ଲାଞ୍ଚ ନେଇ ଧରାପଡିଲେ ଲାଞ୍ଚୁଆ ଉପଜିଲ୍ଲାପାଳ

୧୦ ଲକ୍ଷ ଟଙ୍କା ଲାଂଚ ନେଇ ଧରାପଡିଛନ୍ତି ଆଇଏଏସ ଅଫିସର ଧିମନ ଚକମା । ଲାଂଚ ନେବା ବେଳେ ଭିଜିଲାନ୍ସ ବିଭାଗ ତାଙ୍କୁ ଗିରଫ କରିଛି । ଯୁବ ଆଇଏଏସ ଅଫିସର ଧିମନ ଚକମା ଲାଂଚ ନେବା ବେଳେ ଗିରଫ ହୋଇଛନ୍ତି । କଳାହାଣ୍ଡି ଜି୍‌ଲଲା ଧର୍ମଗଡରେ ଉପଜିଲ୍ଲାପାଳ ଭାବେ ସେ କାର୍ଯ୍ୟ କରୁଥିଲେ । ତାଙ୍କ ବିରୋଧରେ ଆଗରୁ ବାରମ୍ବାର ଅଭିଯୋଗ ଆସିଥିଲା । ଆଉ ସେହି ଆଧାରରେ ପୁଣିଥରେ ଲାଂଚନେବା ବେଳେ ଧରାପଡିଛନ୍ତି । ଧିମନଙ୍କ ବାସଭବନରୁ ପୁଳାପୁଳା ଟଙ୍କା ଜବତ ହୋଇଛି । ଜଣେ କ୍ରସର ମାଲିକଙ୍କ ଠାରୁ ୧୦ ଲକ୍ଷ ଟଙ୍କା ଲାଞ୍ଚ ନେବାବେଳେ ଭିଜିଲାନ୍ସ ବିଭାଗ ତାଙ୍କୁ ଗିରଫ କରିଥିଲା । କ୍ରସର ମାଲିକଙ୍କଠାରୁ ୨୦ ଲକ୍ଷ ଟଙ୍କା ନେବା ପାଇଁ ଡିଲ ହୋଇଥିଲା । ଆଉ ସେହି ଡିଲ ଖବର ଭିଜିଲାନ୍ସ ବିଭାଗ ପାଖରେ ପହଂଚିଥିଲା । ସେ ଯେତେବେଳେ ୨୦ ଲକ୍ଷ ଟଙ୍କା ମଧ୍ୟରୁ ୧୦ ଲକ୍ଷ ଟଙ୍କା ନେଉଥିଲେ ତାଙ୍କୁ ଗିରଫ କରାଯାଇଥିଲା । ତେବେ ଧିମନଙ୍କ ଘରେ ଅଧିକ ଯାଂଚ କରାଯିବାରୁ ଆହୁରି ୪୭ ଲକ୍ଷ ଟଙ୍କା ମିଳିଛି । ସରକାରୀ ବାସଭବନରୁ ମୋଟ ୫୭ ଲକ୍ଷ ଟଙ୍କା ଭିଜିଲାନ୍ସ ବିଭାଗ ଜବତ କରିଛି ।