ରାଞ୍ଚି: ଦୁଇ ଦିନରେ ୮ ଜଣଙ୍କୁ ହତ୍ୟାକଲା ହାତୀ। ଝାରଖଣ୍ଡର ଦୁଇ ଜିଲ୍ଲାରେ ହାତୀ ଆକ୍ରମଣରେ ୮ ଜଣଙ୍କର ମୃତ୍ୟୁ ହୋଇଛି। ଆଜି ଇତ୍କିର ବୋରିଆ ଗାଁରେ ହାତୀ ଆକ୍ରମଣରେ ୪ ଜଣଙ୍କର ମୃତ୍ୟୁ ହୋଇଥିବା ବେଳେ ସୋମବାର ଲହର୍ଡାଗା ଜିଲ୍ଲାରେ ୪ ଜଣଙ୍କୁ ହତ୍ୟା କରିଛି ହାତୀ।
ଲହର୍ଡାଗା ଜିଲ୍ଲାରେ ହାତୀ ଆକ୍ରମଣର ଗୁରୁତର ହୋଇଥିବା ଜଣେ ବ୍ୟକ୍ତିଙ୍କର ଆଜି ଡାକ୍ତରଖାନାରେ ମୃତ୍ୟୁ ଘଟିଛି। ମୃତକମାନେ ହେଲେ ସୁକଭୀର କିରୋ, ରନ୍ଧାୱା ଦେବୀ, ଗୋନ୍ଦାୱାନା ଓରାନ ଏବଂ ପୁନାୟୀ ଓରାନ।
ବନ ବିଭାଗର ସୂଚନା ଅନୁସାରେ ହାତୀଟି ନିଜ ଦଳରୁ ଅଲଗା ହୋଇଯିବା ପରେ ରାଗିଯାଇ ଏଣେ ତେଣେ ବୁଲି ଏଭଳି କାଣ୍ଡ ଘଟାଉଛି। ବନ ବିଭାଗ ହାତୀକୁ ଧରିବାକୁ ସର୍ଚ୍ଚ ଅପରେସନ ଜାରି ରିଖିଛି।
ତେବେ ମୃତକଙ୍କ ପରିବାରକୁ ମୃତକଙ୍କ ପରିବାରକୁ ମାତ୍ର ୨୫ ହଜାର ଲେଖାଏଁ କ୍ଷତିପୂରଣ ଦିଆଯାଇଛି। ସେହିପରି ହାତୀ ଆକ୍ରମଣ ନେଇ ଅଭିଯୋଗ ହେବା ପରେ ଝାଡଖଡ଼ ସରକାର ମୃତକଙ୍କ ପରିବାରକୁ ୩.୨୫ ଲକ୍ଷ ଟଙ୍କା କ୍ଷତିପୂରଣ ରାଶି ଦେବାକୁ ଘୋଷଣା କରିଛନ୍ତି। ମିଳିଥିବା ସୂଚନା ଅନୁସାରେ, ବନ ବିଭାଗ ଏପର୍ଯ୍ୟନ୍ତ ହାତୀଟିକୁ ଠାବ କରି ନାହିଁ। ସର୍ଚ୍ଚ ଅପରେସନ ଜାରି ରହିଛି।
Comments are closed.