ବଲିଉଡ ଅଭିନେତ୍ରୀ ଦୀପିକା ପାଦୋକନ ଅର୍ନ୍ତଜାତୀୟ ସିନେମା ଫେଷ୍ଟିଭାଲ ‘କାନ୍ସ’ରେ ଦୀପିକା ବିଚାରକ ମଣ୍ଡଳୀ ତାଲିକାରେ ସାମିଲ ହୋଇଛନ୍ତି । କାନ୍ସ ଫେଷ୍ଟିଭାଲ ତରଫରୁ ବଲିଉଡ ସୁପରଷ୍ଟାର ଦୀପିକାଙ୍କୁ ଏହି ଅର୍ନ୍ତରାଷ୍ଟ୍ରୀୟ ପ୍ରତିଯୋଗିତାର ୮ ଜଣ ବିଚାରକ ମଣ୍ଡଳୀ ମଧ୍ୟରେ ସାମିଲ କରାଯାଇଛି । ଏହି ବିଚାରକ ମଣ୍ଡଳୀର ଅଧ୍ୟକ୍ଷ ଭାବେ ଫ୍ରାନ୍ସିସ ଅଭିନେତା ବିସେଣ୍ଟ ଲିଣ୍ଡନ ରହିଛନ୍ତି ।
ବାକି ବିଚାରକ ମଣ୍ଡଳୀରେ ସାମିଲ ହୋଇଛନ୍ତି ଇରାନୀ ଫିଲ୍ମ ନିର୍ମାତା ଅସଘର ଫରହାଦୀ, ସ୍ୱିଡେନ ଅଭିନେତ୍ରୀ ନୁମୀ ରୈପେସ, ଅଭିନେତ୍ରୀ ତଥା ପଟକଥା ଲେଖକ ନିର୍ମାତା ରେବେକା ହାଁଲ, ଇଟାଲିଆନ ଅଭିନେତ୍ରୀ ଜୈଶ୍ମିନ ଟ୍ରୀଙ୍କା, ଫ୍ରେଞ୍ଚ ନିର୍ଦ୍ଦେଶକ ଲାଦୋ ଲି, ଆମେରିକୀୟ ନିର୍ଦ୍ଦେଶକ ଜେଫ ନିକୋଲ୍ସ ଓ ନାମ୍ବିଆ ସିନେମାର ନିର୍ଦ୍ଦେଶକ ଯୋଆଚିମ୍ ଟ୍ରାୟର ।
କାନ୍ସ ଫିଲ୍ମ ଫେଷ୍ଟିଭାଲ ତରଫରୁ ଗଣମାଧ୍ୟମକୁ ଦିଆଯାଇଥିବା ଏକ ବାର୍ତ୍ତାରେ କୁହାଯାଇଛି କି, “ଭାରତୀୟ ଅଭିନେତ୍ରୀ ଦୀପିକା ପାଦୋକନ ଭାରତରେ ଜଣେ ନାମିଦାମୀ କଳାକାର, ସେ ୩୦ଟିରୁ ଅଧିକ ଫିଚର ଫିଲ୍ମ କରିବା ସହ ପ୍ରସିଦ୍ଧ ଅଭିନେତା ବିନ ଡିଜଲଙ୍କ ସହ ସିନେମା କରି ବେଶ୍ ନାମ କମାଇଛନ୍ତି ”
Comments are closed.