ନୂଆଦିଲ୍ଲୀ: ଆଇପିଏଲ ୨୦୨୫ ମେଗା ନିଲାମ ପୂର୍ବରୁ ସମସ୍ତ ଦଳ ରିଟେନ କରିଥିବା ଖେଳାଳିଙ୍କ ନାମ ପ୍ରକାଶ କରିଛି । ତେବେ ଭାରତର ଏହି ୫ ଷ୍ଟାର ଖେଳାଳିଙ୍କୁ ସେମାନଙ୍କ ଟିମ ରିଟେନ କରିନି ।
ୟୁଜଭେନ୍ଦ୍ର ଚହଲ: ଭାରତର ପ୍ରତିଷ୍ଠିତ ଲେଗ ସ୍ପିନର ୟୁଜଭେନ୍ଦ୍ର ଚହଲଙ୍କୁ ରାଜସ୍ଥାନ ରୟାଲ୍ସ ରିଟେନ କରି ନାହିଁ । ଏହାର ମାନେ ଚହଲ ଏବେ ମେଗା ଅକ୍ସନରେ ତାଙ୍କ ଭାଗ୍ୟ ପରଖିବେ । ଚହଲ ରାଜସ୍ଥାନ ପକ୍ଷରୁ ପୂର୍ବ ୩ଟି ସଂସ୍କରଣରେ ୬୬ ୱିକେଟ ଅକ୍ତିଆର କରିଥିଲେ ।
ରିଷଭ ପନ୍ତ: ୨୦୧୬ରେ ଦିଲ୍ଲୀ କ୍ୟାପିଟାଲ୍ସ ପକ୍ଷରୁ ରିଷଭ ପନ୍ତ ତାଙ୍କ ଆଇପିଏଲ କ୍ୟାରିୟର ଆରମ୍ଭ କରିଥିଲେ । ସେବେଠାରୁ ସେ ଦିଲ୍ଲୀ ଟିମ ସହିତ ରହି ଆସିଥିଲେ । ଏପରିକି ୨୦୨୧ରେ ତାଙ୍କୁ ଦଳର ନେତୃତ୍ୱ ମଧ୍ୟ ପ୍ରଦାନ କରାଯାଇଥିଲା । ଏବେ ଦଳ ତାଙ୍କୁ ରିଟେନ କରି ନ ଥିବାରୁ ସେ ନିଲାମରେ ଉପଲବ୍ଧ ହେବେ ।
କେଏଲ ରାହୁଲ: ଲକ୍ଷ୍ନୌ ସୁପର ଜ୍ୟାଂଟସ କେଏଲ ରାହୁଲଙ୍କୁ ରିଲିଜ କରି ଦେଇଛି । ଲକ୍ଷ୍ନୌ ତାଙ୍କୁ ରିଟେନ ନ କରିବାର କାରଣ ବୁଝା ପଡୁ ନାହିଁ । ୨୦୨୨ରେ ସେ ଦଳର ନେତୃତ୍ୱ ନେଇଥିଲେ । ମେଗା ନିଲାମରେ ତାଙ୍କ ଉପରେ ସମସ୍ତଙ୍କ ନଜର ରହ ିବ ।
ଶ୍ରେୟାଶ ଆୟାର: ୨୦୨୪ରେ କୋଲକାତା ନାଇଟ ରାଇଡର୍ସକୁ ଚାମ୍ପିୟନ କରାଇଥିବା ଶ୍ରେୟାଶ ଆୟାରଙ୍କୁ ଦଳ ପୂନର୍ବାର ରିଟେନ କରିନି । ୨୦୨୨ରୁ ସେ ଦଳ ସହିତ ଅଧିନାୟକ ଭାବେ ଯୋଡି ହୋଇଥିଲେ ।
ଈଶାନ କିଶାନ: ମୁମ୍ବାଇ ଇଣ୍ଡିଆନ୍ସ ଈଶାନ କିଶାନଙ୍କୁ ରିଲିଜ କରିଦେଇଛି । ଏହି ୱିକେଟକିପର ବ୍ୟାଟ୍ସମ୍ୟାନ ୨୦୧୮ରୁ ମୁମ୍ବାଇ ଟିମ ସହିତ ରହି ଆସିଛନ୍ତି । ଈଶାନ ଏବେ ମେଗା ନିଲାମରେ ଭାଗ୍ୟ ପରୀକ୍ଷା କରିବେ ।