ଛାତ୍ରୀଙ୍କୁ ଅସଦାଚରଣ ଘଟଣାରେ ଗିରଫ ୩ ଛାତ୍ରଙ୍କ ଦାଖଲ ହେଲାନି ଓକାଲତନାମା

ବ୍ରହ୍ମପୁର: ବିନାୟକ ଆଚାର୍ଯ୍ୟ କଲେଜର ଜଣେ ଛାତ୍ରୀଙ୍କୁ ଅସଦାଚରଣ ଅଭିଯୋଗରେ ଦୁଇଜଣ ନାବାଳକଙ୍କ ସମେତ ୫ଜଣ ଛାତ୍ର ଗିରଫ ହୋଇଛନ୍ତି। ଏଥିରେ ଥିବା ତିନି ଜଣ ସାବାଳକ ଅଭିଯୁକ୍ତ ତଥା ଯୁକ୍ତ ୩ ଦ୍ବିତୀୟ ବର୍ଷରେ ପଢୁଥିବା ତଥା ବ୍ରହ୍ମପୁର ଶାନ୍ତିନଗରର ଅଭିଶେଷ ନାହାକ ଓରଫ ବଣ୍ଟି(୨୨), ଗୁରୁମୂର୍ତ୍ତି ପେଣ୍ଠର ଶ୍ରୀଧର ନାହାକ(୧୯), ଲକ୍ଷ୍ମୀବିହାର ପ୍ରଥମ ଲାଇନର ଆଦିତ୍ୟ କୁମାର ସାହୁ(୨୦)। ବଡ଼ବଜାର ଥାନା ପୋଲିସ ଗିରଫ ପରେ କୋର୍ଟ ଚାଲାଣ କରିଥିଲା। ଅଭିଯୁକ୍ତଙ୍କ ପାଇଁ ଗଞ୍ଜାମ ଓକିଲ ସଂଘର କେହି ମଧ୍ୟ ଆଇନଜୀବୀ ଓକାଲତନାମା ଦାଖଲ କରିନାହାନ୍ତି। ଓକିଲମାନେ ଏହି ମାମଲାକୁ କୌଣସି ଆଇନ୍‌ଜୀବୀ ଗ୍ରହଣ କରିବେ ନାହିଁ ବୋଲି ଗଞ୍ଜାମ ଓକିଲ ସଂଘର ସମ୍ପାଦକ ସୁଶୀଲ କୁମାର ତ୍ରିପାଠୀ ସୂଚନା ଦେଇଛନ୍ତି।