ନୂଆଦିଲ୍ଲୀ : ଚୋର ସମ୍ଭାଳି ପରିଲାନି ମଦ ନିଶା । ମଦ ଦୋନକାରେ ଟଙ୍କା ଚୋରି କରୁ କରୁ ଶୋଇପଡ଼ିଲା ଚୋର। ମଦ ନିଶା ଏତେ ଜୋରରେ ଚଢ଼ିଥିଲା ଯେ ଚୋର ଜଣଙ୍କ ଯେତେ ଖସିବାକୁ ଚେଷ୍ଟା କରିଥିଲେ ବି ଖସି ପାରିଲା ନାହିଁ । ଶେଷରେ ବେହୋସ ହୋଇଗଲେ । ଆଉ ଏସବୁକୁ କଏଦ କରିଥିଲା ସିସିଟିଭି କ୍ୟାମେରା । ଏପରି ରୋଚକ ଘଟଣା ଘଟିଛି ତେଲଙ୍ଗାନାର ମେଡାକ ଜିଲ୍ଲାରେ ।
ସୂଚନା ଅନୁସାରେ, ରାତିରେ ମଦ ଦୋକାନ ବନ୍ଦ ହେବା ପରେ ଜଣେ ଚୋର, ଛାତର ଟାଇଲ୍ସ ହଟାଇ ଭିତରେ ପ୍ରବେଶ କରିଥିଲା । ସିସିଟିଭି କ୍ୟାମେରା ବନ୍ଦ କରିବା ପରେ ଡ୍ରରୁ ଟଙ୍କା ନେଇ ଫେରାର ହେବା ପାଇଁ ଯୋଜନା କରିଥିଲା । ହେଲ ଏହା ପୂର୍ବରୁ ମଦ ଦୋକାନରେ ଥିବା ଭଳିକି ଭଳି ମଦ ଦେଖି ତାର ଲୋଭ ସମ୍ଭାଳି ପାରିନଥିଲା। ପ୍ରବଳ ମାତ୍ରାରେ ପିଇବା ପରେ ଆଉ ଦୋକାନ ବାହାରକୁ ଯାଇପାରିନଥିଲେ ସଂପୃକ୍ତ ବ୍ୟକ୍ତି । ଫଳରେ ଦୋକାନ ଭିତରେ ପଡ଼ି ରହିଥିଲେ । ସାରା ରାତି ମଦ ପିଇ ଦୋକାନରେ ଶୋଇ ରହିଥିଲେ । ସକାଳୁ କର୍ମଚାରୀମାନେ ଆସି ଦୋକାନ ଖୋଲିବା ପରେ ପଡ଼ି ରହିଥିବା ଚୋରକୁ ଦେଖିଥିଲେ । ଆଉ ପୋଲିସକୁ ଖବର ଦେଇଥିଲେ । ପୋଲିସ ସଂପୃକ୍ତ ବ୍ୟକ୍ତିକୁ ଉଦ୍ଧାର କରି ନିକଟସ୍ଥ ହସ୍ପିଟାଲରେ ଭର୍ତ୍ତି କରିଛି ।
Comments are closed.