ଟୋକିଓ: ଟୋକିଓ ଅଲିମ୍ପିକ୍ସରେ ଚାଲିଥିବା ପାରା ଅଲିମ୍ପିକ୍ସରେ ଭାରତ ତାର ଶ୍ରେଷ୍ଠ ପ୍ରଦର୍ଶନ ଜାରୀ ରଖିଛି । ଜାଭେଲିନ ଥ୍ରୋୟର ସୁମିତ ଅନ୍ତିଲ ବିଶ୍ୱରେକର୍ଡ ସହ ଭାରତ ପାଇଁ ସ୍ୱର୍ଣ୍ଣ ପଦକ ଜିତିଛନ୍ତି । ଏଫ୬୪ କାଟାଗୋରିରେ ସୁମିତ ୬୮.୫୫ ମିଟର ଦୂରତାକୁ ଜାଭେଲିନ ଥ୍ରୋ କରିଥିଲେ । ପ୍ରଥମ ପ୍ରୟାସରେ ସେ ୬୬.୯୫ ଥ୍ରୋ କରିଥିଲେ । ଦ୍ୱିତୀୟ ଥ୍ରୋରେ ୬୮.୦୮ ଓ ୫ମ ପ୍ରୟାସରେ ୬୮.୫୫ ମିଟର ଥ୍ରୋ କରିଥିଲେ ।
୬ ବର୍ଷ ତଳେ ଏକ ସଡକ ଦୁର୍ଘଟଣାରେ ସେ ତାଙ୍କ ଗୋଡ ହରାଇଥିଲେ । ତେବେ ନ ହାରିବା ଝୁଙ୍କ ତାଙ୍କୁ ଆଜି ସାରା ଭାରତରେ ପରିଚିତ କରାଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପଦକ ବିଜେତାଙ୍କୁ ଅଭିନନ୍ଦନ ଜଣାଇଛନ୍ତି । ଅଷ୍ଟ୍ରେଲିଆର ଏମ ବୁରିୟାନା ରୌପ୍ୟ ଏବଂ ଶ୍ରୀଲଙ୍କାର ଡି କୋଡିଥୁଆକଙ୍କୁ ବ୍ରୋଞ୍ଜ ପଦକ ଜିତିଛନ୍ତି । ଭାରତୀୟ ଆଥଲେଟମାନେ ୨ ସ୍ୱର୍ଣ୍ଣ ସହ ୭ ପଦକ ହାସଲ କରି ଜବରଦସ୍ତ ଫର୍ମରେ ରହିଛନ୍ତି ।
Comments are closed.