ନୂଆଦିଲ୍ଲୀ: ଦେଶର ସର୍ବୋଚ୍ଚ ଅଦାଲତ ତଥା ସୁପ୍ରିମକୋର୍ଟର ୬ ଜଣ ବିଚାରପତି ସ୍ୱାଇନ୍ ଫ୍ଲୁରେ ଆକ୍ରାନ୍ତ ହୋଇଛନ୍ତି । ଏହା ଜଣାପଡିବା ପରେ କୋର୍ଟ ପରିସରରେ ଭୟର ବାତାବରଣ ସୃଷ୍ଟି ହୋଇଛି । ପରିସ୍ଥିତିକୁ ଦୃଷ୍ଟିରେ ରଖି ଏହାର ମୁକାବିଲା ପାଇଁ ସୁପ୍ରିମକୋର୍ଟର ଅନ୍ୟତମ ବିଚାରପତି ଜଷ୍ଟିସ ଡି ୱାଇ ଚନ୍ଦ୍ରଚୂଡ ପ୍ରଧାନ ବିଚାରପତି ଏସ୍ଏ ବୋବ୍ଡେଙ୍କୁ ସାକ୍ଷାତ କରିଛନ୍ତି । କୋର୍ଟରେ କାମ କରୁଥିବା ସମସ୍ତ କର୍ମଚାରୀଙ୍କୁ ଏଚ୍-୧ ଏନ୍-୧ ଭାଇରସ ତଥା ସ୍ୱାଇନ୍ ଫ୍ଲୁ ପ୍ରତିରୋଧକ ଟୀକା ଦେବା ବ୍ୟବସ୍ଥା କରାଯାଉ ବୋଲି ସେ ଅନୁରୋଧ କରିଛନ୍ତି ।
ସେପଟେ ଏହି ଘଟଣାକୁ ନେଇ ପ୍ରଧାନ ବିଚାରପତି ଏସ୍ଏ ବୋବଡେ ମଧ୍ୟ ଉଦ୍ବେଗ ପ୍ରକାଶ କରିଛନ୍ତି । ଅନ୍ୟ ବିଚାରପତିଙ୍କୁ ଡାଇକ ଏ ସଂକ୍ରାନ୍ତରେ ଏକ ଜରୁରୀକାଳିନ ବୈଠକ କରିଛନ୍ତି । ଏଥିରେ ସ୍ୱାଇନ୍ ଫ୍ଲୁର ମୁକାବିଲା ପାଇଁ ଆଲୋଚନା ହୋଇଛି । ଅନ୍ୟପଟେ ସୁପ୍ରିମକୋର୍ଟ ବାର୍ କାଉଂସିଲ୍ର ସଭାପତିଙ୍କୁ ମଧ୍ୟ ଡକାଇ ତାଙ୍କ ସହ ଏ ସଂପର୍କରେ ଆଲୋଚନା କରିଥିବା ଜଣାପଡିଛି ।
Comments are closed.