ନୂଆଦିଲ୍ଲୀ: ସାମସଙ୍ଗ ମଙ୍ଗଳବାର ଦିନ ନିଜର ବହୁପ୍ରତୀକ୍ଷିତ ଓ ଦୁନିଆର ପ୍ରଥମ ତିନିଥର ଫୋଲ୍ଡ ହେଉଥିବା (Tri-Fold) ସ୍ମାର୍ଟଫୋନ୍ Galaxy Z TriFold ଅଫିସିଆଲି ଲଞ୍ଚ୍ କରିଦେଇଛି। ଏହି ଫୋନ୍ ଏକାଥରେ ତିନି ଭାଗରେ ଫୋଲ୍ଡ ହୋଇପାରୁଛି ଏବଂ ଖୋଲିଲେ ପ୍ରାୟ ଏକ ଛୋଟିଆ ଟ୍ୟାବଲେଟ୍ ଭଳି ଦେଖାଯାଉଛି।
ଏହି ଫୋନ୍ ଡିସେମ୍ବର ମାସରୁ ପ୍ରଥମେ ଦକ୍ଷିଣ କୋରିଆରେ ବିକ୍ରି ଆରମ୍ଭ ହେବ। ତା’ପରେ ଚୀନ୍, ତାଇୱାନ୍, ସିଙ୍ଗାପୁର, ସଂଯୁକ୍ତ ଆରବ ଏମିରେଟ୍ସ (UAE) ଓ ଆମେରିକା ଭଳି ଦେଶରେ ଉପଲବ୍ଧ ହେବ। ଫୋନ୍ଟି କେବଳ Crafted Black ରଙ୍ଗରେ ଆସିବ।
ସ୍ପେସିଫିକେସନ୍ ହାଇଲାଇଟ୍ସ
• ଭିତର ଡିସପ୍ଲେ (ଅନଫୋଲ୍ଡ): ୧୦ ଇଞ୍ଚ୍ QXGA+ Dynamic AMOLED 2X (୨୬୯ ppi, ୧୬୦୦ nits ପିକ୍ ବ୍ରାଇଟନେସ୍, ୧୨୦Hz ରିଫ୍ରେସ୍ ରେଟ୍)
• ବାହାର ଡିସପ୍ଲେ (କଭର): ୬.୫ ଇଞ୍ଚ୍ ଫୁଲ୍-HD+ Dynamic AMOLED 2X (୪୨୨ ppi, ୨୬୦୦ nits ପିକ୍ ବ୍ରାଇଟନେନେସ୍, ୨୧:୯ ଆସପେକ୍ଟ ରେସିଓ)
• ପ୍ରସେସର୍: Snapdragon 8 Elite for Galaxy (୩nm ପ୍ରକ୍ରିୟା)
• ର୍ୟାମ୍ + ଷ୍ଟୋରେଜ୍: ୧୬ GB RAM + ୧ TB ପର୍ଯ୍ୟନ୍ତ
• ରିୟର କ୍ୟାମେରା: ୨୦୦ MP (OIS) + ୧୨ MP ଅଲଟ୍ରାୱାଇଡ୍ + ୧୦ MP ଟେଲିଫୋଟୋ (୩x ଅପ୍ଟିକାଲ୍, ୩୦x ଡିଜିଟାଲ୍ ଜୁମ୍)
• ସେଲଫି କ୍ୟାମେରା: ଦୁଇଟି ୧୦ MP (ଏକ କଭର ଡିସପ୍ଲେରେ, ଏକ ମୁଖ୍ୟ ଡିସପ୍ଲେରେ)
• ବ୍ୟାଟେରୀ: ୫,୬୦୦ mAh (୪୫W ଫାଷ୍ଟ ଚାର୍ଜିଙ୍ଗ + ୧୫W ଓ୍ୱାୟାରଲେସ୍)
• ଅନ୍ୟାନ୍ୟ: Wi-Fi 7, Bluetooth 5.4, 5G, ସାଇଡ୍-ମାଉଣ୍ଟେଡ୍ ଫିଙ୍ଗରପ୍ରିଣ୍ଟ୍, IPX8 ରେଟିଙ୍ଗ୍ (ଅନୁମାନ)
ଫୋନ୍ର ହିଞ୍ଜ୍ ଟାଇଟାନିୟମ୍ ହାଉଜିଙ୍ଗ ଓ ଆର୍ମର୍ ଆଲୁମିନିୟମ୍ ଦ୍ୱାରା ତିଆରି, ଯାହା ଦୁଇଟି ଅଲଗା-ଅଲଗା ସାଇଜର ହିଞ୍ଜ୍ ଓ ଡୁଆଲ୍-ରେଲ୍ ଷ୍ଟ୍ରକଚର୍ ସହିତ ଅତ୍ୟନ୍ତ ମଜବୁତ୍ ଓ ସ୍ମୁଥ୍ ଫୋଲ୍ଡିଙ୍ଗ୍ ଅଭିଜ୍ଞତା ଦେଉଛି।
ଫୋଲ୍ଡ ଅବସ୍ଥାରେ ଡାଇମେନସନ୍: ୧୫୯.୨ × ୭୫.୦ × ୧୨.୯ mm ଅନଫୋଲ୍ଡ ଅବସ୍ଥାରେ: ୧୫୯.୨ × ୨୧୪.୧ × ୩.୯ mm ଓଜନ: ପ୍ରାୟ ୩୦୯ ଗ୍ରାମ୍
ସାମସଙ୍ଗ ଏବେ ପର୍ଯ୍ୟନ୍ତ Galaxy Z TriFoldର ଅଫିସିଆଲ୍ ମୂଲ୍ୟ ଘୋଷଣା କରିନାହିଁ। ଦକ୍ଷିଣ କୋରିଆରେ ୧୨ ଡିସେମ୍ବରଠାରୁ ବିକ୍ରି ଆରମ୍ଭ ହେବାର ସମ୍ଭାବନା ରହିଛି। କିଛି ଅଫଲାଇନ୍ ଷ୍ଟୋରରେ ଗ୍ରାହକମାନେ ଏହି ଫୋନ୍କୁ ହାତରେ ଧରି ଅନୁଭବ ମଧ୍ୟ କରିପାରିବେ।
