ମାଲକାନଗିରି: ନକଲି ବନ୍ଧୁକ ଧରି ଚୋରି କରିବାକୁ ଆସିଥିବା ଚୋର ହଟହଟା । ନକଲି ବନ୍ଧୁକଧାରୀ ଚୋରଙ୍କୁ କାବୁ କଲେ ଗ୍ରାମବାସୀ । ଏମିତି କିଛି ଦୃଶ୍ୟ ଦେଖିବାକୁ ମିଳିଛି ମାଲକାନଗିରି ଥାନା ଅନ୍ତର୍ଗତ ଉଡ଼ପା ଗାଁରେ । ଗତକାଲି ବିଳମ୍ବିତ ରାତିରେ ସୀମାନ୍ତ ଛତିଶଗଡ଼ ରାଜ୍ୟ ନାରାୟଣପୁର ଅଞ୍ଚଳର କିଛି ଚୋର ଉଡ଼ପା ଗାଁକୁ ଚୋରି କରିବା ଉଦ୍ଦେଶ୍ୟରେ ପଶିଥିଲେ ।
ଚୋରଙ୍କୁ ଦେଖି ଗାଁର କିଛି ଲୋକ ସେମାନଙ୍କୁ କାବୁ କରିବାକୁ ଉଦ୍ୟମ କରିଥିଲେ । କିନ୍ତୁ ସେମାନେ ନକଲି ବନ୍ଧୁକ ଦେଖାଇ ଭୟଭୀତ କରି ଖସି ଯିବାକୁ ଚେଷ୍ଟ କରୁଥିଲେ । ୭ ଜଣ ଚୋରଙ୍କ ମଧ୍ୟରୁ ୪ ଚମ୍ପଟ ମାରିଥିଲେ । ତିନି ଜଣଙ୍କୁ ଧରିଥିଲେ ଗାଁ ଲୋକ । ସେମାନଙ୍କ ପାଖରୁ ମିଳିଥିଲା ୩ଟି ନକଲି ବନ୍ଧୁକ । ମାଲକାନଗିରି ପୋଲିସ ଚୋରଙ୍କୁ ଥାନାକୁ ଆଣି ପଚରାଉଚରା କରୁଛି ।
Comments are closed.