ବ୍ରହ୍ମପୁର: ବ୍ରହ୍ମପୁର ସହର ପାଣିଗ୍ରାହୀପେଣ୍ଠ ବ୍ରଜରାଜନଗର ତୃତୀୟ ଗଳିର ଅନ୍ତର୍ଯ୍ୟାମୀ ପାତ୍ର ଏବଂ ମନସ୍ବିନୀ ପାତ୍ରଙ୍କ ଝିଅ ଅନ୍ନପୂର୍ଣ୍ଣା ଇଣ୍ଡିଆ ବୁକ୍ ଅଫ୍ ରେଡର୍କରେ ସ୍ଥାନ ପାଇଛନ୍ତି। ଭାରତର ସମସ୍ତ ରାଷ୍ଟ୍ରପତିଙ୍କ ନାମକୁ ମାତ୍ର ୧୬.୨୫ ସେକଣ୍ଡରେ ଉଚ୍ଚାରଣ କରି ଏହି ସଫଳତାର ଅଧିକାରୀ ହୋଇପାରିଛନ୍ତି ଅନ୍ନପୂର୍ଣ୍ଣା। ମାତ୍ର ୫ ବର୍ଷ ୯ ମାସ ବୟସରେ ଏହି ସଫଳତାକୁ ନେଇ ସବୁଆଡ଼ୁ ପ୍ରଶଂସା କରାଯାଉଛି। ଏହି ପ୍ରତିଯୋଗିତାରେ ଭାଗନେବା ପାଇଁ ସେପ୍ଟେମ୍ବର ୨୦ ତାରିଖରେ ଆବେଦନ କରିଥିଲେ। ବର୍ତ୍ତମାନ ପ୍ରମାଣପତ୍ର ସହିତ ମେଡ଼ାଲ, ମେଟାଲ ପେନ, ଇଣ୍ଡିଆ ବୁକ ଅଫ ରେକର୍ଡର ବ୍ୟାଜ୍ ଏବଂ ଆଇକାର୍ଡ ଆସିଛି। ଅନ୍ନପୂର୍ଣ୍ଣାଙ୍କ ସଫଳତା ପାଇଁ ମା ମନସ୍ବିନୀ ଅନେକ ଦିନ ପର୍ଯ୍ୟନ୍ତ ପରିଶ୍ରମ କରିଥିଲେ। ତାଙ୍କୁ ନିୟମିତ ତାଲିମ୍ ଦେଉଥିଲେ। ଏକ ଘରୋଇ ସ୍କୁଲରେ ୟୁକେଜି ପଢ଼ୁଥିବା ଅନ୍ନପୂର୍ଣ୍ଣାଙ୍କୁ ଅନେକ ସ୍ଥାନରୁ ଶୁଭେଚ୍ଛା ମିଳୁଛି।
Comments are closed.