ଆଧାର, ପାସପୋର୍ଟ ଓ ପାନ କାର୍ଡ ନଥିଲେ ବି କେମିତି ନିଜକୁ ସାବ୍ୟସ୍ତ କରାଇବେ ନାଗରିକ ବୋଲି? ଜାଣନ୍ତୁ ଏହି ନିୟମ

ନୂଆଦିଲ୍ଲୀ: ପ୍ରାୟତଃ ଆମେ ମନେ କରୁ ଯେ ଯଦି କାହା ପାଖରେ ଆଧାର କାର୍ଡ, ପାସପୋର୍ଟ କିମ୍ବା ପାନ କାର୍ଡ ନାହିଁ, ତେବେ ତାଙ୍କର ପରିଚୟ ଓ ନାଗରିକତା ସାବ୍ୟସ୍ତ କରିବା କଷ୍ଟକର ହେବ। କିନ୍ତୁ ସତ୍ୟତା ହେଉଛି, ଭାରତୀୟ ନାଗରିକତା କେବଳ ଏହି ତିନୋଟି ଦଲିଲ ଉପରେ ନିର୍ଭର କରେ ନାହିଁ। ଏହା ପଛରେ ଆଇନ ଏବଂ ଅନ୍ୟାନ୍ୟ ବିକଳ୍ପ ରହିଛି, ଯାହା ମାଧ୍ୟମରେ ଜଣେ ବ୍ୟକ୍ତି ନିଜର ଭାରତୀୟ ପରିଚୟ ସାବ୍ୟସ୍ତ କରିପାରେ। କେବଳ ଆଧାର ଓ ପାନ୍ ଆବଶ୍ୟକ ନୁହେଁ ଭାରତରେ ନାଗରିକତା ସାବ୍ୟସ୍ତ କରିବାର ମୂଳଦୁଆ ହେଉଛି ନାଗରିକତା ଅଧିନିୟମ, ୧୯୫୫। ଏହି ଆଇନ ଅନୁସାରେ, ଯଦି ଜଣେ ବ୍ୟକ୍ତି ଭାରତରେ ଜନ୍ମ ଗ୍ରହଣ କରିଛନ୍ତି ଏବଂ ତାଙ୍କର ମାତାପିତା ଭାରତୀୟ ଅଟନ୍ତି, କିମ୍ବା ସେ ଦୀର୍ଘ ସମୟ ଧରି ଏଠାରେ ରହି ନାଗରିକତା ଗ୍ରହଣ କରିଛନ୍ତି, ତେବେ ସେ ଭାରତୀୟ ନାଗରିକ ବୋଲି ଗଣାଯିବେ। ଅର୍ଥାତ୍ ପରିଚୟ ପାଇଁ କେବଳ ଆଧାର, ପାନ କିମ୍ବା ପାସପୋର୍ଟ ଆବଶ୍ୟକ ନୁହେଁ। ଅନ୍ୟ ଦଲିଲ ଦ୍ୱାରା ନାଗରିକତା ସାବ୍ୟସ୍ତ କରାଯାଇପାରେ  । ଯଦି କାହାର ପାଖରେ ଏହି ଗୁରୁତ୍ୱପୂର୍ଣ୍ଣ ପରିଚୟ ପତ୍ର ନାହିଁ, ତେବେ ସେ ଅନ୍ୟାନ୍ୟ ସରକାରୀ ଏବଂ ସ୍ଥାନୀୟ ଦଲିଲର ସାହାଯ୍ୟରେ ନାଗରିକତା ସାବ୍ୟସ୍ତ କରିପାରନ୍ତି। ଯେମିତି:

• ଜନ୍ମ ପ୍ରମାଣପତ୍ର
• ବିଦ୍ୟାଳୟ କିମ୍ବା ମହାବିଦ୍ୟାଳୟର ରେକର୍ଡ
• ଭୋଟର ଆଇଡି କାର୍ଡ
• ରାସନ କାର୍ଡ
• ବିଦ୍ୟୁତ ଓ ଜଳ ବିଲ
• ଘରର ରେଜିଷ୍ଟ୍ରି କାଗଜ
• ପଞ୍ଚାୟତ କିମ୍ବା ନଗର ନିଗମ ଦ୍ୱାରା ଜାରି ସାର୍ଟିଫିକେଟ
• ସରକାରୀ ଚାକିରି କିମ୍ବା ସେବା ସହ ଜଡ଼ିତ କାଗଜପତ୍ର

ସ୍ଥାନୀୟ ପ୍ରଶାସନର ସାହାଯ୍ୟ ଅନେକ ସମୟରେ ଏପରି ହୁଏ ଯେ ଜଣେ ବ୍ୟକ୍ତିଙ୍କ ପାଖରେ ଏହି ଦଲିଲଗୁଡ଼ିକ ମଧ୍ୟ ନଥାଏ। ଏଭଳି ପରିସ୍ଥିତିରେ ସ୍ଥାନୀୟ ପ୍ରଶାସନ ସାହାଯ୍ୟ କରିଥାଏ। ତହସିଲ, ନଗର ନିଗମ କିମ୍ବା ପଞ୍ଚାୟତରୁ ପ୍ରମାଣପତ୍ର ତିଆରି କରାଇ ନାଗରିକତା ସାବ୍ୟସ୍ତ କରାଯାଇପାରେ। ଅନେକ ମାମଲାରେ ବିଦ୍ୟାଳୟର ପୁରୁଣା ରେଜିଷ୍ଟର, ହସ୍ପିଟାଲର ରେକର୍ଡ, ଏପରିକି ଗ୍ରାମ ପ୍ରଧାନ କିମ୍ବା ନଗର ପାଳିକାର ସୁପାରିସ ମଧ୍ୟ ପ୍ରମାଣ ଭାବେ ଗ୍ରହଣ କରାଯାଇଥାଏ। ଅଦାଲତ କିମ୍ବା ତଦନ୍ତ ଏଜେନ୍ସି ପଡ଼ୋଶୀ ଓ ସାକ୍ଷୀଙ୍କ ବୟାନକୁ ମଧ୍ୟ ରେକର୍ଡ କରିପାରେ।