ସମୁଦ୍ର ଉପକୂଳର ତଳି ଅଞ୍ଚଳରୁ ଲକ୍ଷେ ୨୦ ହଜାର ଲୋକଙ୍କୁ ସ୍ଥାନାନ୍ତର କରାଯିବ, ଫୋକସରେ ବାଲେଶ୍ୱର

ବାଲେଶ୍ୱର: ବାତ୍ୟାର ମୁକାବିଲା ପାଇଁ ଓଡ଼ିଶା ସରକାର ସମ୍ପୂର୍ଣ୍ଣ ସଜାଗ ଅଛନ୍ତି । ବାଲେଶ୍ୱରରେ ବେଶୀ ପଡ଼ିପାରେ ୟସର ପ୍ରଭାବ । ଆଜି ଗ୍ରାଉଣ୍ଡରେ ପ୍ରାକ୍ ଓ ପରବର୍ତ୍ତୀ ବାତ୍ୟା ମୁକାବିଲା ସ୍ଥିତିର ସମୀକ୍ଷା କରିଛନ୍ତି ପୋଲିସ ଆଇଜି ତଥା ଆଇନ ଶୃଙ୍ଖଳା ଏଡିଜି ଯଶଓ୍ୱନ୍ତ ଜେଠଓ୍ୱା । ସମୁଦ୍ର ଉପକୂଳର ତଳି ଅଞ୍ଚଳରେ ରହୁଥିବା ଲକ୍ଷେ ୨୦ ହଜାର ଲୋକଙ୍କୁ ସ୍ଥାନାନ୍ତର କରିହବାକୁ ଲକ୍ଷ୍ୟ ରଖିଛନ୍ତି ସରକାର ।

ବାଲେଶ୍ୱରରେ କେବଳ ୧୨ଟି ଓଡ୍ରାଫ ଟିମ୍ ପ୍ରସ୍ତୁତ ହୋଇ ରହିଛନ୍ତି । ଏହାସହ ଏନଡିଆରଏଫ୍, ଅଗ୍ନିଶମ ବାହିନୀ ଟିମ୍ ସହ ଓଡ଼ିଶା ପୋଲିସର ୧୫ ପ୍ଲାଟୁନ୍ ଫୋର୍ସ ସ୍ଥାନାନ୍ତର, ଉଦ୍ଧାର ଓ ଥଇଥାନ ପାଇଁ ମୁତୟନ ରହିବେ । ଏହି ସୂଚନା ଦେଇଛନ୍ତି ଆଇଜି ଯଶଓ୍ୱନ୍ତ ଜେଠଓ୍ୱା ।

Balasore has an 84 km long coastline covered by 10 Police Stations, including 3 Marine PSs. 136 villages in 26 GPs located near the coast in low lying areas have been identified for evacuation. 140 cyclone shelters and 1102 alternative shelters have been readied for the same. pic.twitter.com/J621z3lhFV

— Odisha Police (@odisha_police) May 24, 2021

ବାଲେଶ୍ୱର ଜିଲ୍ଲାର ୮୪ କିଲୋମିଟର ଅଞ୍ଚଳ ସମୁଦ୍ର ଉପକୂଳରେ ଆସୁଛି । ତଳି ଅଞ୍ଚଳରେ ଜିଲ୍ଲାର ୨୬ଟି ପଞ୍ଚାୟତର ୧୩୬ଟି ଗାଁ ଆସୁଛି । ସେସବୁ ଗାଁରୁ ଲୋକଙ୍କୁ ସ୍ଥାନାନ୍ତର କରାଯିବ । ୧୪୦ଟି ବାତ୍ୟା ଆଶ୍ରୟସ୍ଥଳ ଓ ୧୧ଶହ ୨ଟି ଅତିରିକ୍ତ ଆଶ୍ରୟ ସ୍ଥଳ ଚିହ୍ନଟ କରାଯାଇଛି ।