ବ୍ରହ୍ମପୁର: ଦଶହରା ମାମୁଲ୍(ଚାନ୍ଦା) ମିଳିଲାନି ବୋଲି ଜଳ ଯୋଗାଣ ବନ୍ଦ କରିଦେଲେ ପାଣି ପମ୍ପ ଚାଳକ। ଉତ୍ୟକ୍ତ ଲୋକମାନେ ହାଣ୍ଡି ମାଠିଆ ଧରି ରାସ୍ତା ଅବରୋଧ କରିବା ପରେ ପୁଣି ଥରେ ସ୍ବଭାବିକ ହୋଇଥିଲା ଜଳଯୋଗାଣ। ଗଞ୍ଜାମ ଜିଲା ଜଗନ୍ନାଥପ୍ରସାଦ ବ୍ଲକ ଅଞ୍ଚଳରେ ଶନିବାର ଏଭଳି ଏକ ଘଟଣା ଦେଖିବାକୁ ମିଳିଛି।
ଜଗନ୍ନାଥପ୍ରସାଦ ବ୍ଲକର ପାଟରାପଲ୍ଲୀ ଏବଂ ଅରଖପଲ୍ଲୀ ଦୁଇ ଗ୍ରାମକୁ ଜଳଯୋଗାଣ ପାଣି ପମ୍ପ ଚାଳକ ଜଳ ଯୋଗାଣ ବନ୍ଦ କରିଦେଇଥିଲେ । କାରଣ ଥିଲା, ସେ ପ୍ରତି ଘରକୁ ଦଶହରା ଚାନ୍ଦା ବାବଦରେ ୫୦ ଟଙ୍କା ଲେଖାଏଁ ଚାନ୍ଦା ମାଗିଥିଲେ । କିଛି ଲୋକ ଚାନ୍ଦା ଦେଇଥିବା ବେଳେ ଅନ୍ୟମାନେ ଏହାକୁ ପ୍ରତିବାଦ କରି ଚାନ୍ଦା ଦେବାକୁ ମନା କରିଥିଲେ । ଏଥିରେ ଉତ୍କ୍ଷୀପ୍ତ ହୋଇ ପାଣି ପମ୍ପ ଚାଳକ ଶନିବାର ସକାଳେ ପମ୍ପ ଚଳାଇନଥିଲେ । ଫଳରେ ପାଣି ଆସିନଥିଲା। ଲୋକମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହୋଇଥିଲେ। ଏହାର ପ୍ରତିବାଦରେ ଉଭୟ ଗାଁର ବହୁ ମହିଳା ଏବଂ ପୁରୁଷ ଏକାଠି ହୋଇଥିଲେ । ମହିଳାମାନେ ହାଣ୍ଡି ମାଠିଆ ଧରି ଗାଁ ଦାଣ୍ଡରେ ବିକ୍ଷୋଭ ପ୍ରଦର୍ଶନ କରିବା ସହ ପମ୍ପ ଚାଳକଙ୍କୁ କାର୍ଯ୍ୟରୁ ନିଲମ୍ବନ ପାଇଁ ଦାବି କରିଥିଲେ । ପରେ ପମ୍ପ ଚାଳକ ପୂର୍ବରୁ ନେଇଥିବା ଟଙ୍କା ଫେରାଇବା ସହିତ ପମ୍ପ ଚାଲୁ କରିଥିଲେ । ଜଳଯୋଗାଣ ସ୍ୱାଭାବିକ ହୋଇଥିଲା। ଏହାର ତଦନ୍ତ ସହିତ ପମ୍ପ ଚାଳକଙ୍କୁ ବହିଷ୍କାର କରି ନୂତନ ନିଯୁକ୍ତି ଏବଂ ପରିଚାଳନା ପାଇଁ ଏକ କମିଟି ଗଠନ କରିବାକୁ ଦାବି କରିଛନ୍ତି। ଏ ସମ୍ପର୍କରେ ପମ୍ପ ଚାଳକ ଜଣକ କହିଛନ୍ତି ଯେ, ସରକାରୀ ଭାବେ ଦରମା ପାଉନାହାନ୍ତି। ତେବେ ବିଦ୍ୟୁତ ଯନ୍ତ୍ରପାତିରେ ତ୍ରୁଟି ଥିବାରୁ ଜଳଯୋଗାଣ ବନ୍ଦ ଥିବା କହିଛନ୍ତି।
BREAKING NEWS
- ବନ୍ଦେ ଭାରତରେ ଚଢ଼ିବା ମହଙ୍ଗା ପଡ଼ିଲା, ୩୬ ହଜାର ଟଙ୍କା ଫାଇନ
- ସମ୍ଭାବ୍ୟ ବାତ୍ୟା ଭୟ: ମାଲକାନଗିରିରେ ୨ ଦିନ ସ୍କୁଲ ଛୁଟି ଘୋଷଣା…
- ଆଇପିଏଲ ୨୦୨୭ ରିଟେନସନ୍: ହେଡ୍, ଷ୍ଟାର୍କ ଓ ବୋଲ୍ଟ ବାହାର; ଜାଣନ୍ତୁ କେଉଁ ଦଳ କାହାକୁ କଲା ରିଲିଜ୍?
- ୨୦୦୮ ଆଇପିଏଲ ନିଲାମୀରେ କାହିଁକି ମାହିଙ୍କୁ କିଣିପାରି ନଥିଲେ ମୁମ୍ବାଇ ଓ ବାଙ୍ଗାଲୋର?
- କିମ୍ସରେ ଜଟିଳ ଅସ୍ତ୍ରୋପଚାର; ନୂଆ ଜୀବନ ପାଇଲା ୪ ମାସର ଶିଶୁକନ୍ୟା
- ‘ହନୁମ୍ୟାନ୍’ ଅଭିନେତା ତେଜା ସଜ୍ଜାଙ୍କ ନିର୍ବନ୍ଧ
- ନ୍ୟୁଜିଲାଣ୍ଡ ବିପକ୍ଷ ପ୍ରଥମ ଟେଷ୍ଟ: ୪ ଜଣ ଦ୍ରୁତ ବୋଲରଙ୍କ ସହ ମଇଦାନକୁ ଓହ୍ଲାଇବ ଟିମ୍ ଇଣ୍ଡିଆ
- OFDCର ଅଧ୍ୟକ୍ଷ ଭାବେ ଅତିରିକ୍ତ ଦାୟିତ୍ୱ ନେଲେ ଭାସ୍କର ଜ୍ୟୋତି ଶର୍ମା
- ବର୍ଜ୍ୟବସ୍ତୁରୁ ବିଦ୍ୟୁତ୍ ଉତ୍ପାଦନ: ଘୁଷୁରି ମଳମୂତ୍ରରୁ ଦେଶର ୪୦% ଗ୍ୟାସ୍ ଚାହିଦା ପୂରଣ କରୁଛି ଡେନମାର୍କ
- ଦିଲ୍ଲୀରେ ଦୁଇ ମହଲା କୋଠା ଭୁଶୁଡି ଜଣେ ଶିଶୁ ସମେତ ୨ ମୃତ
Comments are closed.