ଜୟପୁର: ରାଜସ୍ଥାନର ସାୱାଇ ମାଧୋପୁର ଜିଲ୍ଲାରେ ଅବସ୍ଥିତ ରଣଥମ୍ବୋର ଟାଇଗର ରିଜର୍ଭରୁ ୨୫ଟି ବାଘ ନିଖୋଜ ଅଛନ୍ତି। ତେବେ ରାଜ୍ୟ ଜଙ୍ଗଲ ବିଭାଗ ଏକ ବର୍ଷରୁ ଅଧିକ ହେବ, ଏ ବିଷୟରେ ଜାଣିପାରିନଥିଲେ।
ରିପୋର୍ଟ ଅନୁସାରେ ଏହି ମାମଲାର ତଦନ୍ତ ପାଇଁ ଏକ ତିନି ଜଣିଆ କମିଟି ଗଠନ କରାଯାଇଛି। ଯେଉଁ କମିଟି ତଦନ୍ତ କରି ଦୁଇ ମାସ ମଧ୍ୟରେ ରିପୋର୍ଟ ଦାଖଲ କରିବ। ଗତ ଏକ ବର୍ଷ ମଧ୍ୟରେ ବିଭିନ୍ନ କାରଣରୁ ଏହି ଟାଇଗର ରିଜର୍ଭରେ ୯ଟି ବାଘଙ୍କର ମୃତ୍ୟୁ ହୋଇଛି | ତଥ୍ୟ ଅନୁଯାୟୀ, ବର୍ତ୍ତମାନ ଏଠାରେ ୭୫ଟି ବାଘ ଅଛନ୍ତି, ସେଥିମଧ୍ୟରୁ ୨୫ଟି ବାଘ ନିଖୋଜ ଥିବା ବିଭାଗର ମନିଟରିଂ ରିପୋର୍ଟରେ ଦର୍ଶାଯାଇଛି।
ତେବେ ଏହାପୂର୍ବରୁ ଜାନୁୟାରୀ ୨୦୧୯ରୁ ଜାନୁୟାରୀ ୨୦୨୨ ମଧ୍ୟରେ ୧୩ଟି ବାଘ ନିଖୋଜ ଥିବା ଜଣାପଡିଥିଲା।