ସୋନପୁର: ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକ ବାବୁପାଲି ପଂଚାୟତର ପଲସାପାଲି ଗାଁରେ ଭୟଙ୍କର ଅଗ୍ନିକାଣ୍ଡ । ଚାଷ ଜମିରେ ନିଆଁ ଲାଗି ଜଳିଗଲେ ୭ ଗାଈବାଛୁରୀ । କେହି ଜଣେ ଚାଷଜମିରେ ନିଆ ଲଗେଇଥିବା ସନ୍ଦେହ କରାଯାଉଛି । ନିଆଁ ବ୍ୟାପି ଗାଁର ଚୈତନ୍ୟ ମେଲ୍ଲୀ ଏବଂ କୃପାମେଲ୍ଲୀଙ୍କ ଘର ଜଳି ଯାଇଥିବା ସୂଚନା ମିଳିଛି ।
ନିଆଁ ର କରାଳ ଆଁରେ ଜୀବନ୍ତ ଦଗ୍ଧ ହୋଇଗଲେ ୭ ଗାଈ ବାଛୁରୀ । ୪୦ ପ୍ୟାକେଟ ଧାନ ଜଳିଗଲା । ୪ ବଖରା ଘର ସହ ଲକ୍ଷାଧିକ ତାଙ୍କର ସମ୍ପତ୍ତି ନଷ୍ଟ ହୋଇଗଲା । ଘଟଣାସ୍ଥଳରେ ରାମପୁର ଅଗ୍ନିଶମ ବାହିନୀର କର୍ମକର୍ତ୍ତା ପହଞ୍ଚି ନିଆଁକୁ ଆୟତ୍ତ କରିଥିଲେ । ବର୍ତମାନ ପର୍ଯ୍ୟନ୍ତ ଘଟଣା ସ୍ଥଳରେ କୋଣସି ସରକାରୀ କର୍ମଚାରୀ ପହଞ୍ଚି ନାହାନ୍ତି । ଅନ୍ୟପକ୍ଷେ ଚୈତନ୍ୟ ଏବଂ କୃପା ନିଜର ବାସଗୃହ ସମେତ ଲକ୍ଷାଧିକ ଟଙ୍କାର ସମ୍ପତ୍ତି ହରାଇ ଏବେ ଦୁଃଖରେ ଭାଙ୍ଗିପଡିଛନ୍ତି । ତାଙ୍କ ପରିବାର ଏବେ ଦାଣ୍ଡରେ । ଏମାନଙ୍କୁ ତୁରନ୍ତ ସରକାରୀ ସହାୟତା ଯୋଗାଇ ଦେବାକୁ ଦାବି ହୋଇଛି ।
Comments are closed.