ବାଲେଶ୍ୱର: ଜମାକାରୀଙ୍କୁ ଠକିଥିବା ଅଭିଯୋଗରେ ବାଲେଶ୍ୱର ସ୍ୱତନ୍ତ୍ର ଓପିଆଇଡି କୋର୍ଟ କୋଲକାତା ଓ୍ବାଇର୍ ଇଣ୍ଡଷ୍ଟ୍ରିଜ୍ ଲିମିଟେଡ୍ ଉଦଳା ଶାଖା ପରିଚାଳକ ସଂଗ୍ରାମ କେଶରୀ ପାତ୍ରଙ୍କୁ ୩ ବର୍ଷ ଜେଲ ଦଣ୍ଡାଦେଶ ଶୁଣାଇଛନ୍ତି। ଏଥିସହିତ ତାଙ୍କୁ ୬୧ ହଜାର ଟଙ୍କା ଜରିମାନା ମଧ୍ୟ କରାଯାଇଛି।
ଚିଟଫଣ୍ଡ କମ୍ପାନୀ ପଶ୍ଚିମବଙ୍ଗ, ଓଡ଼ିଶା ଓ ଝାଡ଼ଖଣ୍ଡରେ ‘ରିଡିମେବଲ୍ ପ୍ରିଫରେନ୍ସ ସେୟାର’ ଜାରି କରି ଏକ ଲକ୍ଷରୁ ଅଧିକ ନିବେଶକଙ୍କଠାରୁ ପ୍ରାୟ ୪୮ କୋଟି ଟଙ୍କା ସଂଗ୍ରହ କରିଥିଲା। ଅଣତାଲିକାଭୁକ୍ତ କମ୍ପାନି ହୋଇଥିଲେ ମଧ୍ୟ ଏହା ତା’ର କାର୍ଯ୍ୟକୁ ଆଗକୁ ବଢ଼ାଇଥିଲା।
ତଦନୁଯାୟୀ ସେବି ଅଗଷ୍ଟ ୨୦୧୩ରେ ଏହାର ପ୍ରମୋଟର ଏବଂ ନିର୍ଦ୍ଦେଶକମାନଙ୍କୁ ଜନସାଧାରଣଙ୍କ ଠାରୁ ଆଦାୟ ହୋଇଥିବା ଅର୍ଥ ଫେରସ୍ତ କରିବା ପାଇଁ ନୋଟିସ୍ ଜାରି କରିଥିଲା ଏବଂ କମ୍ପାନୀ ଏବଂ ଏହାର ପ୍ରମୋଟର ବା ନିର୍ଦ୍ଦେଶକଙ୍କୁ ତିନି ବର୍ଷରୁ ଅଧିକ ସମୟ ପାଇଁ ସେବି ବଜାରରେ ପ୍ରବେଶ କରିବା ଉପରେ ମଧ୍ୟ ପ୍ରତିବନ୍ଧକ ଲଗାଇଥିଲା।
୨୦୧୭ ଡିସେମ୍ବରରେ ସିବିଆଇର ଦୁର୍ନୀତି ନିବାରଣ ଶାଖା କୋଲକାତା ଓ ଝାଡ଼ଖଣ୍ଡରେ ଚଢାଉ ପରେ ବେଆଇନ ଭାବେ ବଜାରରୁ ଟଙ୍କା ଆଦାୟ କରିଥିବା ଅଭିଯୋଗରେ ସଂସ୍ଥାର ଅନେକ ଅଫିସକୁ ସିଲ୍ କରିଥିଲା।
Comments are closed.