ନୂଆଦିଲ୍ଲୀ: ଭାରତ-ଆମେରିକା ସମ୍ପର୍କରେ ଆହୁରି ତିକ୍ତତା ବଢ଼ିଛି । ଟ୍ରମ୍ପ୍ଙ୍କ ଟାରିଫ୍ ମାଡ଼ ପରେ ଭାରତ ଆହୁରି କଠର ହୋଇଛି । ଆଉ ଏହି କଥା ଆମେ ଏଥିପାଇଁ କହୁଛୁ, ନିକଟରେ ଆମେରିକା ରାଷ୍ଟ୍ରପତି ଡୋନାଲ୍ଡ୍ ଟ୍ରମ୍ପ୍ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଅତି କମ୍ ଚାରି ଥର ଫୋନ୍ କରିବାକୁ ଚେଷ୍ଟା କରିଥିଲେ, କିନ୍ତୁ ମୋଦି ତାଙ୍କ ସହ କଥାବାର୍ତ୍ତା କରିବାକୁ ମନା କରିଦେଇଛନ୍ତି । ଜର୍ମାନୀର ପ୍ରସିଦ୍ଧ ସମ୍ବାଦପତ୍ର ଫ୍ରାଙ୍କ୍ଫୁର୍ଟର୍ ଆଲଗେମାଇନ୍ ଜାଇଟୁଙ୍ଗ୍ (FAZ) ଏହି ଘଟଣାକୁ ମୋଦିଙ୍କ କ୍ରୋଧ ଏବଂ ସତର୍କତାର ସଂକେତ ବୋଲି ଉଲ୍ଲେଖ କରିଛି । ଭାରତ ଉପରେ ଆମେରିକା ଲଗାଇଥିବା ୫୦ ପ୍ରତିଶତ ଟାରିଫ୍ ପ୍ରସଙ୍ଗରେ ଟ୍ରମ୍ପ୍ଙ୍କ ସେହି କଲ୍ ଥିଲା ।
FAZ ରିପୋର୍ଟ ଅନୁଯାୟୀ, ମୋଦିଙ୍କ ଏହି ନିଷ୍ପତ୍ତି ଭାରତ-ଆମେରିକା ବାଣିଜ୍ୟ ବିବାଦ, ରୁଷିଆ ତୈଳ କ୍ରୟ ଉପରେ ଆମେରିକାର ଦଣ୍ଡ ଏବଂ ଟ୍ରମ୍ପଙ୍କ ପାକିସ୍ତାନ ସହ ନିକଟତାରୁ ସୃଷ୍ଟି ହୋଇଛି । ବର୍ଲିନ୍ ଆଧାରିତ ଗ୍ଲୋବାଲ୍ ପବ୍ଲିକ୍ ପଲିସି ଇନ୍ଷ୍ଟିଟ୍ୟୁଟ୍ର ସହସ୍ଥାପକ ଥର୍ଷ୍ଟେନ୍ ବେନ୍ନର୍ ସୋସିଆଲ ମିଡିଆରେ ଏହି ରିପୋର୍ଟ ଶେୟାର୍ କରି କହିଛନ୍ତି, “FAZ କହୁଛି ଯେ ଟ୍ରମ୍ପ୍ ସମ୍ପ୍ରତିକାଳୀନ ସପ୍ତାହରେ ମୋଦିଙ୍କୁ ଚାରି ଥର ଫୋନ୍ କରିବାକୁ ଚେଷ୍ଟା କରିଥିଲେ କିନ୍ତୁ ମୋଦି ଏହାକୁ ପ୍ରତ୍ୟାଖ୍ୟାନ କରିଥିଲେ । ତେବେ ଟ୍ରମ୍ପ୍ଙ୍କ ଫୋନ୍ କଲ୍କୁ ନେଇ ସୃଷ୍ଟି ହୋଇଛି ପ୍ରଶ୍ନବାଚୀ ।କାହିଁକି ଫୋନ୍ କରୁଛନ୍ତି ଟ୍ରମ୍ପ ?ମୋଦିଙ୍କୁ କ’ଣ କହିବାକୁ ଚାହୁଁଛନ୍ତି ଟ୍ରମ୍ପ ?
