ଲଣ୍ଡନ: ଭାରତୀୟ ହୀରା ବ୍ୟବସାୟୀ ତଥା ପଳାତକ ନୀରବ ମୋଦିଙ୍କୁ ଗିରଫ କରାଯିବା ପରେ ତାଙ୍କୁ ଲଣ୍ଡନର ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି ବୋଲି ଗଣମାଧ୍ୟମ ସଂସ୍ଥା ଏଏନଆଇ ସୂତ୍ରରୁ ପ୍ରକାଶ ।
ତାଙ୍କୁ ମାର୍ଚ୍ଚ ୨୯ ତାରିଖ ପର୍ଯ୍ୟନ୍ତ ବିଚାର ବିଭାଗୀୟ ହାଜତରେ ରଖାଯିବ ବୋଲି ଗଣମାଧ୍ୟମ ସଂସ୍ଥା ଏଏନଆଇ ସୂତ୍ରତରୁ ପ୍ରକାଶ ।
Nirav Modi has been sent to HM Prison Wandsworth after his bail plea rejected by London Court. Nirav Modi to be in custody till March 29 pic.twitter.com/uFSoXI7NbT
— ANI (@ANI) March 20, 2019
ପ୍ରଖ୍ୟାତ ହୀରା ବ୍ୟବସାୟୀ ନୀରବ ମୋଦୀ ଭାରତରେ ପ୍ରାୟ ୧୩ ହଜାର ୫୦୦ କୋଟି ଟଙ୍କାର ଅର୍ଥ ହେରଫେର କରି ବିଦେଶ ଚାଲିଯାଇଥିଲେ । ଭାରତର ପ୍ରବର୍ତ୍ତନ ନିର୍ଦ୍ଦେଶାଳୟ ପକ୍ଷରୁ ନୀରବଙ୍କ ପ୍ରତ୍ୟର୍ପଣ ଲାଗି ବ୍ରିଟେନ ସରକାରଙ୍କୁ ଅନୁରୋଧ କରାଯାଇଥିଲା ।
ସୋମବାର ଦିନ ଏନେଇ ୱାରେଣ୍ଟ ଜାରି କରାଯାଇଥିବା ବେଳେ ଲଣ୍ଡନରେ ତାଙ୍କୁ ଗିରଫ କରାଯାଇ ପରେ କୋର୍ଟରେ ହାଜର କରାଯାଇଥିଲା ।
ଏଠାରେ ଉଲ୍ଲେଖଯୋଗ୍ୟ ଏହିଯେ, ପଞ୍ଜାବ ନ୍ୟାସନାଲ ବ୍ୟାଙ୍କ ଘୋଟଲାର ମୁଖ୍ୟ ଅଭିଯୁକ୍ତ ହେଉଛନ୍ତି ଏହି ପ୍ରଖ୍ୟାତ ହୀରା ବ୍ୟବସାୟୀ ନୀରବ ମୋଦୀ ଏବଂ ତାଙ୍କର ମାମୁଁ ମେହୁଲ୍ ଚୋକ୍ସି ।