ନୂଆଦିଲ୍ଲୀ: ଜେଲ ଦଣ୍ଡ ଭୋଗୁଛନ୍ତି ପାକିସ୍ତାନର , ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ପତ୍ନୀ ବୁଶରା ବିବି । ଇମ୍ରାନ ଖାନଙ୍କୁ ନେଇ ଅନେକ ଚର୍ଚ୍ଚା ଆଲୋଚନା ଲାଗିରହିଥାଏ । ତେବେ ଏବେ ଆଉ ଏକ ସାଂଘାତିକ ରିପୋର୍ଟ ସାମ୍ନାକୁ ଆସିଛି । ଇମ୍ରାନ ଖାନଙ୍କ ପତ୍ନୀ ବୁଶରା ବିବିଙ୍କୁ ଜେଲରେ ଦିଆଯାଉଛି ନିର୍ୟ୍ୟାତନା । ଏପରିକି ତାଙ୍କ ଖାଦ୍ୟରେ ଅଧିକ ଲଙ୍କା ଗୁଣ୍ଡ ମିଶାଇ ଖାଇବାକୁ ଦିଆଯାଉଛି । ଅସୀମ ମୁନିରଙ୍କ ନିର୍ଦ୍ଦେଶରେ ତାଙ୍କୁ ନିର୍ୟାତନା ଦିଆଯାଉଛି।
ପାକିସ୍ତାନର ଆଦିଆଲା ଜେଲରେ, ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ପତ୍ନୀ ବୁଶରା ବିବିଙ୍କୁ ଏକ ଛୋଟ ଝରକା ବିହୀନ କୋଠରୀରେ ରଖାଯାଇଛି । ଯାହା ଅତ୍ୟନ୍ତ ମଇଳା, ଅତ୍ୟଧିକ ଗରମ ଏବଂ କୀଟପତଙ୍ଗ ଏବଂ ମୂଷାଙ୍କ ପ୍ରର୍ଦୁଭାବରେ ପରିପୂର୍ଣ୍ଣ ବୋଲି ଜଣାପଡିଛି। ନିୟମିତ ବିଦ୍ୟୁତ୍ ବିଭ୍ରାଟ କୋଠରୀରେ ଅନ୍ଧାର ଘେରି ରହିଛି। ତାଙ୍କୁ ଦୂଷିତ ପାନୀୟ ଜଳ ଏବଂ ଲଙ୍କା ମିଶ୍ରିତ ଖାଦ୍ୟ ଦିଆଯାଉଛି। ଜାତିସଂଘ ରିପୋର୍ଟ ପ୍ରକାଶ କରିଛି ।
ଇମ୍ରାନ ଖାନ ଏବଂ ତାଙ୍କ ପତ୍ନୀ ବୁଶରା ବିବିଙ୍କୁ ନିର୍ୟାତନା ଦେବା ପାଇଁ ଅସୀମ ମୁନିର କରିଥିବା ବ୍ୟବସ୍ଥା ଜାତିସଂଘ ପାଇଁ ନିର୍ୟାତନା ଉପରେ ଆଲିସ୍ ଜିଲ୍ ଏଡୱାର୍ଡସ୍ଙ୍କ ରିପୋର୍ଟରେ ପ୍ରକାଶ ପାଇଛି। ରିପୋର୍ଟ ଅନୁଯାୟୀ, ଏପରି ପରିସ୍ଥିତିରେ ବୁଶରା ବିବିଙ୍କ ଅଟକ ତାଙ୍କ ଶାରୀରିକ ଏବଂ ମାନସିକ ସ୍ୱାସ୍ଥ୍ୟ ପାଇଁ ଏକ ଗମ୍ଭୀର ବିପଦ ସୃଷ୍ଟି କରିଛି। ଜାତିସଂଘ ପାକିସ୍ତାନକୁ ବୁଶରା ବିବିଙ୍କ ସ୍ୱାସ୍ଥ୍ୟକୁ ସୁରକ୍ଷା ଦେବା ଏବଂ ମାନବିକ ମର୍ୟ୍ୟାଦା ସହିତ ସୁସଙ୍ଗତ ଅବସ୍ଥା ସୁନିଶ୍ଚିତ କରିବା ପାଇଁ ଏହାର କର୍ତ୍ତବ୍ୟ ପାଳନ କରିବାକୁ ଆହ୍ୱାନ କରିଛି। ଏସବୁ ଅସୀମ ମୁନିରଙ୍କ ନିର୍ଦ୍ଦେଶରେ ହିଁ କରାଯାଉଛି ।