ମନରେ ଥିବା କଥାକୁ ଧରିବ କମ୍ପ୍ୟୁଟର ! ମସ୍କଙ୍କ ନୂଆ ପ୍ଲାନ୍

ନୂଆଦିଲ୍ଲୀ: ଓପନ୍ ଏଆଇର ସିଇଓ ସାମ୍ ଅଲ୍ଟମ୍ୟାନ୍ ଏବେ ମଣିଷ ମସ୍ତିଷ୍କରେ ଚାଲୁଥିବା ଚିନ୍ତାଧାରାକୁ ପଢ଼ିବାର ପ୍ରଯୁକ୍ତି ଉପରେ ଧ୍ୟାନ ଦେଇଛନ୍ତି। ସେ ମର୍ଜ ଲ୍ୟାବ୍ସ ନାମକ ଏକ ଷ୍ଟାର୍ଟଅପ୍‌କୁ ଅର୍ଥ ଯୋଗାଇଛନ୍ତି, ଯାହା ବ୍ରେନ୍-କମ୍ପ୍ୟୁଟର ଇଣ୍ଟରଫେସ୍ (ବିସିଆଇ) ପ୍ରସ୍ତୁତ କରୁଛି। ଏହି ଯନ୍ତ୍ର ସାଉଣ୍ଡ ଓ୍ୱେଭ୍ସ ଓ ମ୍ୟାଗ୍ନେଟିକ୍ ଫିଲ୍ଡ୍ସର ସାହାଯ୍ୟରେ ମସ୍ତିଷ୍କରେ ଚାଲୁଥିବା ଚିନ୍ତାକୁ ଧରିପାରିବ। ସବୁଠାରୁ ବଡ଼ କଥା ହେଉଛି, ଏଥିପାଇଁ କୌଣସି ସର୍ଜରୀର ଆବଶ୍ୟକତା ନାହିଁ। ଏହା ଏଲନ୍ ମସ୍କଙ୍କ ନ୍ୟୁରାଲିଙ୍କ୍‌ଠାରୁ ଭିନ୍ନ, ଯାହାରେ ଇମ୍ପ୍ଲାଣ୍ଟ ପାଇଁ ସର୍ଜରୀ ଜରୁରୀ। ଏହି ପଦକ୍ଷେପ ଦ୍ୱାରା ଅଲ୍ଟମ୍ୟାନ୍ ପୁଣିଥରେ ମସ୍କଙ୍କ ପାଇଁ ଚ୍ୟାଲେଞ୍ଜ ସୃଷ୍ଟି କରିଛନ୍ତି।
ନ୍ୟୁରାଲିଙ୍କ୍ ସର୍ଜରୀ ମାଧ୍ୟମରେ ମସ୍ତିଷ୍କରେ ଇଲେକ୍ଟ୍ରୋଡ୍ସ ଇମ୍ପ୍ଲାଣ୍ଟ କରୁଛି, କିନ୍ତୁ ମର୍ଜ ଲ୍ୟାବ୍ସ ଅଲ୍ଟ୍ରାସାଉଣ୍ଡ ଓ ଜେନେଟିକ୍ ଇଞ୍ଜିନିୟରିଂର ସାହାଯ୍ୟ ନେଉଛି। ଅଲ୍ଟମ୍ୟାନ୍ ଏକ ବିଶେଷଜ୍ଞ ଟିମ୍ ଗଢ଼ୁଛନ୍ତି, ଯେଉଁଥିରେ ମିଖାଇଲ୍ ଶାପିରୋଙ୍କୁ ସାମିଲ୍ କରାଯାଇଛି। ଶାପିରୋ ନ୍ୟୁରଲ୍ ଇମେଜିଂ ଓ ଅଲ୍ଟ୍ରାସାଉଣ୍ଡ ଆଧାରିତ ବ୍ରେନ୍ ଇଣ୍ଟରଏକ୍ସନ୍ କ୍ଷେତ୍ରର ବିଶେଷଜ୍ଞ। ସେ ଏପର୍ଯ୍ୟନ୍ତ ଏଭଳି ଅଲ୍ଟ୍ରାସାଉଣ୍ଡ ଓ୍ୱେଭ୍ସ ବିକଶିତ କରିଛନ୍ତି, ଯାହା ସର୍ଜରୀ ବିନା ମସ୍ତିଷ୍କର କାର୍ଯ୍ୟକଳାପକୁ ଅଧ୍ୟୟନ ଓ ପ୍ରଭାବିତ କରିପାରେ।
ସର୍ଜରୀ ଇମ୍ପ୍ଲାଣ୍ଟର ସମାଲୋଚନା କରିଛନ୍ତି ଅଲ୍ଟମ୍ୟାନ୍ ଅଲ୍ଟମ୍ୟାନ୍ ନ୍ୟୁରାଲିଙ୍କ୍‌ର ସର୍ଜରୀ ପଦ୍ଧତିର ସମାଲୋଚନା କରିଛନ୍ତି। ଅଗଷ୍ଟରେ ସେ କହିଥିଲେ, “ମୁଁ ମୋ ମସ୍ତିଷ୍କରେ କିଛି ଇମ୍ପ୍ଲାଣ୍ଟ କରିବି ନାହିଁ”। ମଜାକିଆ ଢଙ୍ଗରେ ସେ କହିଥିଲେ ଯେ ଏହା ତାଙ୍କ ନ୍ୟୁରନ୍‌କୁ କ୍ଷତି କରିଦେବ। ମର୍ଜ ଲ୍ୟାବ୍ସର ଲକ୍ଷ୍ୟ କେବଳ ଚିନ୍ତାଧାରା ପଢ଼ିବା, ତାକୁ ପରିବର୍ତ୍ତନ କରିବା ନୁହେଁ। ଏହି ପ୍ରୋଜେକ୍ଟ ପାଇଁ କମ୍ପାନୀ ୨,୧୯୫ କୋଟି ଟଙ୍କା ସଂଗ୍ରହ କରୁଛି। ଅଲ୍ଟମ୍ୟାନ୍‌ଙ୍କୁ ଏହାର କୋ-ଫାଉଣ୍ଡର ଭାବେ ନିଯୁକ୍ତ କରାଯାଇପାରେ।