ଅହମ୍ମଦାବାଦ: ଚଳିତ ବିଶ୍ୱକପ କ୍ରିକେଟରେ ଶନିବାର ଭାରତ ଓ ପାକିସ୍ତାନ ମଧ୍ୟରେ ହାଇ ଭୋଲଟେଜ ମୁକାବିଲା ଖେଳାଯିବ । ପାକିସ୍ତାନ ବିପକ୍ଷରେ ଭାରତ ଏ ପର୍ଯ୍ୟନ୍ତ ବିଶ୍ୱକପରେ ଅପରାଜେୟ ରହିଛି । ୨୦୧୫ ଓ ୨୦୧୯ ବିଶ୍ୱକପ ପରି ଭାରତ ଏଥର ମଧ୍ୟ ରୋହିତ ଶର୍ମା ଓ ବିରାଟ କୋହଲିଙ୍କ ପ୍ରଦର୍ଶନ ଉପରେ ନିର୍ଭର କରିବ । ଭାରତର ୯ଜଣ ଖେଳାଳି ବିଶ୍ୱକପରେ ପାକିସ୍ତାନ ବିପକ୍ଷରେ ଖେଳିବା ଅଭିଜ୍ଞତା ରହିଛି । ସେମାନେ ହେଲେ ରୋହିତ, ବିରାଟ, ରବୀନ୍ଦ୍ର ଜାଡେଜା, ରବିଚନ୍ଦ୍ରନ ଅଶ୍ୱୀନ, ମହମ୍ମସ ସାମୀ, କେଏଲ ରାହୁଲ, ହାର୍ଦ୍ଦିକ ପାଣ୍ଡ୍ୟା, କୁଲଦୀପ ଯାଦବ, ଓ ଯଶପ୍ରୀତ ବୁମରାହ ।
ଅପରପକ୍ଷରେ ପାକିସ୍ତାନର ବାବର ଆଜମ, ଫଖର ଜମାନ, ଇମାମ ଉଲ ହକ, ଶାଦାବ ଖାଁ ଓ ହାସନ ଅଲୀ ବିଶ୍ୱକପରେ ଭାରତ ବିପକ୍ଷରେ ହାଇ ଭୋଲଟେଜ ମୁକାବିଲାରେ ଅବତୀର୍ଣ୍ଣ ହୋଇ ସାରିଛନ୍ତି । ନରେନ୍ଦ୍ର ମୋଦି ଷ୍ଟାଡିୟମରେ ଘରୋଇ ପରିବେଶରେ ଭାରତ ଏଥର ପାରମ୍ପାରିକ ପ୍ରତିଦ୍ୱନ୍ଦ୍ୱୀଙ୍କୁ ସାମ୍ନା କରିବ । ଉଭୟ ଟିମ ୨ଟି ଲେଖାଁଏ ମ୍ୟାଚରେ ବିଜୟ ହାସଲ କରି ଜବରଦସ୍ତ ଫର୍ମରେ ରହିଛନ୍ତି ।
Comments are closed.