ବ୍ରହ୍ମପୁର: ଗଞ୍ଜାମ ଜିଲାରେ ତୃତୀୟ ପର୍ଯ୍ୟନ୍ତ ୫-ଟି ବିଦ୍ୟାଳୟ ରୂପାନ୍ତରୀକରଣ ଅଭିଯାନ ଆରମ୍ଭ ହେବାକୁ ଯାଉଛି। ଏହି କ୍ରମରେ ଗତ ମଙ୍ଗଳବାର ଭିଡ଼ିଓ କନ୍ଫ୍ରେନ୍ସିଂରେ ବିଭିନ୍ନ ବିଦ୍ୟାଳୟର ଛାତ୍ରଛାତ୍ରୀଙ୍କ ସହ କଥା ହୋଇଥିଲେ ୫-ଟି ସଚିବ ଭି.କେ.ପାଣ୍ଡିଆନ୍। ଭବିଷ୍ୟତରେ କିଏ କ’ଣ ହେବାକୁ ଚାହୁଁଛନ୍ତି, ସେନେଇ ସଚିବ ପାଣ୍ଡିଆନ୍ ପ୍ରଶ୍ନ କରିଥିଲେ। ଚିକିଟି ବ୍ଲକର ଏକ ସରକାରୀ ବିଦ୍ୟାଳୟର ଛାତ୍ର ସୁରଦ ଭାସ୍କର କହିଥିଲେ, ସେ ଭବିଷ୍ୟତରେ ପାଇଲଟ ହେବାକୁ ଚାହୁଁଛନ୍ତି। ବିଦ୍ୟାଳୟ ରୂପାନ୍ତରୀକରଣ ଯୋଗୁ ତାଙ୍କର ଏହି ସ୍ବପ୍ନ ପୂରଣ ହୋଇପାରିବ ବୋଲି ପ୍ରକାଶ କରିଥିଲେ । ଭାସ୍କରଙ୍କ ଠାରୁ ଏଭଳି ଉତ୍ତର ଶୁଣି ଗଭୀର ପ୍ରଭାବିତ ହୋଇଥିଲେ ସଚିବ ପାଣ୍ଡିଆନ୍। ବିଜୁ ପଟ୍ଟନାୟକଙ୍କ ଜୀବନକୁ ନେଇ ପ୍ରସ୍ତୁତ କମିକ୍ସ ପୁସ୍ତକ ‘ ଦ ଆଡଭେନ୍ସଚର୍ସ ଅଫ୍ ଦ ଡେରଡେଭିଲ୍ ଡେମୋକ୍ରାଟ୍’କୁ ଭାସ୍କରଙ୍କ ପାଇଁ ପଠାଇଥିଲେ। ଶୁକ୍ରବାର ଜିଲାପାଳ ଦିବ୍ୟଜ୍ୟୋତି ପରିଡ଼ା ଏହି ପୁସ୍ତକ ଭାସ୍କରଙ୍କୁ ହସ୍ତାନ୍ତର କରିଛନ୍ତି। ପୁସ୍ତକ ପାଇବା ପରେ ଖୁସୀ ପ୍ରକାଶ କରିଥିଲେ ଭାସ୍କର। ଅନ୍ୟପଟେ ସଚିବ ପାଣ୍ଡିଆନ୍ ଜଣେ ଛାତ୍ରଙ୍କ ସ୍ବପ୍ନ ବିଷୟରେ ଶୁଣିବା ପରେ ତାଙ୍କ ପାଖକୁ ପୁସ୍ତକ ପଠାଇବାକୁ ନେଇ ଜିଲାରେ ଆଲୋଚନାର ବିଷୟ ହୋଇଛି। ଅନେକ ତାଙ୍କୁ ପ୍ରଶଂସା କରୁଛନ୍ତି। ଏଠାରେ ସୂଚନା ଯୋଗ୍ୟ ଯେ, ୫-ଟି ସଚିବ ପାଣ୍ଡିଆନ୍ ୨୦୦୭ ଏପ୍ରିଲ୍ରୁ ୨୦୧୧ ଏପ୍ରିଲ୍ ପର୍ଯ୍ୟନ୍ତ ଗଞ୍ଜାମ ଜିଲାପାଳ ରହିଥିଲେ। ଗଞ୍ଜାମ ଜିଲାରେ ପ୍ରଥମ ପର୍ଯ୍ୟାୟରେ ୧୩୩ଟି ଏବଂ ଦ୍ବିତୀୟ ପର୍ଯ୍ୟାୟରେ ୨୩୩ଟି ବିଦ୍ୟାଳୟ ରୂପାନ୍ତରିତ ହୋଇଥିବା ବେଳେ ତୃତୀୟ ପର୍ଯ୍ୟାୟରେ ୧୦୭ଟି ବିଦ୍ୟାଳୟ ରୂପାନ୍ତରିତ ହେବ।
BREAKING NEWS
- କୋଣାର୍କରେ କାଉ ମଡ଼କ, ଆତଙ୍କିତ ସ୍ଥାନୀୟ ବାସିନ୍ଦା
- ଅଚ୍ୟୁତ ସାମନ୍ତଙ୍କୁ ଆଇକନିକ ହେଲଥକେୟାର ଲିଡର୍ ସମ୍ମାନ
- ଆଇପିଏସ ସ୍ତରରେ ଅଦଳ ବଦଳ, ବଦଳିଲେ କଟକ-ଭୁବନେଶ୍ୱର ପୁଲିସ କମିଶନର
- ଟୁରିଷ୍ଟ ହୋଇ ରାତିରେ ବୁଲିଲେ ଏସପି ସୁକନ୍ୟା, ଆଉ ତା’ ପରେ…
- ରାଜ୍ୟ ଲନ୍ ବଲ୍ ପ୍ରତିଯୋଗିତା ଉଦ୍ଘାଟିତ
- ବାଂଲାଦେଶ ବିପକ୍ଷ ଟି୨୦ ସିରିଜ:ଅଭିଷେକଙ୍କ ସହ କିଏ କରିବେ ଓପନିଂ
- ଆନ୍ଧ୍ରରୁ ଆଣି ଓଡ଼ିଶା ନମ୍ବର ଲଗାଇ ବିକୁଥିଲେ ବାଇକ; ୧୯ଟି ବାଇକ ସହ ଧରାପଡିଲା ଚୋର
- ଆଜି ରାତିରେ ପ୍ରବଳ ବର୍ଷା: ବଜ୍ରପାତ ଓ ଝଡତୋଫାନ ନେଇ ଏହି ସବୁ ଜିଲ୍ଲାକୁ ୟେଲୋ ୱାର୍ଣ୍ଣିଂ
- ବର୍ଷା ଯୋଗୁ ବାତିଲ ହେଲା କୋଣାର୍କ ସୂର୍ଯ୍ୟାସ ଓଡିଶା-ଇଣ୍ଡିଆ କ୍ୟାପିଟାଲ୍ସ ମ୍ୟାଚ
- ଆନ୍ତର୍ଜାତୀୟ ଟି୨୦ରୁ କାହିଁକି ଅବସର ନେଲେ କହିଲେ ରୋହିତ
Comments are closed.