ଭୁବନେଶ୍ୱର: ରାଜଧାନୀ ଭୁବନେଶ୍ୱରର କେନ୍ଦ୍ରୀୟ ବିଦ୍ୟାଳୟ-୩ (କେଭି-୩) ନିକଟରେ ଗୁରୁବାର ସକାଳେ ଘଟିଥିବା ବୋମା ବିସ୍ଫୋରଣ ଘଟଣାରେ ମଞ୍ଚେଶ୍ୱର ପୋଲିସ ରବିବାର ୫ ଜଣଙ୍କୁ ଅଟକ ରଖିଛି।
ସୂଚନା ଅନୁଯାୟୀ, ସିସିଟିଭି ଫୁଟେଜ୍ ଏବଂ କିଛି ବାସିନ୍ଦାଙ୍କ ଦ୍ୱାରା ପ୍ରଦାନ କରାଯାଇଥିବା ସୂଚନା ଆଧାରରେ ସନ୍ଦିଗ୍ଧ ଲୋକଙ୍କୁ ପଚରାଉଚରା କରାଯାଉଛି।
ସକାଳ ପ୍ରାୟ ୮ଟା ସମୟରେ ସ୍କୁଲ ବାହାରେ ବିସ୍ଫୋରଣ ଘଟିଥିଲା। ବିସ୍ଫୋରଣରେ ସାଧାରଣ ଫୋଟକା (ସୁତଲି ବୋମା) ବ୍ୟବହୃତ ହୋଇଥିବା କୁହାଯାଇଥିଲା। ପରେ ଫରେନସିକ୍ ଟିମ୍ ଘଟଣାସ୍ଥଳରୁ ବାରୁଦ, ରଶି ସୂତା ଏବଂ ଚିରା କାଗଜ ସମେତ ବୋମାର ଅବଶିଷ୍ଟାଂଶ ମଧ୍ୟ ଜବତ କରାଯାଇଥିଲା।
ଉଲ୍ଲେଖଯୋଗ୍ୟ, ଭୁବନେଶ୍ୱରର କେନ୍ଦ୍ରୀୟ ବିଦ୍ୟାଳୟ-୩ ନିକଟରେ ସକାଳ ପ୍ରାୟ ୮ଟା ସମୟରେ ଦୁର୍ବୃତ୍ତମାନେ ବାଇକରେ ଆସି ସ୍କୁଲର ଗେଟ୍ ପାଖରେ କିଛି ଫିଙ୍ଗି ଦେଇଥିଲେ। ଏହାର କିଛି ସମୟ ପରେ ବିସ୍ଫୋରଣ ହୋଇଥିଲା ବେଳେ ସୌଭାଗ୍ୟବଶତଃ କୌଣସି କ୍ଷତି ହୋଇନଥିଲା। ଛାତ୍ରଛାତ୍ରୀମାନେ କ୍ଲାସରେ ଥିବା ବେଳେ ଜୋରଦାର ବିସ୍ଫୋରଣ ଶୁଣି ଆତଙ୍କିତ ହୋଇପଡ଼ିଥିଲେ।
Comments are closed.