହେଳିତ ହୋଇ ଯାଇଛି। ଏଭଳି ପରିସ୍ଥିତିରେ ଦୁର୍ଗମବାସୀଙ୍କ ମୁହଁରେ ହସ ଫୁଟାଇବା ପାଇଁ ଉଦ୍ୟମ କରିଛନ୍ତି ସାମାଜିକ ସଂଗଠନ ‘ହେଲ୍ପ ଇଣ୍ଡିଆ’ ପରିବାର।
ଭୁବନେଶ୍ୱରରୁ ଆସିଥିବା ହେଲ୍ପ ଇଣ୍ଡିଆ ସଦସ୍ୟମାନେ ପାଦଚଲା ପଥୁରିଆ ଏବଂ ଅଣଓସାରିଆ ରାସ୍ତାରେ ବିଭିନ୍ନ ସାମଗ୍ରୀ ଧରି ପହଂଚିଥିଲେ ଭଞ୍ଜନଗର ବ୍ଲକ ବାଇବାଲି ପଞ୍ଚାୟତର ଦୁର୍ଗମ ତଡ଼ମା ଗ୍ରାମରେ। ଯୁବକମାନେ ଉପାନ୍ତବାସୀଙ୍କ ପାଇଁ ସହରରୁ ବୋହି ଆଣିଥିଲେ ପୋଷାକ, ଲୁଗାପଟା, କମ୍ବଳ, ଜୋତା,ଚପଲ। ଗାଁ ମଝିରେ ସଜାଇ ରଖିଥିଲେ। ଯାହାର ଯାହା ପସନ୍ଦ ଓ ଆବଶ୍ୟକ ଏଠାରୁ ନିଅନ୍ତୁ ବୋଲି କହିବା ସହ ବିଭିନ୍ନ ରାସନ ସାମଗ୍ରୀ ଯୋଗାଇ ଦେଇଥିଲେ। ଆବଶ୍ୟକ ସାମଗ୍ରୀ ପ୍ରଦାନ କରିବା ସହ ସେମାନଙ୍କ ସମସ୍ୟା ବୁଝି ଉପାନ୍ତ ଲୋକଙ୍କ ସହିତ ସମୟ କଟାଇ ଥିଲେ। ନାଚଗୀତ କରି ସେମାନଙ୍କ ମୁଂହରେ ହସ ଫୁଟାଇଥିଲେ। ଗ୍ରାମବାସୀ ମଧ୍ୟ କାର୍ଯ୍ୟକ୍ରମରେ ବହୁ ସଂଖ୍ୟାରେ ସାମିଲ ହୋଇଥିଲେ। ପସନ୍ଦ ଅନୁଯାୟୀ ସାମଗ୍ରୀ ନେଇଥିଲେ। ଏହା ପରେ ମୁଜାଗଡ଼ ପଂଚାୟତର ଉପାନ୍ତ ଢେପାଗୁଡା ଗ୍ରାମକୁ କାଠ ପୋଲ ଉପର ଦେଇ ଜଙ୍ଗଲିଆ ରାସ୍ତାରେ ଚାଲିଚାଲି ପଂହଁଚିଥିଲେ। ସେଠାରେ ଲୋକଙ୍କୁ ସହଯୋଗର ହାତ ବଢ଼ାଇବା ସହ ତାଙ୍କ ସହିତ ମଧ୍ୟ ହସଖୁସିରେ ସମୟ କାଟିଥିଲେ ହେଲ୍ପ ଇଣ୍ଡିଆର ସଦସ୍ୟ ମାନେ। ଗ୍ରାମବାସୀ ମଧ୍ୟ ଯୁବକଙ୍କ କାର୍ଯ୍ୟକୁ ସାଧୁବାଦ ଜଣାଇବା ସହ ନିଜ ଗାଁ ସମସ୍ୟା ସମ୍ପର୍କରେ କହିଥିଲେ। ଏସବୁ ଭିତରେ ସତେ ଯେପରିକି ସେମାନେ ଖୁବ ଆପଣାର ଭଳି ବ୍ୟବହାର କରୁଥିବା ଲକ୍ଷ୍ୟ କରାଯାଇଥିଲା।
BREAKING NEWS
- ଗଣତନ୍ତ୍ରର ମହାପର୍ବ: ମତଦାନ ସାବ୍ୟସ୍ତ କଲେ ହେଭିୱେଟ୍ ନେତା-ମନ୍ତ୍ରୀ
- ଇଭିଏମ ତ୍ରୁଟି, ଭୋଟିଂରେ ବିଳମ୍ବ
- ଦେଶରେ ୪ର୍ଥ ପର୍ଯ୍ୟାୟ ଭୋଟ, ୯୬ଟି ସଂସଦୀୟ କ୍ଷେତ୍ର ପାଇଁ ମତଦାନ ଆରମ୍ଭ
- କାଳବୈଶାଖୀ ପ୍ରଭାବରେ ୨୫ ସହରରେ ବର୍ଷା, ୭ ଜିଲ୍ଲାକୁ ସତର୍କ ସୂଚନା ଜାରି
- ଆଜି ରାଜ୍ୟରେ ପ୍ରଥମ ପର୍ଯ୍ୟାୟ ଭୋଟ, ୨୮ ବିଧାନସଭା ଆସନରେ ମତଦାତା ଲେଖୁଛନ୍ତି ପ୍ରାର୍ଥୀଙ୍କ ଭାଗ୍ୟ
- ଏପରି ମନ୍ଦିର ଯେଉଁଠି ୫୦ ଡିଗ୍ରୀ ଖରାରେ ମଧ୍ୟ ଲାଗେ ହିମାଳୟ ପରି ଥଣ୍ଡା
- ପିଲାଙ୍କୁ ମୋବାଇଲ ଦେଉଥିଲେ ହୋଇଯାଆନ୍ତୁ ସାବଧାନ…
- ଭୋଟ ଦେଲେ ମିଳିବ ମାଗଣାରେ ଗୁପଚୁପ, ଜାଣନ୍ତୁ କେଉଁଠି
- ଦିନରେ ଲଣ୍ଠନ ଦେଖାଉଛନ୍ତି ମୋଦୀ, ବଲାଙ୍ଗୀର ସଭାରେ ବିରୋଧିଙ୍କୁ ନବୀନଙ୍କ ଟାର୍ଗେଟ
- ପ୍ଲେ ଅଫ ପ୍ରବେଶ ଆଶା ଉଜ୍ଜୀବୀତ କଲା ଚେନ୍ନାଇ