ବ୍ରହ୍ମପୁର: ଗଞ୍ଜାମ ଜିଲା ହିଂଜିଳି ଥାନା ଅନ୍ତର୍ଗତ ସିକିରି ଗ୍ରାମରେ ସୋମବାର ପୂର୍ବାହ୍ନରେ ହାଇୱା ଧକ୍କାରେ ଜଣେ ୪ ବର୍ଷୀୟ ଶିଶୁର ଜୀବନ ଚାଲିଯାଇଛି। ମୃତକ ଜଣକ ହେଲେ ପ୍ରମୋଦ ଦଳାଇଙ୍କ ପୁଅ ହିମାଂଶୁ। ମିଳିଥିବା ସୂଚନା ଅନୁଯାୟୀ, ହିଂଜିଳି ଠାରୁ ତାରାତାରିଣୀ ରାସ୍ତାରେ ଅଛି ସିକିରି ଗ୍ରାମ। ସେହି ଗ୍ରାମରେ ହିମାଂଶୁଙ୍କ ଘର। ପୂର୍ବାହ୍ନରେ ସେ ରାସ୍ତା ପାର ହେଉଥିବା ବେଳେ ତାରାତାରିଣୀ ଆଡ଼କୁ ଯାଉଥିବା ହାଇୱା ଚାପି ଦେଇଥିଲା। ଚକା ତଳେ ହିଁ ହିମାଂଶଙ୍କୁ ମୃତ୍ୟୁ ହୋଇଯାଇଥିଲା ଏହାକୁ ନେଇ ଗ୍ରାମବାସୀଙ୍କ ମଧ୍ୟରେ ତୀବ୍ର ଉତ୍ତେଜନା ଦେଖିବାକୁ ମିଳିଛି। ଉତ୍ୟକ୍ତ ଲୋକେ ରାସ୍ତା ଅବରୋଧ କରିଛନ୍ତି। ଫଳରେ ହିଂଜିଳି-ତାରାତାରିଣୀ ରାସ୍ତାରେ ଶତାଧିକ ଯାନବାହାନ ଉଭୟ ପଟରେ ଅଟକି ରହିଛି। ଘଟଣାସ୍ଥଳରେ ହିଂଜିଳି ପୋଲିସ ପହଞ୍ଚି ବୁଝାସୁଝା କରିଥିଲେ ମଧ୍ୟ ପରିସ୍ଥିତି ଅଶାନ୍ତ ରହିଥିବା ସୂଚନା ମିଳିଛି। ମୃତକଙ୍କ ପରିବାରକୁ ଉପଯୁକ୍ତ କ୍ଷତିପୂରଣ ସହିତ ଅନ୍ୟାନ୍ୟ ଦାବି କରିଛନ୍ତି।
Comments are closed.