ନୂଆଦିଲ୍ଲୀ: ଅଲଗା ହେବେ ଅମାଣ୍ଡା ଓୱେନ୍ ଓ କ୍ଲିଭ୍ ଓୱେନ୍ । ହଲିଉଡର ଜଣାଶୁଣା ଶୋ ଆୱାର ୟର୍କସିର୍ ଫାର୍ମର ଅଭିନେତ୍ରୀ ତଥା ମଡେଲ୍ ଅମାଣ୍ଡା ନିଜ ପତିଙ୍କ ଠାରୁ ଅଲଗା ହେବେ । ୮ ମାସ ହେଲା ଅମାଣ୍ଡା, କ୍ଲିଭ ଅଲଗା ହେବା ଖବର ସାମ୍ନାକୁ ଆସୁଥିଲା । ଏବେ ୪୭ ବର୍ଷୀୟ ଅମାଣ୍ଡା ଏବଂ ତାଙ୍କ ୬୩ ବର୍ଷୀୟ ପତି କ୍ଲିଭ୍ ବିବାହ ବିଚ୍ଛେଦ ନିଷ୍ପତ୍ତି ନେଇଛନ୍ତି । କୁହାଯାଉଛି ଅମାଣ୍ଡା ତାଙ୍କ ଶୋର କ୍ୟାମେରାମ୍ୟାନଙ୍କ ନିକଟତର ହେବା ପରେ କ୍ଲିଭଙ୍କ ସହ ସମ୍ପର୍କରେ ପୂର୍ଣ୍ଣଛେଦ ଟାଣିଛନ୍ତି ।
ଏନେଇ ଉଭୟ ବୟାନ ଜାରି କରିବା ସହ ଅଲଗା ହେଉଥିବା ସ୍ପଷ୍ଟ କରିଛନ୍ତି । କିନ୍ତୁ ଉଭୟଙ୍କ ୯ ଛୁଆର ଯତ୍ନ ଭବିଷ୍ୟତରେ ଦୁହେଁ ଏକାଠି ମିଶି ନେବେ ବୋଲି କହିଛନ୍ତି । ଅନ୍ୟପଟେ ଶୋର ଜଣେ କ୍ୟାମେରାମ୍ୟାନଙ୍କ ସହ ଅମାଣ୍ଡା ସମ୍ପର୍କ ବେଶ୍ ଘନିଷ୍ଠ ଥିବା ଜଣାପଡ଼ିଛି ।
ଅମାଣ୍ଡା ଓ କ୍ଲିଭ୍ ଚ୍ୟାନେଲ ୫ର ଡକ୍ୟୁ ସିରିଜକୁ ନେଇ ଚର୍ଚ୍ଚାକୁ ଆସିଥିଲେ । ଉଭୟଙ୍କ ଶୋ ସେମାନଙ୍କ ଛୁଆଙ୍କ ପାଇଁ ପ୍ରସିଦ୍ଧି ପାଇଥିଲା । ଉଭୟଙ୍କ ୯ଟି ଛୁଆ ଥିବାବେଳେ ସେମାନଙ୍କ ବୟସ ୨୧ରୁ ୫ ବର୍ଷ ମଧ୍ୟରେ । ୨୦୨୧ ଅକ୍ଟୋବରରେ ଅମାଣ୍ଡା ଓ କ୍ଲିଭଙ୍କ ସମ୍ପର୍କରେ ତିକ୍ତତା ଆସିଥିଲା । ଏପରିକି ସମ୍ପର୍କରେ ତିକ୍ତତାକୁ ଲୁଚାଇବା ପାଇଁ ଉଭୟ ବେଶ୍ ପ୍ରୟାସ କରିଥିଲେ । କିନ୍ତୁ ଏବେ ଦୁହେଁ ବିବାହର୨୧ ବର୍ଷ ପରେ ଅଲଗା ହେବା ପାଇଁ ନିଷ୍ପତ୍ତି ନେଇଛନ୍ତି ।
Comments are closed.