ଅଗରତାଲା: କରୋନାଭାଇରସର ଦୁଇଟି ତରଙ୍ଗ ସମୟରେ ଅତିକମରେ ୨୨୫ କରୋନା ପଜିଟିଭ ଗର୍ଭବତୀ ମହିଳା ଅଗରତାଲା ସରକାରୀ ହସ୍ପିଟାଲ୍ରେ ସୁସ୍ଥ ନବଜାତ ଶିଶୁକୁ ଜନ୍ମ ଦେଇଛନ୍ତି। ନବଜାତ ଶିଶୁମାନେ ପରବର୍ତ୍ତୀ ସମୟରେ ଭୂତାଣୁରେ ସଂକ୍ରମିତ ହୋଇନଥିବା ଜଣାପଡିଛି।
ପ୍ରଥମ ତରଙ୍ଗ ସମୟରେ, ୧୯୮ କରୋନା ସଂକ୍ରମିତ ମହିଳା ଶିଶୁମାନଙ୍କୁ ଜନ୍ମ ଦେଇଥିଲେ। ଦ୍ୱିତୀୟ ତରଙ୍ଗ ସମୟରେ ଏହି ସଂଖ୍ୟା ୨୭ ରହିଛି ବୋଲି ଏଜିଏମସିର ପ୍ରସୂତି ଏବଂ ସ୍ତ୍ରୀ ରୋଗ ବିଭାଗର ମୁଖ୍ୟ ଡ. ଜୟନ୍ତ ରାୟ କହିଛନ୍ତି।
“ଅତି କମରେ ୨୨୫ କରୋନା ସଂକ୍ରମିତ ଗର୍ଭବତୀ ମହିଳା ସୁସ୍ଥ ଶିଶୁ ପ୍ରସବ କରିଥିଲେ ଏବଂ ଡାକ୍ତର ଏବଂ ସ୍ୱାସ୍ଥ୍ୟସେବା କର୍ମଚାରୀଙ୍କ ଯତ୍ନ ନେବା କାରଣରୁ ନବଜାତ ଶିଶୁମାନେ ଏହି ଭୂତାଣୁ ଦ୍ବାରା ସଂକ୍ରମିତ ହୋଇନଥିଲେ।
ସେ କହିଛନ୍ତି, “ଜଣେ ଗର୍ଭବତୀ ମାଙ୍କର ସର୍ବୋତ୍ତମ ଯତ୍ନ ଆବଶ୍ୟକ, ଯାହା ମହାମାରୀ ସମୟରେ ଏକ ଆହ୍ବାନପୂର୍ଣ୍ଣ କାର୍ଯ୍ୟ ଥିଲା। କିନ୍ତୁ ଆମର ଡାକ୍ତର ଏବଂ ଅନ୍ୟାନ୍ୟ ସ୍ୱାସ୍ଥ୍ୟ ସେବା କର୍ମଚାରୀମାନେ ଉଭୟ ମା ଏବଂ ନବଜାତ ଶିଶୁର ସୁରକ୍ଷାକୁ ସର୍ବୋଚ୍ଚ ମାନର କରିବା ପାଇଁ ଯଥାସାଧ୍ୟ ଚେଷ୍ଟା କରିଥିଲେ ବୋଲି ସେ କହିଛନ୍ତି।