ରାଜଧାନୀରେ ଶିଳ୍ପ ସମାଗମ ମେଳା

ରାଜଧାନୀ ଭୁବନେଶ୍ୱରରେ ଆରମ୍ଭ ହୋଇଛି ଶିଳ୍ପ ସମାଗମ ମେଳା । ବରମୁଣ୍ଡାରେ ଥିବା ବିଜୁ ପଟ୍ଟନାୟକ ଖେଳପଡିଆରେ ମେଳାକୁ ଉଦଘାଟନ କରାଯାଇଛି । ମାନ୍ୟଗଣ୍ୟ ଅତିଥିଙ୍କ ଉପସ୍ଥିତିରେ ଏହାକୁ ସାମାଜିକ ନ୍ୟାୟ ଏବଂ ସଶକ୍ତିକରଣ ବଭାଗର ସଚିବ ଅମିତ ଯାଦବ ଆନୁଷ୍ଠାନିକଭାବେ ଉଦଘାଟନ କରିଛନ୍ତି । ଅନୁସୂଚିତ ଜାତି, ପଛୁଆବର୍ଗ ଏବଂ ସଫେଇ କର୍ମଚାରୀ କାରିଗରଙ୍କ ପାରମ୍ପାରିକ ଉତ୍ପାଦ ଏହି ମେଳାରେ ଦେଖିବାକୁ ମିଳିଛି । ସରକାରଙ୍କ ତରଫରୁ ମେଳାର ଆୟୋଜନ କରାଯାଉଥିବା ବେଳେ ବ୍ୟବସାୟୀଙ୍କ ପାଇଁ ମାଗଣାରେ ଷ୍ଟଲ ବ୍ୟବସ୍ଥା କରାଯାଇଛି । ଏହା ସହ ସେମାନଙ୍କ ରହିବା ଓ ଖାଇବା ପିଇବା ବ୍ୟବସ୍ଥା ମଧ୍ୟ ହୋଇଛି । ପ୍ରତିବର୍ଷ ଦେଶର ବିଭିନ୍ନ ପ୍ରାନ୍ତରରେ ଏହି ମେଳା ଆୟୋଜନ କରାଯାଏ । ଚଳିତଥର ୧୪ଟି ରାଜ୍ୟର ବିଭିନ୍ନ ଜିନିଷ ଏହିମେଳାରେ ଦେଖିବାକୁ ମିଳିଛି । ୭ ଦିନ ଯାଏଁ ମେଳା ଚାଲିବାକୁ ଥିବା ବେଳେ ରାଜଧାନୀବାସୀ ମେଳାର ବେସ ମଜା ନେଉଛନ୍ତି । ଘରକରଣା ଜିନିଷ ସାଙ୍ଗକୁ ବିଭିନ୍ନ ମନଲୋଭାଣିଆ ଜିନିଷ ମିଳୁଥିବାରୁ ଗ୍ରାହକଙ୍କ ବେସ ଭିଡ ଦେଖିବାକୁ ମିଳୁଛି । ଆସନ୍ତା ୭ଦିନ ମଧ୍ୟରେ ପ୍ରତିଦିନ ମେଳା ଦେଖିବା ପାଇଁ ଗ୍ରାହକଙ୍କ ଭିଡ ଜମିବ ବୋଲି ଆଶା କରାଯାଇଛି । ସେହିପରି ମେଳାରେ ମନୋରଞ୍ଜନ କରିବା ପାଇଁ ବିଭିନ୍ନ ରାଜ୍ୟର କଳାକାରମାନେ ସେମାନଙ୍କ କଳା ପ୍ରଦର୍ଶନ କରୁଛନ୍ତି । ଶିଳ୍ପ ସମାଗମ ମେଳାରେ ଗ୍ରାହକ ଜିନିଷ କିଣିବା ସମ ମନୋରଞ୍ଜନ ମଧ୍ୟ କରିପାରିବେ ବୋଲି କୁହାଯାଇଛି