ଭୁବନେଶ୍ଠର: ଭୟାବହ ହେଉଛି କୋଭିଡ ସଂକ୍ରମଣ । ଯଦିଓ ରାଜ୍ୟରେ ବିଏଫ.୭ ଭାରିଏଣ୍ଟକୁ ନେଇ ଭୟ କରିବାର କିଛି ନାହିଁ ବୋଲି ସ୍ୱାସ୍ଥ୍ୟ ବିଶେଷଜ୍ଞ କହୁଛନ୍ତି ତଥାପି ସତର୍କ ରହିବାକୁ ପରାମର୍ଶ ଦେଇଛନ୍ତି । ଏସବୁ ଭିତରେ ଆଗକୁ ରହିଛି ମାଟ୍ରିକ ପରୀକ୍ଷା । ସଂକ୍ରମଣ ଭିତରେ ମାଟ୍ରିକ ପରୀକ୍ଷା କେମିତି ହେବ ସେ ନେଇ ସୂଚନା ଦେଇଛନ୍ତି ଗଣ ଶିକ୍ଷା ମନ୍ତ୍ରୀ ସମୀର ଦାସ ।
ମାଟ୍ରିକ ପରୀକ୍ଷା ବିଷୟରେ ସୂଚନା ଦେଇ ମନ୍ତ୍ରୀ ଦାସ କହିଥିଲେ ଆସନ୍ତା ମାଟ୍ରିକ ପରୀକ୍ଷା କୋଭିଡ ଗାଇଡଲାଇନ ଅନୁସାରେ ହେବ । ସମସ୍ତଙ୍କୁ ମାସ୍କ ପିନ୍ଧି ପରୀକ୍ଷା ହଲକୁ ଆସିବାକୁ ପଡ଼ିବ । ଅନ୍ୟ ଦେଶରେ କରୋନା ବଢୁଥିବାରୁ ସ୍କୁଲ ପିଲାଙ୍କୁ ମାସ୍କ ପିନ୍ଧି ଆସିବାକୁ ପରାମର୍ଶ ଦେଲେ ଗଣଶିକ୍ଷା ମନ୍ତ୍ରୀ । ଏଥିସହିତ ସାମାଜିକ ଦୂରତା ରକ୍ଷା କରିବା ପାଇଁ ମଧ୍ୟ ପରାମର୍ଶ ଦେଇଛନ୍ତି ମନ୍ତ୍ରୀ ସମୀର ଦାସ ।
କୋଭିଡ ଗାଇଡଲାଇନ ଭିତରେ ମାଟ୍ରିକ ସବମିଟିଭ-୧ ପରୀକ୍ଷା ଓ ଯୁକ୍ତ ଦୁଇ ପରୀକ୍ଷା ହେବ ବୋଲି କହିଛନ୍ତି ମନ୍ତ୍ରୀ ସମୀର ଦାସ । ପରବର୍ତ୍ତୀ ସମୟରେ ସ୍ଥିତିକୁ ଦେଖି ନିଷ୍ପତ୍ତି ନିଆଯିବ ବୋଲି କହିଛନ୍ତି ।
