ମୁମ୍ବାଇ: ବଲିଉଡ ଅଭିନେତା ରଣବୀର କପୁରଙ୍କୁ ଶେଷ ଥର ପାଇଁ ସଞ୍ଜୟ ଦତ୍ତଙ୍କ ବାୟୋପିକ ସଞ୍ଜୁରେ ଦେଖିବାକୁ ମିଳିଥିଲା। ରାଜକୁମାର ହିରାନୀଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ର ଦୁଇ ବର୍ଷ ପୂର୍ବେ ମୁକ୍ତିଲାଭ କରିଥିଲା, ସେବେଠାରୁ ପ୍ରଶଂସକମାନେ ରଣବୀର କପୁରଙ୍କ ପରବର୍ତ୍ତୀ ପ୍ରୋଜେକ୍ଟ ପାଇଁ ଅପେକ୍ଷା କରିରହିଛନ୍ତି।
ତେବେ ଖୁବ୍ ଶୀଘ୍ର ରଣବୀର ୟଶ ରାଜ ବ୍ୟାନରରେ ନିର୍ମିତ ‘ଶମ୍ଶେରା’ରେ ନଜର ଆସିବେ। ଏହି ଚଳଚ୍ଚିତ୍ରଟି ଚଳିତ ବର୍ଷ ମାର୍ଚ୍ଚ ୧୮ରେ ପ୍ରେକ୍ଷାଳୟରେ ମୁକ୍ତିଲାଭ କରିବାର ଯୋଜନା ଥିଲା। ତେବେ ସୂଚନା ଅନୁଯାୟୀ ଫିଲ୍ମ ନିର୍ମାତାମାନେ ଫିଲ୍ମ ଶମ୍ଶେରା’କୁ ଡିଜିଟାଲ୍ ପ୍ଲାଟଫର୍ମରେ ‘ରିଲିଜ୍ କରିବାକୁ ଯୋଜନା କରିଛନ୍ତି। ଏହାର ନିର୍ଦ୍ଦେଶନା ଦେଇଛନ୍ତି କରଣ ମାଲହୋତ୍ରା।
Comments are closed.