ନୂଆଦିଲ୍ଲୀ: ଭାରତୀୟ ରିଜର୍ଭ ବ୍ୟାଙ୍କ (RBI) ଏହି ବର୍ଷ ଯୁବକ-ଯୁବତୀଙ୍କ ପାଇଁ ଏକ ଅଦ୍ଭୁତ ସୁଯୋଗ ଖୋଲିଛି। ସମର ଇଣ୍ଟର୍ନସିପ୍ ୨୦୨୫ ପାଇଁ ଅନଲାଇନ୍ ଆବେଦନ ପ୍ରକ୍ରିୟା ୧୫ ଅକ୍ଟୋବରରୁ ଆରମ୍ଭ ହୋଇସାରିଛି ଏବଂ ଆବେଦନର ଅନ୍ତିମ ତାରିଖ ୧୫ ଡିସେମ୍ବର ୨୦୨୫ ନିର୍ଦ୍ଧାରିତ ହୋଇଛି। ଅର୍ଥାତ୍ ଯେଉଁ ଛାତ୍ରମାନେ ଏପର୍ଯ୍ୟନ୍ତ ଆବେଦନ କରିନାହାନ୍ତି, ସେମାନଙ୍କ ପାଖରେ ଏବେ ବହୁତ କମ୍ ସମୟ ବଳି ରହିଛି। ଏହି ଇଣ୍ଟର୍ନସିପ୍ ଦେଶର ସବୁଠାରୁ ପ୍ରତିଷ୍ଠିତ ଆର୍ଥିକ ସଂସ୍ଥା RBI ସହିତ କାମ କରିବାର ଅନୁଭୂତି ପାଇବାକୁ ଚାହୁଁଥିବା ଯୁବକ ଯୁବତୀଙ୍କ ପାଇଁ ଏକ ବଡ଼ ସୁଯୋଗ ହୋଇପାରେ।
ଷ୍ଟାଇପେଣ୍ଡ କେତେ ମିଳିବ?
ସବୁଠାରୁ ଭଲ କଥା ହେଉଛି ଏହି ଇଣ୍ଟର୍ନସିପ୍ ସମ୍ପୂର୍ଣ୍ଣ ପେଡ୍। ଚୟନିତ ପ୍ରାର୍ଥୀମାନଙ୍କୁ ମାସିକ ୨୦,୦୦୦ ଟଙ୍କା ଷ୍ଟାଇପେଣ୍ଡ ମିଳିବ। ଇଣ୍ଟର୍ନସିପ୍ର ଅବଧି ଅପ୍ରେଲରୁ ଜୁଲାଇ ୨୦୨୬ ପର୍ଯ୍ୟନ୍ତ ତିନି ମାସର ରହିବ। ଏହି ଅବଧିରେ ଯୁବକ ଯୁବତୀଙ୍କୁ RBIର ବିଶେଷଜ୍ଞ, ଅଧିକାରୀ ଏବଂ ଟେକ୍ନିକାଲ୍ ଟିମ୍ ସହିତ କାମ କରିବାର ସୁଯୋଗ ମିଳିବ, ଯାହା କୌଣସି ଛାତ୍ରଙ୍କ କ୍ୟାରିଅର ପାଇଁ ବହୁତ ବଡ଼ ଅନୁଭବ ହେବ।
କେଉଁମାନେ ଆବେଦନ କରିପାରିବ?
• ପୋଷ୍ଟ ଗ୍ରାଜୁଏସନ୍ କରୁଥିବା ଛାତ୍ର
• ଇଣ୍ଟିଗ୍ରେଟେଡ୍ ୫ ବର୍ଷିୟ କୋର୍ସର ଛାତ୍ର
• ୩ ବର୍ଷିୟ ଏଲ୍ଏଲ୍ବି କରୁଥିବା ଛାତ୍ର
ମ୍ୟାନେଜମେଣ୍ଟ, କମର୍ସ, ଇକୋନୋମିକ୍ସ, ଇକୋନୋମେଟ୍ରିକ୍ସ, ଷ୍ଟାଟିଷ୍ଟିକ୍ସ, ବ୍ୟାଙ୍କିଙ୍ଗ କିମ୍ବା ଫାଇନାନ୍ସ ଭଳି ବିଷୟରେ ପଢ଼ୁଥିବା ଛାତ୍ରମାନେ ମଧ୍ୟ ଆବେଦନ ପାଇଁ ଯୋଗ୍ୟ। ଏହି ବିଷୟର ଛାତ୍ରମାନଙ୍କୁ ଆର୍ଥିକ ବ୍ୟବସ୍ଥାର ଅନୁଭବ ମିଳିବ ଏବଂ ଭବିଷ୍ୟତରେ ବ୍ୟାଙ୍କିଙ୍ଗ କିମ୍ବା ଆର୍ଥିକ କ୍ଷେତ୍ରରେ ଚାକିରି ପାଇବାର ସମ୍ଭାବନା ମଧ୍ୟ ମଜବୁତ୍ ହେବ।
