ଧର୍ମଗଡ଼: ମଙ୍ଗଳବାର ଅପରାହ୍ନ ପାଞ୍ଚଟା ବେଳେ ହୋଇଥିବା ବଜ୍ରପାତରେ ଗୋଟିଏ ପରିବାରର ତିନି ଜଣଙ୍କ ମୃତ୍ୟୁ ହୋଇଛି। ମୃତକ ସମସ୍ତେ ପର୍ଲା ପଞ୍ଚାୟତ ଚିତାମୁଣ୍ଡା ଗ୍ରାମର ଲିମଗୋଛିଆ ପରିବାର ବୋଲି ଜଣାପଡିଛି। ମୃତକଙ୍କ ମଧ୍ୟରେ ଜଣେ ନବମ ଶ୍ରେଣୀ ଝିଅ ଥିବା ସୂଚନା ମିଳିଛି।
ସୁଚନା ଅନୁଯାୟୀ ଗଏନ୍ତି ଲିମଗୋଛିଆ, ସ୍ଵା-ରାଏଚନ ଲିମଗୋଛିଆ ନାତୁଣୀ ଲତା ଲିମଗୋଛିଆ ଓ ଝିଆରୀ ବୋହୁ ରୂପେ ଲିମଗୋଛିଆ, ସ୍ଵା-ଭାସ୍କର ସହ ନିଜ ବିଲକୁ କାମକୁ କରିବାକୁ ଯାଇଥିଲେ। ଅପରାହ୍ନରେ ପାଞ୍ଚଟା ସମୟରେ ପର୍ଲା ଅଞ୍ଚଳରେ ଘଡଘଡି ବର୍ଷା ହେବା ସହ ବଜ୍ରପାତ ହୋଇଥିଲା। ପାଖରେ ବଜ୍ରପାତ ଆଶଙ୍କା କରି ପରିବାର ଲୋକେ ବିଲକୁ ଯାଇଥିଲେ।
ବଜ୍ରପାତରେ ଘଟଣାସ୍ଥଳରେ ହିଁ ତିନି ଜଣଙ୍କ ମୃତ୍ୟୁ ହୋଇଥିବା ଦେଖି ପରିବାର ଲୋକେ ଧର୍ମଗଡ଼ ପୋଲିସକୁ ସୂଚନା ଦେଇଥିଲେ। ଖବର ପାଇ ଧର୍ମଗଡ଼ ପୋଲିସ ଘଟଣାସ୍ଥଳରେ ପହଞ୍ଚି ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଛି। ତେବେ ସନ୍ଧ୍ୟା ହେବାରୁ ବୁଧବାର ଶବ ବ୍ୟବଚ୍ଛେଦ ହେବ ବୋଲି ଜଣାପଡିଛି।