ଭୁବନେଶ୍ୱର: ରାଜ୍ୟରେ ଦିନକୁ ଦିନ କରୋନା ଆକ୍ରାନ୍ତଙ୍କ ସଂଖ୍ୟା ବଢୁଥିବା ବେଳେ ଗତ ୨୪ ଘଣ୍ଟା ମଧ୍ୟରେ ଗଞ୍ଜାମରୁ ସର୍ବାଧିକ ୨୨୫ ନୂଆ ପଜିଟିଭ ଚିହ୍ନଟ ହୋଇଛନ୍ତି ।
ଏନେଇ ଟ୍ୱିଟ୍ ଯୋଗେ ସୂଚନା ଦେଇଛନ୍ତି ଗଞ୍ଜାମ ପ୍ରଶାସନ ।
Test report for 20th July .. pic.twitter.com/WuoTKPlGmk
— Collector & District Magistrate, Ganjam (@Ganjam_Admin) July 21, 2020
ପ୍ରାପ୍ତ ସୂଚନାନୁଯାୟୀ ସମସ୍ତ ଆକ୍ରାନ୍ତଙ୍କ ମଧ୍ୟରେ ୨୮ ଜଣ କରୋନା ଯୋଦ୍ଧା ରହିଛନ୍ତି । ସେମାନଙ୍କ ମଧ୍ୟରେ ବେଲଗୁଣ୍ଠା(୧), ବିଇଏମସି(୭), ଭଞ୍ଜନଗର (୮), ବୁଗୁଡା (୨), ଦିଗପହଣ୍ଡି (୨), ଗଞ୍ଜାମ (୧), ଜଗନ୍ନାଥ ପ୍ରସାଦ (୧), ରଙ୍ଗେଇଲୁଣ୍ଡା (୧), ସାନଖେମୁଣ୍ଡି (୧), ଶେରଗଡ (୧), ସୋରଡାରୁ ୩ ଜଣ ରହିଛନ୍ତି ।
ସେହିପରି କୌଣସି ବ୍ୟକ୍ତିଙ୍କର ଟ୍ରାଭେଲ୍ ହିଷ୍ଟି ନଥିବା ବେଳେ ଆଉ ୧୯୭ ଜଣଙ୍କର ଆକ୍ଟିଭ କଣ୍ଟାକ୍ଟ ପଜିଟିଭ କେସ୍ ରହିଛି । ଅପରପକ୍ଷରେ ସମସ୍ତ ଆକ୍ରାନ୍ତଙ୍କୁ କୋଭିଡ ହସ୍ପିଟାଲକୁ ସ୍ଥାନାନ୍ତର କରାଯାଇଥିବା ନେଇ ସୂଚନା ମିଳିଛି ।
ଉଲ୍ଲେଖଯୋଗ୍ୟ, ଗଞ୍ଜାମରେ ମୋଟ୍ କରୋନା ଆକ୍ରାନ୍ତଙ୍କ ସଂଖ୍ୟା ୫୯୯୧ ରହିଛି । ସେଥିମଧ୍ୟରେ ୨୧୫୧ଟି ସକ୍ରିୟ ମାମଲା ରହିଥିବା ବେଳେ ମୋଟ୍ ୩୭୮୧ ଜଣ ଆରୋଗ୍ୟ ଲାଭ କରିଛନ୍ତି । ଏହାଛଡା ୫୯ ଜଣଙ୍କର ମୃତ୍ୟୁ ଘଟିଛି ।