ଭାରତର ଆଭିମୁଖ୍ୟକୁ ନେଇ ଟ୍ରମ୍ପଙ୍କ ଟେନସନ୍ ବଢ଼ିଯାଇଛି କି ? କେବଳ ଟାରିଫ୍ ନା ଆଉ କିଛି ପ୍ରସଙ୍ଗରେ କଥା ହେବାକୁ ଚାହୁଁଛନ୍ତି ଆମେରିକା ରାଷ୍ଟ୍ରପତି ? ନା ଭାରତକୁ ମନାଇବାକୁ ଚେଷ୍ଟା କରୁଛନ୍ତି କି ଟ୍ରମ୍ପ ? ତେବେ ଆମେରିକା, ଭାରତ ଉପରେ ଯେଉଁ ଅତିରିକ୍ତ ଟାରିଫ୍ ଲଗାଇଛି, ତାହା ଦୁଇ ଦେଶ ମଧ୍ୟରେ ଦୂରତା ବଢ଼ାଇଛି । ଏଥିଯୋଗୁ ପୋଷାକ ଓ କପଡ଼ା ଶିଳ୍ପ ପ୍ରଭାବିତ ହେବ । କପଡ଼ା ରପ୍ତାନିରେ ଭାରତ ହେଉଛି ଷଷ୍ଠ ବୃହତ୍ ଦେଶ । ମୋଟ୍ ରପ୍ତାନିର ୩୦% ଆମେରିକାକୁ ଯାଏ, ପାଖାପାଖି ୧୦.୩ ବିଲିଅନ ଡଲାର ମୂଲ୍ୟର ରପ୍ତାନି କରିଥାଏ ଭାରତ । ସେହିପରି ଆମେରିକାକୁ ୧୦ ବିଲିଅନ ଡଲାର ହୀରା ଓ ଗହଣା ରପ୍ତାନି ହୋଇଥାଏ ।
ଭାରତ ପାଇଁ ଆମେରିକା ହେଉଛି ବୃହତ୍ ବଜାର । ସୁରତରେ ବିଶ୍ବର ୮୦% ହୀରା ପଲିସ୍ ହୁଏ । କେବଳ ଏତିକି ନୁହେଁ, ଏଥିଯୋଗୁ ଚିଙ୍ଗୁଡ଼ି, ଜୋତା ଓ ଚମଡ଼ା ଶିଳ୍ପ ମଧ୍ୟ ପ୍ରଭାବିତ ହେବ । ବାର୍ଷିକ ୬୦ ହଜାର କୋଟି ମୂଲ୍ୟର ଚିଙ୍ଗୁଡ଼ି ଆମେରିକାକୁ ରପ୍ତାନି ହୁଏ । ମୋଟ ରପ୍ତାନିର ୪୦% ଆମେରିକାକୁ ଯାଏ, ଚମଡ଼ା ଓ ଜୋତା ବିଷୟରେ ବିଚାର କଲେ, ଭାରତରୁ ମୋଟ୍ ୪.୧ ବିଲିଅନ ଡଲାର ଜୋତା ଓ ଚମଡ଼ା ଆମେରିକାକୁ ରପ୍ତାନି ହୁଏ…ଆମେରିକାର ଟାରିଫ୍ ମାଡ଼ ପରେ ଚମଡ଼ା ଶିଳ୍ପର ହବ୍ କୋଲକାତା ଅଧିକ ପ୍ରଭାବିତ ହେବ ।
BREAKING NEWS
- Bhaskar Rao Bail Rejected:ଏନ୍ ଭାସ୍କର ରାଓଙ୍କ ଜାମିନ ଆବେଦନ ଖାରଜ
- ଆମେରିକା କିମ୍ବା କାନାଡାରେ ଭାରତ ବିପକ୍ଷ ଟି-୨୦ ମ୍ୟାଚ୍ ଆୟୋଜନ କରିବ ୱେଷ୍ଟଇଣ୍ଡିଜ
- ସିଲେକ୍ଟର ଯେଉଁଠି ବସିଛନ୍ତି, ସେଇଠି ମାରିବାକୁ ହେବ: ସୂର୍ୟ୍ୟକୁମାର
- ବିଲକିସ୍ ବାନୋ ଗଣଦୁଷ୍କର୍ମ ଓ ହତ୍ୟା ମାମଲା; ୨ ଜଣ ଦୋଷୀଙ୍କୁ ଜାମିନ ପ୍ରଦାନ କଲେ ସୁପ୍ରିମକୋର୍ଟ
- ବିଶ୍ୱ ଟେଷ୍ଟ ଚାମ୍ପିୟନଶିପ ଆଶା ଏବଂ କୋଚ୍ ଗୌତମ ଗମ୍ଭୀରଙ୍କ ବିଶ୍ୱସନୀୟତା ବାଜିରେ
- ସମ୍ଭାବ୍ୟ ବାତ୍ୟା ମୁକାବିଲା ବୈଠକ ପରେ ରାଜସ୍ୱ ମନ୍ତ୍ରୀଙ୍କ ସୂଚନା: ଭୂସ୍ଖଳନ ଆଶଙ୍କା ଥିଲେ କରାଯିବ ସ୍ଥାନାନ୍ତର
- ଆଇପିଏଲ ୨୦୨୭ : ରାଜସ୍ଥାନ ଛାଡ଼ି କେକେଆର ଯିବେ କି ଯଶସ୍ୱୀ ? ଅଧିନାୟକ ପଦ ପାଇଁ ମିଳିଛି ବଡ଼ ଅଫର୍
- ଏ ହେଉଛି ବିଶ୍ୱର ସବୁଠାରୁ ପୁରୁଣା ଜୀବନ୍ତ ଗଛ, ବୟସ ଶୁଣି ହେବେ ଆଶ୍ଚର୍ଯ୍ୟ
- ଲଗାତାର ଦ୍ୱିତୀୟ ଥର ପାଇଁ ନିର୍ଦ୍ୱନ୍ଦ୍ୱରେ ଆଇସିସି ଅଧ୍ୟକ୍ଷ ହେଲେ ଜୟ ଶାହ; ଏହି ପଦ ସମ୍ଭାଳିବାରେ ସେ ପଞ୍ଚମ ଭାରତୀୟ
- ଏଥର ପଞ୍ଚୁକ ୪ ଦିନ, ନଭେମ୍ବର ୨୪ରେ ବୋଇତ ବନ୍ଦାଣ
Comments are closed.